Pisunik aaqqissuussinermi ataqatigiissaarisoq Sermermiunut

Qaasuitsup Kommunia, Ilulissat illoqarfianni kulturikkut illorsuarmi Sermermiuni pisunik aaqqissuussinermi ataqatigiissaarisutut atorfik ataaseq inuttaqanngitsoq 1.juli 2017-imi imaluunniit isumaqatigiissuteqarnikkut inuttalerneqarusuppoq.
Qinnuteqarfissaq:
25. juni 2017
Sumi:
Ilulissat
Akissarsiat:
Isumaqatigiissut malillugu

Qaasuitsup Kommunia Ilulissani pisunik aaqqissuussinermi ataqatigiissumik pissarsiorpoq kulturikkut illorsuarmi Sermermiuni 

Kulturimik piginnaaneqarluarluni isumatusaarlunilu pisussanik aaqqissuusisinnaasoq, suliaqarnissaminut kajungittoq suleqatiginnikkusussuseqarluartoq pitsaasumik eqqarsallaqqissuulluni suleqateqarsinnaasoq sulisussatut ujartorneqarpoq.

Atorfik kultureqarnermut, atuartitaanermut sunngiffimullu ingerlatsiviup ataani inissisimavoq aamma Ilulissat illoqarfiani kulturikkut illorsuarmi Sermermiuni kulturikkut aaqqissuussat pilersaarusiornerannik, tunisassiarineqarnerinik nittarsaattarnerinillu suliaqarfiulluni. Pisortaq qaninnerpaaq tassaavoq Ilulissani sunngiffimmut pisortaq.

 

Atorfeqarnermi suliassat ilaat makkua taagorneqarsinnaapput: pisortatigoortumik tikeraartoqarnerani, inuiattut illorsiortitsinermi, kulturikkut pisunik aamma kultur aallaavigalugu aaqqissuussanik allanik pilersaarusioqataaneq aaqqissuusseqataanerlu. Suliffiup nalinginnaasup avataatigut suliassanik arlalinnik suliaqartarnissaq; ingammik unnukkut aamma sapaatip-akunnerata naanerini, ilimagineqassaaq.

Suliassat akisussaaffiillu ilaatigut makkuussapput 

  • Pisussanik pilersaarusiorneq piviusunngortitsinerlu
  • Allaffissornermik suliat: Ilulissani pisussat pilersaarutaannik malinnaaneq, Sermermiuni pisussanik piffissalersuilluni inniminniisarnerit, allakkiorneq allakkallu akillugit allanneq
  • Illoqarfimmi peqatigiiffinnik ikiuineq (atuuttut nutaallu) nipilersornermik kulturimillu aallaaveqarlutik sammisaqarusuttut
  • Sunngiffimmi sammisat amerlisarniarlugit suliniutinik nutaanik ujartuineq kiisalu taakkunannga piviusunngortitsinerit
  • Eqqummiitsuliortut tikisitat attaveqaataatut inissisimaneq
  • Ilulissat timersortarfiata aamma kulturikkut illorsuup Sermermiup nittarsaanneqarnerani peqataaneq
  • Kulturikkut illorsuarmi Sermermiuni aamma Ilulissat timersortarfianni sulisut tamarmik suleqatigiissitaasa ataatsimiinnerini peqataaneq

Ukuninnga pisinnaasaqarnissat kissaatigineqarpoq 

Atorfimmut assigusumit misilittagaqarnissaq kiisalu pilersaarutinik pilersaarusiorsinnaaneq aqutsisinnaaneq, pisunillu tamanik ukkissisinnaaneq, aaqqissuusisinnaaneq aamma kikkunnik tamanik attaveqaqateqarsinnaaneq pisinnaasaqarfigineqartussatut kissaatigineqarput. Inuk ammasoq, eqaatsumik suleriaasilik, tunniussimasoq, kulturimik suliaqarnerup attaveqallaqqissuunini atorlugu inerisarneqarnissaanik suliaqarusullunilu piginnaasaqarluartoq atorfissaqartinneqarpoq.

 

Suliffeqarfimmi immikkoortortat tamaat aamma suliffeqarfiup avataaniittunik suleqatigisartakkanik suleqatigisinnaanerinik piginnaasaqarneq pingaaruteqarpoq, uisakajaarfiusuni suliassanik tamanik ukkissisinnaaneq, marluinnik oqaasilinnik suleqateqarsinnaaneq, nammineq piginnaasat pisinnaasallu pingaartinneqarneri sakkortoqatigiipput. Nunat allamiut oqaasiinik ikinnerpaamik ataatsinik, ajornanngippat tuluttut oqaatsinik, oqalussinnaasariaqassaatit, tamannali piumasaqaataanngilaq.

Akissarsiat aamma atorfeqarnermi atugassarititaasut 

Naammaginartumik pineqaatissinneqarsimannginnermut uppernarsaammik aamma meeqqanik pinerliisimannginnermut uppernarsaammik pisortaqarfinnut piniarsinnaanermut akuersilluni atsiugassaq Qaasuitsup Kommunianit piniarneqartoq tunngavigalugu atorfinititsisoqassaaq. Kalaallit Nunaanni Namminersorlutik Oqartussat qinnuteqartullu kattuffiata isumaqatiginninniussisimasup isumaqatigiissutaat naapertorlugu akissaateqartitsisoqassaaq.

Atorfik inissaqartitsivoq, taamaammat malittarisassat atuuttut naapertorlugit sillimmasiinerit/ inimut akiliinerit pisassapput. Malittarisassat atuuttut naapertorlugit atorfininnermi soraarnermilu angalasinnaatitaaneq kiisalu pigisanik nuussineq suliffeqarfimmit akilerneqassapput.

 

Atorfik pillugu paasissutissat amerlanerit Ane Solveig Hansen-imut, oqarasuaat 94 76 80 imaluunniit mailimut: asha@qaasuitsup.gl–mut saaffiginnilluni pissarisiarineqarsinnaapput. Kommunip nittartagaa www.qaasuitsup.gl aamma takuuk.

Qinnuteqaat 

Qinnuteqaat ilinniarsimanermik siusinnerusukkullu suliffigisimasanik paasissutissartalik, ilinniakkamik naammassinninnermi uppernarsaatip oqaaseqaatillu assinganik ilalerlugu uunga kingusinnerpaamik 25. juni 2017 nassiunneqassapput.

Qinnuteqaat uunga nassiunneqassaaq 

Qaasuitsup Kommunia

Sulisoqarnermut Immikkoortortaqarfik

Postboks 1023

3952 Ilulissat

Imaluunniit e-mail-ikkut: hr@qaasuitsup.gl