Atuareernerup kingorna ornittakkamut aqutsisoq

Qaasuitsup Kommuniani Qeqertarsuarmi atuareernerup kingorna ornittakkami piaarnertumik imaluunniit isumaqatigiissuteqarnikkut atorfinittussamik pisortassarsiorpoq.
Qinnuteqarfissaq:
5. februar 2017
Sumi:
Ilulissat
Akissarsiat:
Isumaqatigiissut malillugu

Qaasuitsup Kommuniani Qeqertarsuarmi Atuareernerup kingorna ornittakkami aqutsisumik pissarsiorpoq 

Aqutsisup qaninnerpaamik qullersarisavaa Sunngiffimmi aqutsisoq.

Suliassat akisussaaffiillu 

  • Atuareernerup kingorna ornittakkami sulisoqarnermik ingerlatsineq.

  • Atuarfiup pisortaanerata sunngiffimmi kultureqarnermullu immikkoortortaqarfiup iluaniittunik ataatsimeeqateqartarneranut peqataasassaaq.

  • Inip iluani pisariaqartitat suugaluartut sunngiffimmi pisortamut apuutissallugit, kiisalu aningaasanut missingersuuserinermi siunnersuuteqartarnissaq.

  • Ulluinnarni atuareernerup kingorna ornittakkap ingerlanerani aqutsisuuneq.

  • Atuareernerup kingorna ornittakkami sulisunut qaninnertut attaveqaataaneq.

  • Atuisunik ataatsimiisitsisarnerit ukiumut marloriarluni ingerlattarlugit.

  • Angajoqqaanik qanimut suleqateqarneq – meeraq qitiutillugu.

  • Akunnermusiallit aningaasarsiassaannik atsiorneq akissarsialeriffimmullu nassiussineq.


Piginnaasat 

  • Perorsaasutut ilinniagalik, imaluunniit tassunga assigusumik ilinniagalik, soorlu isumaginninnermut ikiortitut.

  • Sulisunik aqutsinermik kiisalu allaffissornermik misilitagaqarneq.

  • Akisussaassusilik, suliffimmut tunniusimasoq.

  • Isumassarsiullaqqissoq, oqaloqatikkuminartoq.

  • Ineriartortitsiqataarusuttoq.

  • Timikkut tarnikkullu peqqissoq, eqaatsumillu periusilik.

  • Kalaallisut qallunaatullu oqalussinnaasoq.


Akissarsiat atorfinitsitaanermilu atugassarititat 

Akissarsiat atorfinitsitaanermilu atugassarititaasut Naalakkersuisut kiisalu suliniaqatigiiffiup isumaqatigiinniartussaatitaasup akornanni isumaqatigiissut atuuttoq naapertorlugu pissaaq.

 

Atorfimmut atatillugu inissaqartitsinngilaq.

 

Atorfininneq pillarneqarsimannginnermut uppernarsaasinnaanermik takutitaqarneq tunngavigalugu pissaaq, taanna qinnuteqartup atsioreerneratigut sulisitsisumiit Rigspolitiinut pissarsiarineqassaaq.


Attaveqarfissaq 

Atorfik pillugu annertunerusumik paasissutissat Sunngiffimmi pisortamut Simigaq Heilmann-imut oqarasuaat 92 29 43  imaluunniit mail: sian@qaasuitsup.gl atorlugit saaffiginninnikkut pissarsiarineqarsinnaapput.


Qinnuteqarfissaq kingulleq 

Qinnuteqaat soraarummeernermi uppernarsaatinik, suliffigisimasanik kiisalu oqaaseqaatinik saaffiginniffisssanillu imaqartoq nassiunneqassaaq kingusinnerpaamik ulloq 5. februar 2017.

Qinnuteqaat uunga nassiunneqassaaq 

Qaasuitsup Kommunia

Sulisoqarnermut Immikkoortortaqarfik

Postboks 1023

3952 Ilulissat

Imaluunniit e-mail-ikkut: hr@qaasuitsup.gl