Sulisoqarnermut Immikkoortortaqarfimmut fuldmægtigimik

Qaasuitsup Kommuniani Sulisoqarnermut immikkoortortaqarfik fuldmægtigissarsiorpoq 2017-ip naajartulerneranut piffissami aalajangersimasumi atorfeqartussami, decembarimi taamaatittussamik.
Qinnuteqarfissaq:
6. april 2017
Sumi:
Ilulissat
Akissarsiat:
Isumaqatigiissut malillugu

Qaasuitsup Kommuniani Ilulissani Sulisoqarnermik Immikkoortortaqarfimmi fuldmægtigimik pissarsiorpugut 

Qaasuitsup Kommunia annertuumik allannguinissamik iliuuseqarnialersaarpoq. Tamanna ima isumaqarpoq Sulisoqarnermut immikkoortortaqarfiup suliassat arlallit aallartittariaqalertussaagai tamassumalu saniatigut sulisoqarnermut tunngasunik suliassanik peqareerluta.

 

Taamaammat sulisoqarnermut tunngasunik allaffissornermut soqutigisaqaruit piginnaanitillu tassunga tunngasunik annertuserusukkukku taava manna periarfissatsialaavoq.

Taamaammat suleqatissarsiorpugut makkunannga suliaqartussamik 

  • Atorfinitsitsinermi allakkanik soraartunullu allakkat suliarinnittussanik

  • Sulisunut assigiinngitsunut tunngasunut siunnersuineq suliaqarnerlu ass.: mianersoqqussutit, ernisoqarsimatillugu taartaaniarluni qinnuteqaatinik suliaqarneq, tapeqarnissamik qinnuteqaatit il.il.

  • Suleqatit qanimut peqatigalugit immikkoortortaqarfimmi suleriaatsit pitsanngorsaaqataaffigalugit il.il.

Suleqatissarsiorpugut 

  • Pisortat suliassaataannik sungiussisimasumik

  • Qallunaatut kalaallisullu oqaasilimmik

  • Oqallorissuusariaqarpoq kiisalu allattariarsornikkut oqaaseqatigiiliorluarsinnaassalluni

  • Attaveqarluarsinnaasuusariaqarpoq aamma avammut suliffeqarfimmilu

  • Nammineerluinnarluni sulisinnaasariaqarpoq aappaatigut aamma suleqateqarsinnaassaaq

Neriuutigaarput allaffissornermut tunngasumik ilinniagaqartutit kiisalu IT-qarnikkut pitsaasumik piginnaaneqartutit kisianni aamma allanik ilinniagaqarsimasumik suliamut attuumassutilimmik misilittagalit mattunneqarnavianngillat.

Akissarsiatigut- atorfininnermut atugassarititaasut 

Akissarsiatigut atorfinitsitaanikkullu atugassarititaasut pissapput atorfinitsitaaanerup nalaani Naalakkersuisut isumaqatigiissuteqarsinnaatitaasullu kattuffiup isumaqatigiissutaat atuuttut naapertorlugit.

 

Atorfik inissiamik innersuussinertaqanngilaq.

Piaartumik imlt. Isumaqatigiissuteqarnikkut atorfininnissaq pissaaq.

Saniatigut atorfimmut tunngasunik paasissutissanik aallertoqarsinnaavoq Sulisoqarnermut Pisortamut Salomon Blytmanimut saaffiginnilluni oqarasuaat 94 76 53 e-mail: sabl@qaasuitsup.gl.

Qinnuteqarfissaq kingulleq 

Qinnuteqaat linniagaqarnermullu allagartat ilanngullugit, CV kiisalu siusinnerusukkut suliffigisimasamit oqaaseqaatit  Sulisoqarnermut immikkoortortaqarfimmut tunniunneqareersimassapput kingusinnerpaamik ulloq 6. april 2017.

Qinnuteqaat uunga nassiunneqassaaq 

Qaasuitsup Kommunia

Sulisoqarnermut Immikkoortortaqarfik

Postboks 1023

3952 Ilulissat

Imaluunniit e-mail-ikkut: hr@qaasuitsup.gl