Sanaartornermut avatangiisinullu pisortaaneq

Qaasuitsup Kommuniani atorfik pingaarutilik Sanaartornermut Avatangiisinullu pisortaanertut atorfik inuttassarsiorneqarpoq. Atorfik piaartumik imaluunniit isumaqatigiissuteqarnerup kingorna inuttalerneqassasoq kissaatigaarput. Atorfik qullersaqarfimmi Ilulissaniittumi inissisimavoq, qaninnertullu pisortarissavat allaffissornikkut pisortaaneq.
Qinnuteqarfissaq:
21. maj 2017
Sumi:
Ilulissat
Akissarsiat:
Isumaqatigiissut malillugu

Qaasuitsup Kommunia Ilulissani sanaartornermut avatangiisinullu pisortaanermik sulisussarsiorpoq 

Aqutsisoqatigiinnut ilaassaatit; taakku ataatsimoorullugu suliassaraat naalakkersuinermik suliallit takorluugaasa politikkiliuunneqarnissaannut aamma periuusiliuunneqarnissaannut siunnersuusiorneq, naalakkersuinermik suliallit aalajangigaasa tigussaasumik iliuuseqarfigineqarnissaannik, inerisarneqarnissaannik aamma allaffissornermik suliaqarnermut malittarisassiuunneqarnissaannik suleriaasissaliuunneqarnissaanik qulakkeerinninnneq, innuttaasut, inuutissarsiortut sulisullu teknikkikkut atortorissaarutit atorlugit paasissutissanik ataatsimoorussamik pissarsiaqartarnissaannik qulakkeerinninneq, kiisalu sulisut atorfinitsinneqarneri ilinniaqqinnerilu aqqutigalugit pisariaqartinneqartumik piginnaasassaannik qulakkeerinninneq.

Suliffimmi aqutsisutut misilittagaqarnissaq pingaartinneqarpoq, ingeniøritullu, teknikeritulluunniit assigusumilluunniit ilinniagaqarsimanissat aamma iluaqutaasinnaalluni, teknikimut tunngassuteqartut eqqarsaatigalugit oqaatsit tamanit paasineqarsinnaasut atorlugit oqariartuuteqarsinnaanissat attaveqartarsinnaanissallu pisariaqartussaammata. 

Atorfeqarnermi akisussaaffiit aamma pingaarnertut suliassat 

  • Naalakkersuinikkut aaqqissuussinermut tapertaaneq:
    • Sanaartornermut Avatangiisinullu ataatsimiititaliamut allattaaneq.
    • Suleqatit suliffeqarfiup avataaniittut, kiffartuussinermik isumaqatigiissuteqarlutik aqunneqartut, attaveqarfigineqartarnerinut akisussaasuuneq.
    • Ataatsimiititaliamut ataavartumut, sanaartornermut avatangiisinullu ataatsimititaliamut, politikkinik periusissanillu siunnersuusiorneq akisussaaffigalugu.
    • Naalakkersuinermik suliallit aalajangernissaannut pisinnaatitaaffinnik pilersaarusiorneq aaqqissuinerlu.
  • Aqutsisoqatigiinnut tapertaaneq:
    • Aqutsisoqatigiit ulluinnarni sulineranni peqataasarneq aamma aqutsisoqatigiit ingerlaavartumik ataatsimiittarnerini peqataasarneq.
    • Borgmesterimut, ataatsimiititaliami siulittaasumut aamma aqutsisoqatigiinni allanik akisussaaffilinnut isummersoqataaneq siunnersortaanerlu.
    • Akisussaaffigisamik immikkut ittumik aqutsineq.
    • Akisussaaffigisami missingersuusiornermut akisussaassuuneq.
  • Sulisunut innutaassunillu kiffartuussinernut tapertaaneq:
  • Atorfillit tamarmiusut, 20-t missaanniittut, sulisinneqarnarinut akisussaasuuneq.
  • Akisussaaffigisamut inatsisit atuuttut malinneqarnissaannut akisussaaffeqarneq.
  • Naalakkersuinermik suliallit piusissatut akuerisaasa piviusunngortinneqar-nissaannut akisussaasuuneq.
  • Innuttaasunik sullissiveqarfiit aamma suliffeqarfiit kiffartuussinermik isuma-qatigiissuteqarlutik aqunneqartut piginnaasaqarluartumik eqqortumillu siunnersorneqartarnissaannik qulakkeerinninneq.

Taakku saniatigut atorfeqarnermi akisussaaffiit atorfillu pillugu allaaserisaq sulisoqarnermut immikkoortortaqarfimmut saaffiginnilluni pissarsiariniarneqarnissaa innersuussutigi-neqarpoq.

Piginnaaffigisassatit 

  • Aqutsinermik, pilersaarutinik aqutsinermik aammalu iliuusissanik siulersuinermik misilittagaqarneq, ajornanngippat pisortat suliffeqarfiutaanni
  • Teknikkikkut piginnaasaqalerfiusumik ilinniagaqarneq, soorlu ingeniør-itut, tekniker-itut assigusumilluunniit.
  • Kalaallit Nunaanni pissutsinik ilisimasaqarluarneq; kommunemi najugaqarfiit 40-t siammasissumik inissisimammata immikkut ittumik unammillernartuusarlutik ilisimasaqarnissaq pingaaruteqarpoq.
  • Kalaallit Nunaanni pisortani ingerlatsinermik inatsisinillu attuumassuteqartunik ilisimasaqarneq.
  • Kulturimik inuttullu paasinnittarneq; inuiaqatigiinni marluinnik oqaaseqartuni tamanna immikkut ittumik pigissallugu pingaaruteqarpoq.
  • Kalaallisut, tuluttut danskisullu oqaaseqarneq.
  • Attaveqaqatigiillaqqissuuneq, suliffeqarfiup avataanut aamma suliffeqarfiup iluanut.
  • Immikkoortortaqarfinni tamani sulisunik suleqatigissinnaaneq.
  • Nuannaartuuneq aamma qiimasuuneq.

Akissarsiat aamma atorfeqarnermi atugassat 

Akissarsiat aamma atorfeqarnermi pissutsit, atorfininnermi soraarnermilu angalasinnaatitaaneq kiisalu pequtit nuunneqarneri pillugit Naalakkersuisut kattuffiullu isumaqatigiinniussisinnaatitaasup akornanni atorfininnerup nalaani isumaqatigiissutaasut atuuttut naapertorlugit tamakkua isumagineqassapput.

Atorfimmut tunngatillugu inissaqartitsisoqarpoq, taamaammat malittarisassat atuuttut naapertorlugit depositumimmut / inimut akiliuteqartarnerit  pisassapput.

Atorfik pillugu itinerusumik paasissutissat allaffissornikkut pisortaanermut Hans Eriksen oqarasuaat 94 78 02-mut imaluunniit mailimut hae@qaasuitsup.gl –mut saaffiginnilluni pissarsiarineqarsinnaapput.

Qinnuteqarfissaq kingulleq 

Qinnuteqaatit ilinniarsimanermik siusinnerusukkullu suliffigisimasanik paasissutissartallit, ilinniarsimanermik uppernarsaatip assinganik ilalerlugit sulisoqarnermut immikkoortortaqarfimmeeriissapput kingusinnerpaamik 21. maj 2017

Qinnuteqaat uunga nassiunneqassaaq 

Qaasuitsup Kommunia

Att. Sulisoqarnermut immikkoortortaqarfik

Postboks 1023

3952 Ilulissat

hr@qaasuitsup.gl