Juunarsip Atuarfianut pisortamut tullersorti

Siunissami meeqqat inuusuttullu ilinniagaqalernissaannut tunngaviliinissamut qulakkeerinneqataanissamut peqataarusuppit? Ullut ingerlaartut suliatigut assigiinngitsunik unammillernartunik sammisaqarfiusut iluarisarpigit?
Qinnuteqarfissaq:
15. maj 2017
Sumi:
Qasigiannguit
Akissarsiat:
Isumaqatigiissut malillugu

Qaasuitsup Kommuniani Qasigiannguani Juunarsip Atuarfiani pisortamut tullersortimik pissarsiorpoq 

Qasigiannguani atuarfiup pisortaanut tullersortitut atorfik inuttassarsiorneqarpoq junip aallaqqaataani 2017 –imi aallartittussamik imaluunniit isumaqatigiissusiornikkut.

Juunarsip Atuarfia atuarfiuvoq pigiliussinissamik atugarissaarnissamillu pingaartitsisoq, ineriartortitsineq suliassaavoq pingaarnerpaaq, iluaniippoq peqataatitsineq, tassa atuarfik atuartunut pitsaanerpaaq pilersinneqassammat. Juunarsip Atuarfiata aamma angajoqqaanik suleqateqarluarnissaq pingaartittorjussuuaa anguniakkat pingaarnerit anguniarneqarnerini. Atuarfimmi 160 –it missiliorlugit atuartoqarpoq 30-t ataallugit amerlatigisunik sulisoqarpoq. 


Qinnuteqartutut naatsorsuutigineqarpoq 

  • Ilinniartitsisutut ilinniagaqartuunissat

  • Atuarfimmik aqutsinermik misilittagaqartuussaatit

  • Ineriartortitsinissamik angusarissaarnissamillu pingartitsisuunissat, eqeersimaartoq uummaarissorlu


Akissarsiat atorfinitsinneqarnermilu atugassarititat 

Akissarsiat atorfininnermilu atugassarititaasut Naalakkersuisut Ilinniartitsisut Meeqqat Atuarfianeersut Kattuffiata IMAKillu il.il. akornanni isumaqatigiissut atuuttoq 27. august 2014 –meersoq kiisalu Isumaqatigiissut pingaarneq / Hovedaftale 28. oktober 1998 –meersoq Naalakkersuisut Ilinniartitsisut Meeqqat Atuarfianneersut Kattuffiat, IMAK –illu isumaqatigiissutaat atuuttoq naapertorlugu.

 

Atorfimmut atasumik inissaqartitsisoqarpoq malittarisassat qaqugumulluunniit atuuttut malillugit akiliisoqartassaaq.

 

Atorfininnermi atugassarititaasut allat soorlu atorfininnermi angalaneq pisattallu angallaneri akiliunneqassapput, atorfininnermi Namminersorlutik Oqartussat Ilinniartitsisut Meeqqat Atuarfianneersut Kattuffiat, IMAKip akornanni isumaqatigiissutaasut atuuttut naapertorlugit.

 

Qinnuteqartut Kalaallit Nunaanni tjenestemanditut atorfimminngaanneersut taama atorfeqartitaanertik attatiinnassavaat.


Meeqqanik pinerliisimannginnermut uppernarsaat 

Atorfik una meeqqanik pinerluuteqarsimannginnermik uppernarsaammik aallernissamik inatsisitigut piumasaqaatigineqarmat. 

Taamaammat maluginiaqquarput atorfininnissaq ullulerneqarsinnaammat aatsaat Naalagaffiup politiivinit meeqqanik pinerluuteqarsimannginnermik naammaginartumik imalimmik kommuni tigusaqarpat. 


Pinerluuteqarsimannginnermut uppernarsaat 

Atorfik una pinerluuteqarsimannginnermik uppernarsaammik aallernissamik inatsisitigut piumasaqaatitaqarmat. Inatsit naapertorlugu atorfininneq aatsaat aallartissaaq politiinit pinerluuteqarsimannginnermut uppernarsaammik naammaginartumik kommuni tigusaqarpat.


Paasissutissat 

Saniatigut atorfik pillugu paasissutissanik pissarsisoqarsinnaavoq Uno Geislerimut saaffiginninnikkut oqarasuaat +299 91 46 32 imaluunniit mailimut uunga: unog@qaasuitsup.gl


Qinnuteqarfissaq kingulleq 

Qinnuteqaat kingusinnerpaamik nassiunneqassaaq ulloq maajip 15-ani 2017 Sulisoqarnermut immikkoortortaqarfimmut.

Qinnuteqaat uunga nassiunneqassaaq 

Qaasuitsup Kommunia

Sulisoqarnermut Immikkoortortaqarfik

Postboks 1023

3952 Ilulissat

Imaluunniit e-mail-ikkut: hr@qaasuitsup.gl