Tarnip pissusaanik immikkut ilisimasalik Ilulissanut

Atorfiup siunertaa
Tarnip pissusaanik immikkut ilisimasalik MISI-mi suleqatigiinnut ilaavoq, taakkua misissuisarput, nalilersusarput aamma meeqqat inuusuttullu tarnimikkut peroriartornerminnilu ajornartorsiutaat pillugit siunnersuisarput. 1. Marts 2017 isumaqatigiissuteqarnikkulluunniit atorfinitsitsineq pissaaq.
Suliffiup iluani inissisimaneq attaveqarfigisartagarlu
Atorfik MISI-mi inissisimavoq aamma tarnip pissusaanik immikkut ilisimasallip MISI-Avannaani pisortaq qaninnertut attaveqarfigisarpaa. Fagchef-i qaninnertut sulisitsisorineqassalluni.
Qinnuteqarfissaq:
5. februar 2017
Sumi:
Ilulissat
Akissarsiat:
Isumaqatigiissut malillugu

Qaasuitsup Kommunia Ilulissani tarnip pissusaanik immikkut ilisimasalimmik sulisussarsiorpoq 

Inatsisit aalajangersakkallu atuuttut naapertorlugit akisussaaffiit aamma suliassat

  1. Meeqqat atuarfiat pillugu inatsisartut inatsisaat nr. 15 3. december 2012-meersoq
  2. Meeqqat atuarfianni immikkut ittumik atuartitsisarneq aammalu allamik immikkut perorsaanikkut ikiorsiisarneq pillugu Namminersornerullutik Oqartussat nalunaarutaat nr. 22, 23. juli 1998-imeersoq
  3. Atualertussat, atuarfeqarfik, MISI, pilersuisut isumaginnittoqarfiullu akornanni suleqatigiinnissamik isumaqatigiissut.

Suliassat makkua suliarisassavai 

  • Meeqqat innersuussat perorsarneqarnerinik-tarniisa pissusaanik nalilersuineq/ misissuineq.
  • Atuarfik/ paaqqinnittarfik angajoqqaallu misissuineq pillugu ilisimatittassavai.
  • Meeqqat misissukkat nalunaarusiarisassavai imaluunniit nalilersortassavai.
  • Sulilluni angalanini nalunaarusiarisassavai.
  • Meeqqat immikkut ittumik pisariaqartitsisut pillugit angajoqqaat, perorsaasut ilinniartitsisullu siunnersortassavai.
  • Immikkut ittumik atuartitsinermut aamma immikkut ittumik perorsaanermi ikiorsiissutit siunnersuusiorfigisassavai.
  • Allagaatinik nalunaarsuisassaq (Journalføring).
  • Meeqqat angajoqqaallu namminneq perorsaaneq tarnip pissusaanik aallavilimmik siunnersoqqullutik saaffiginnittut oqaloqatigisassavai.
  • Tarnip pissusaanik immikkut ilisimasallit akaareqatigiissumik imaajaaqatigiinneri.
  • Nammineq suliarisimasat pillugit imaajaaqateqarneq.
  • Pisarialimmik peqataatitsineq, ikiorsiilluni tapersiineritaamma suliffeqarfinnik allanik innersuussinerit.
  • Ilinniagaq aallaavigalugu ilisimasanik nalunaarsuineq.
  • Suleqammik inerisaaniarluni oqaloqatigiinnermi (MUS-samtaler) peqataaneq.
  • MISI-mi sulisut eqimattallu ataatsimiinnerini peqataaneq.

