Meeqqat angerlarsimaffianut perorsaasut

Meeqqat angerlarsimaffiat nutaaq illuni uiulukuttukkuutaani sisamanik initalinniittussaavoq. Kalaallit Nunaanni meeqqat angerlarsimaffiat pitsaanerpaaq pilersissallugu takorluuivugut taamaattumik sulisut pikkorissut soqutiginnittullu 1. marts 2017-imit imaluunniit isumaqatigiissuteqarnikkut sulilersinnaasut ujarpagut. Sapaatip-akunneranut nalunaaquttap-akunneri 40-t sulisoqartassaaq.
Qinnuteqarfissaq:
19. februar 2017
Sumi:
Qasigiannguit
Akissarsiat:
Isumaqatigiissut malillugu

Qaasuitsup Kommuniani Qasigiannguani Meeqqat Angerlarsimaffiat perorsaasunik pissarsiorpoq 

Meeqqat angerlarsimaffiat nutaaq meeqqanut nalinginnaasumik inuuneqartunut, katsorsarneqarnissaminnik pisariaqartitsinngitsunut, arfineq-pingasunut tallimaniik 15-inut ukiulinnut Qaasuitsup Kommuniani najugalinnut najugaqarfigineqartussatut naatsorsuussaavoq. Meeqqat piffissami sivikinnerusumi imaluunniit sivisunerusumi isumassorneqarnissaminnik tapersersorneqarnissaminnillu pisariaqartitsisut assigiinngitsunik peqquteqarlutik angerlarsimaffimminni najugaqarsinnaanngitsut pineqarput. Qatanngutigiit ataatsimoortillugit sapinngisamik inissarsiuunneqarnissaat anguniarneqarusuppoq aamma angajoqqaat naammaginartumik angajoqqaatut akisussaaffimminnik atuisinnaaleraangata ilaqutariit ataatsimoorteqqittalernissaat anguniagaavoq. Taamaattumik meeqqanik inissiisarnermik suliaqarnermut ilutigitillugu angajoqqaatut piginnaasat pitsanngorsarlugit suliaqartoqassaaq, taamaalilluni meeqqat angerlartinneqarsinnaaniassammata aamma angajoqqaanut attaveqartarneq perorsaanermut suleriaatsimullu ilaatinneqartussaassapput. Meeqqat angerlarsimaffiat aqqaneq-marlunnik, pisortaq ilanngullugu, aallaqqaammut sulisoqassaaq.


Imaattuussasutit naatsorsuutigaarput 

  • Perorsaasutut tassungaluunniit attuumassuteqartumik ilinnniagaqarsimassasutit, ajornanngippat taamatut sulillutit misilittagaqassasutit

  • Suliffeqarfiup iluani avataanilu suleqatinik suleqatikkuminartuussasutit

  • Inuk inoqaternut akisussaaffeqarusussuseqassasutit maligassiuerusussuseqarlutit taakkunanngalu piginnaaneqassasutit

  • Sullissisumik, pisortamik suleqaternillu suleqateqarlutit iliuusissatut pilersaarusiornissarnut, killiffiit nalunaarusiornissaannut ingerlaavartumillu nalilersuinissarnut piareersimassasutit

  • Imaajaaqatigiinnissamut piareersimassasutit

  • Ilinniagaq qaffasinnerusoq atorlugu sulinissarnut piareersimassasutit

  • Meeqqat angerlarsimaffiata ineriartornissaanut; perorsaaneq attuumassusilinnut akuliuttarnermullu perorsaanerit ilanngullugit, pitsaasunik ilusilersueqataarusussuseqassasutit

  • Meeqqat angajoqqaallu artorsarnerini inissaqartissinnaassagitit

  • inuunermi oqaluttuat oqimaatsut inissiaqartissinnaassagitit

  • illit pissusilersuutissatut akuerisarnut ilimagisarnullu inuit inorsartut ataqqissagitit

  • ammasuussasutit aamma attaveqariaaserni erseqqissuussasutit

  • marluinnik oqaaseqartuussasututi, tamannali piumasaqaataanngilaq

  • nikerartumik sulinissarnut piareersimassasutit, ilaanni sapaatip-akunnerisa naanerini sulinerit ilanngullugit


Ukua uagut neqeroorutigisinnaavagut 

  • meeqqat angerlarsimaffiat nutaarluinnaq, paaqqinnittarfiup kulturianik, perorsaariaasianik, isikkuanik iluatalu aaqqissugaaneranik illit sunniuteqartorujussuusinnaassaatit

  • suliffeqarfik ineriartornissaminik ukkissisoq aamma qanilaartuuneq pingaartinneqarluinnartuuvoq

  • ilinniagaqassuseq qaffasissoq

  • ingerlaavartumik imaajaqatigiittarnerit

  • suliffeqarfiup iluani avataanilu pikkorissartarluni ingerlaavartumik piginnaasanik qaffassaanerit ilinniaqqinnerillu

  • malittarisassat atuuttut malillugit suliffimmut atatillugu ineqarneq

  • sulilernermi soraarnermilu akiliunneqarluni angalanerit, malittarisassat naapertorlugit pigisat nuunneqarnerinut akiliutsinnerit ilanngullugit

  • Qeqertarsuup Tunuani illoqarfik nuannersoq avatangiisigissaartoq.


Akissarsiaqartitsineq atorfinitsitsinerlu 

N.P.K-p Kalaallit Nunaannilu Namminersorlutik Oqartussat akornanni isumaqatigiissut atuuttoq naapertorlugu aallaqqaammut isumaqatigiissuteqarluni akissaasersuisoqassaaq.

Atorfik pillugu paasissutissat amerlanerit aamma pilersaarutip allaaserineqarnerata assinga pisortamut Claus Hugger-imut, mail: clhu@qaasuitsup.gl, oqarasuaat: +299 914603 imaluunniit +299 275113.

Nammaginartumik pinerliisimannginnermik uppernarsaat aamma meeqqanik pinerliisimannginnermik uppernarsaat atorfininnissamut piumasaqaataapput, taakku kommunimit pissarsiariniarneqassapput.


Qinnuteqarfissaq kingulleq 

Qinnuteqaat ilinniarsimanermut uppernarsaatitalik aamma pikkorissarnermut uppernarsaatitalik, suliffigisimasat allattorsimaffianik oqaaseqaasitalillu mail-imut uunga nassiunneqassaaq: hr@qaasuitsup.gl kingusinnerpaamik ulloq 19. februar 2017.

Qinnuteqartoq Kalaallit Nunaanni illoqarfimmi allami imaluunniit Danmarkimi najugaqartuuppat Skype atorlugu atorfinititsinissaq tunuliaqutaralugu oqaloqatiginnittoqassaaq.


Qinnuteqaat uunga nassiunneqassaaq 

Qaasuitsup Kommunia

Sulisoqarnermut Immikkoortortaqarfik

Postboks 1023

3952 Ilulissat

Imaluunniit e-mail-ikkut: hr@qaasuitsup.gl