Upernavimmut isumaginninnermi siunnersuisoq/sillissisoq

Upernavimmi Inunnik Isumaginnittoqarfik Meeqqanut inuusuttuaqqanut ilaqutaannullu sullissisumik pissarsiorpoq piaartumik isumaqatigiissuteqarnikkulluunniit sulilertussamik.
Qinnuteqarfissaq:
14. marts 2017
Sumi:
Upernavik
Akissarsiat:
Isumaqatigiissut malillugu

Qaasuitsup kommunia Upernavimmi meeqqanut inuusuttuaqqanut ilaqutaanullu sullissisussarsiorpoq 

Upernavimmi Inunnik Isumaginnittoqarfik Meeqqanut inuusuttuaqqanut ilaqutaannullu sullissisumik pissarsiorpoq piaartumik isumaqatigiissuteqarnikkulluunniit sulilertussamik.

Suliassat akisussaaffiillu 

  • Kommunimi meeqqat qanoq inuunerminni atugaqarnerisa nakkutigineri aammalu meeqqanik/inuusuttunik ilaqutaannillu imaluunniit naartusumik ikiortariaqarsinnaasunik sullissinerit nalunaarutiginninnerillu.
  • Saaffiginnittunik sullissineq oqaloqateqarneq meeqqanut inuusuttunut ilaqutaannullu tunngasunik siunnersuineq.
  • Inatsisit malillugit meeqqanut ikiorsiissutinik nalilersuineq – matumanilu pisariaqartitaat naapertorlugit ikiorsiissutinik tunniussineq.
  • Meeqqanik ulloq unnuarlu inissiisarfimmiittunik imaluunnit kommunip avataani efterskolertunut nakkutilliineq sullissinerlu. Matumani meeqqat angajoqqaavinut ilaqutaasunullu allanut attaveqatigiinneq attatiinnarniarlugu.
  • Suleqatigiit ataatsimiinnissaannut innersuussutinik suliaqarneq, suliaqarfiit akimorlugit suleqatigiissitanut aammalu Isumaginninnermi Ataatsimiititaliamut qinnuteqaatit, suliaqarfiit akimorlugit suliqatigiissitat ataatsimiititaliaata ataatsimiinnerini innersuutit aaliangerneqartut aammalu Isumaginninnermut Ataatsimiititaliap aaliangigai aallaavigalugit sullissineq.
  • Nunaqarfinni suleqatit meeqqanut inuusuttunut ilaqutaannullu tunngasunut siunnersueqatigisarneri.
  • Sapinngisamik pisariaqartitsineq tunngavigalugu meeqqanut inuusuttunut ilaqutaannullu tunngasuni immikkoortortami suleqatinik paarlaasarneq.
  • Sumiiffimmi isumaginninnermi pigaartartunut peqataaneq.
  • Suliassat takkussuuttut nalinginnaasit allat suliaralugit.

Piginnaasat kissaatigineqartut 

  • Ilinniarsimanissaq Isumaginninnermi Siunnersortitut, Siunnersuinermi Ikiortitut, imaluunnit HK-tut meeqqanut sullissinermut ilallugit, Perorsaasutut ilinniarsimaneq isumaginninnermi inatsisinut allaffissornikkullu pikkorissarsimanermik ilalik, Isumaginninnermi Ikiortitut ilinniarsimaneq meeqqanut tunngasunik sullissinermi pikkorsissarsimanermik ilalik.
  •  Suliamut tunngassutilinnut pikkorissarnissamut piumassuseqarneq soqutiginninnerlu aammalu ilinniaqqissinnaanerit suliamut attuumassutillit.
  • Meeqqanut tunngatillugu sullissinermik misilittagalik ilanngullugit meeqqanut inuusuttunullu ikiorsiinermut peqqussut malillugu ikiorsiisarnermik suliaqartarsimanerit takussutissallit.
  • Suleqatinik aqutsisunillu suleqatiginnilluarsinnaaneq.
  • Isumaginnittoqarfimmi sullissisutut sullissinermi aaqqissuussaanikkut aqutsinikkullu aaliangersakkanik malinnissinnaaneq suleqatinillu suleqateqarluarsinnaaneq.
  • Suleqatinik avataaneersunik pitsaasumik suleqateqarnermut misilittagaqarneq, suleqatigiit ataatsimiinnerini, suliaqarfiit akimorlugit ataatsimiinnerni imaluunniit immikkoortortaqarfiit akimorlugit sullissinermi.
  • Maligassiuisoq, sullitanut attaveqatiginninnermut pikkorissoq
  • Tarnikkut nukittooq, akerleriinnernik aqutsisinnaaneq
  • Tulleriiaarluakkamik sulisinnaaneq, tatiginartoq akisussaassuseqartorlu.
  • Aalajaatsoq peqqissaartorlu

Piffissaq qaninnerusoq isigalugu atorfimmi anguniarneqarpoq sullissinerup pitsaanerusunngortinneqarnissaa, kiisalu misissorneqassalluni ikiorsiissutinik naleqquttunik meeqqanut inuusuttunut ilaqutaannullu tunngasuni tunniunneqartartunik pitsanngorsaanerit.

Piffissaq ungasinnerusoq isigalugu meeqqanik inuusuttunillu annertuumik sumiginnaanerit, timikkut tarnikkullu nakuusernerit, kinguassiutitigut atornerlunneqarnernut annikillisinniarneqarnissaanut suleqataaneq, aammalu angajoqqaat angajoqqaatut piginnaasaat nukittorsaaneq. 

Akissarsiaqartitsineq atorfinititsinerlu 

Akissarsiaqartitsineq atorfinitsitinerlu pissapput kattuffimmut isumaqatigiinninniarsinnaatitaasumut isumaqatigiissutit sukkulluunniit atuuttut naapertorlugit.

Atorfimmut atatillugu inissaqartitsisoqarsinnaavoq, taannalu akilerneqartassaaq qularnaveeqqusiinermut akiliutissamut il. il. malittarisassat atuuttut naapertorlugit.

Pisortatigoortumik pinerlussimannginnermut uppernarsaat (Straffeattest) meeqqanillu pinerliisimannginnermut uppersarsaat (Børneattest) naammaginartut tunngavigalugit atorfinitsitaaneq pissaaq, taakkulu qinnuteqartup akuersineratigut Rigspolitiinut sulisitsisumiit aaneqassapput.

Atorfimmut tunngatillugu annertunerusumik paasisaqartoqarsinnaavoq immikoortoqarfimmi Aqutsisoq Sejer Kleemann oq. 96 48 04–mut saaffiginninnikkut imaluunnut e-mail: sekl@qaasuitsup.gl   

Qinnuteqarfissaq kingulleq 

Qinnuteqaat ilinniarsimaneq suliffigisimasallu pillugit paasissutissat, ilinniarsimanermut uppernarsaatit il.il. ilanngullugit Sulisoqarnermut Immikkoortortamut kingusinnerpaamik 14. marts 2017

Qinnuteqaat uunga nassiunneqassaaq 

Qaasuitsup Kommunia

Sulisoqarnermut immikkoortortaqarfik

Postboks 1023

3952 Ilulissat

e-mail: hr@qaasuitsup.gl