    SuliaRISINNAASAT allat

  • Atuarfinni paaqqinnittarfinnilu perorsaanermik suliallit imaajaaqatigiisinneqarnerinik suliaqarneq.
  • Atuarfiup/ paaqqinnittarfiup sulisuinik siunnersuineq aamma ilitsersuineq.
  • Atuarfiit/ paaqqinnittarfiit ataasiakkaa immikkut ittumik atuartitsinermik aaqqissuussineri pillugit ilitsersuussineq aamma siunnersuineq.
  • Atuarfimmit aamma paaqqinnittarfimmit perorsaaneq tarnip pissusaanik apeqqutit aallaavigalugit ilitsersuineq siunnersuinerlu.
  • Atuarfimmi/ paaqqinnittarfimmi meeraqatigiit/ klassit avatangiisaasa pitsanngorsarneqarnerini toqqaannartumik peqataaneq.
  • Atuarfinni paaqqinnittarfinnilu perorsaarnerit pillugit imaajaaqatigiittunik sullissineq.
  • Meeqqat, inuusuttuaqqa ilaqutariillu meerartallit pilersaarusiorfigineqarnerini peqataaneq.
  • Upalungaarsimasuutitani peqataaneq.
  • Atuarfiit/ paaqqinnittarfiit upalungaarsimasuutitanit ikiorserneqarnerini ikiuineq.
  • Kommunip iluani suliaqarfiit assigiinngitsut suleqatigiinnerini peqataaneq.
  • Atuarfiit/ angajoqqaat qulequttanik attuumassutilinnik saqqummiivigalugit

Piginnaasat 

  • Cand. psych imaluunniit cand. pæd. psych.-itut ilinniarsimasuuneq
  • Sulineq namminersuutigalugu aaqqissuusinnaassavat.

Ilinniagaqaqqinneq aamma ilinniaqqinneq

Tarnip pissusaanik immikkut ilisimasalittut allagartaqanngitsut allagartartaarnissaat anguniarlugu ilinniartitaaneri pilersinneqartassapput.

Tarnip pissusaanik immikkut ilisimasallit ilinniagaannut attuumassutillit ilisimasat pigineqaannarniassammata taakkununnga attuumassutilinni pikkorissartoqartassaaq/ ilinniaqqittoqartassaaq. Tarnip pissusaanik immikkut ilisimasalittut allagartallit immikkut ittumik ilisimasalittut akuerineqarnissaq anguniarlugu suliniuteqarnissaminnut periarfissinneqartassapput.

Akissaatit atorfeqartitaanermullu atugassarititaasut 

Naalakkersuisut kiisalu Ilinniartitsisut Meeqqat Atuarfianneersut  Kattuffiata IMAK-ip, Kalaallit Nunaanni meeqqat atuarfianni ilinniartitsitut il. il.  akissarsiaat pillugit isumaqatigiissutit 27. August 2014-imeersut naapertorlugit atorfinititsisoqassaaq.

Qinnuteqartut tjenestemanditut atorfeqareersut taama inissisimanertik atuinnarlugu atorfinitsinneqarsinnaapput.

Danmarkimi pisortat suliffiutaanni atorfeqaruit Kalaallit Nunaanni atorfinitsinneqarnerit pissutigalugu Danmarkimi atorfigisannit sulinngiffeqarnissarnut periarfissaqarputit

Atorfininnermi ukiunut aalajangersimasunut aalajangikkanut immikkut aaqqiisarneq naapertorlugu atorfinititsisoqarsinnaavoq.

Atorfimmut tunngatillugu inissaqartitsisoqarpoq, ineqarnermullu akiliutaasartut atuuttut naapertorlugit inimut akiliisoqartassaaq, tassungalu ilaallutik depositumip il.il. akilerneqarnissaa.

 

Attaveqarfissaq:

Atorfimmut tunngassuteqartut pillugit annertunerusumik paasisaqarusukkuit MISI Avannaanut MISI_Avannaa@qaasuitsup.gl

Imaluunniit Fagdirektør Sivso Dorph, sido@qaasuitsup.gl oqarasuaammut: 94 79 50, imaluunniit

Fagchef Christian Jensen-imut chje@qaasuitsup.gl oqarasuaammut: 94 79 56

Qinnuteqarfissaq kingulleq 

Qinnuteqaat kiisalu qinnuteqarnermut atatillugu allagaqartat pisariaqartinneqartut kingusinnerpaamik 5. Februar 2017 HR-imi immikkoortortaqarfimmut tunniunneqareersimassapput.

Qinnuteqaat uunga nassiunneqassaaq 

Qaasuitsup Kommunia

Sulisoqarnermut immikkoortortaqarfik

Postboks 1023

3952 Ilulissat

E-mail: hr@qaasuitsup.gl