Innarluutilinnut sullissisoq Qaanaamut

Qaasuitsup Kommuniani, Qaanaami Innarluutiliinnut sullissisussarsiorpoq,
piaartumik imaluunniit isumaqatigiissuteqarnikkut atorfinittussamik.
Qinnuteqarfissaq:
2. februar 2017
Sumi:
Qaanaaq
Akissarsiat:
Isumaqatigiissut malillugu

Qaasuitsup Kommunia Qaanaami innarluutilinnut sullissisussarsiorpoq 

Atorfik pisortatut inissisimassanngilaq, Innarluutillit pillugit tapersersortinut ataqatigiissaarisoq peqatigalugu kiisalu pisariaqartitsineq aallavigalugu, aningaasaqarnermut aningaasanik taavalu meeqqanik sullissisut suleqatigisarlugit. Isumaginnittoqarfimmi immikkoortortami pisortaq qaninnerpaamik qullersarineqassaaq.

Atorfimmi pingaarnertut anguniagaapput innarluutilinnut immikkoortortaqarfinni sullissinermi pitsaanerumik ingerlatsineq, taassuma ataani innarluutilinnut peqqussutinut ilanngussinermut aammalu ikiorsiissutinik naleqquttunik akuersissuteqarnerit suliarineqartassapput. Atorfik massakkutut ilusimigut tamatigoortuuvoq aamma unammillernartuuvoq suliassat nammineerutigalugit pingaarnersiorneqarsinnaanerinik periarfissaqartitsilluni.

Suliassat aamma akisussaaffiit 

  • Innarluutilinnut suliaqarfimmut inassuteqaatit, innarluutilinnut sullissisut kiisalu suliaqarfiit assigiinngitsut suleqatigiiffiata ataatsimeeqatigiinneranni oqaluuserineqartussat isumagalugit taamatuttaarlu aalajangiussat inassuteqaatillu sulisunut suliamut attuumassutilinnut ingerlateqqillugit.
  • Isumaginninnermi ataatsimiititaliamut inassuteqaasiarineqarsimasut immikkoortortaqarfimmi aqutsisummut ingerlateqqinneqarnissaat isumagalugu; aammalu aaliangikkat tunngavigalugit suliassap ingerlateqqinnissaa isumagisassallugu.
  • Innarluutilinnik immikkoortumi suliniutit pillugit immikkoortortaqarfinnik aammalu suliffeqarfiit avataanut suleqatiginninermi ingerlaavartumik ilisimatitsisarneq.
  • Meeqqanik innarluutilinnik sumiginnaanermut aamma atornerluinermut pasitsaassisoqartillugu ilisimatitsinerit tamaasa pillugit ingerlaavartumik ilisimatitsisarnerit, taakkua ataanni ilaqutariinni persuttaasoqarsimatillugu atornerluisoqarsimatillugulu  meeqqanut immikkoortortami  siunnersorti peqatigalugu, nakkutigissallugu immikkoortortaqarfinni sullissisut suliassat pineqartut suliarineraat.
  • Innarluutillit pillugit peqqussummut ilanngunneqarnissamut qinnuteqarnernut atatillugu killiffinnik ingerlaavartumik ilisimatitsisarnerit.
  • Innarluutilinnut tunngasut pillugit uppernarsaatit nutaat nutartikkallu tamaasa ataavartumik ilisimatitsissutigisarlugit, tamatumani pingaartumik isumaginninnermi nalunaarusiat, suliamik piareersaatit assigisaallu.
  • Innarluutillit pillugit peqqussut naapertorlugu aningaasanik tunniussinerit killiffii tamaasa ataavartumik ilisimatitsissutigisarlugit, aammalu naatsorsueqqissaarineq.
  • Naammagittaalliuutitut suliat tamarmik tamaasa eqqarsaatigalugit tapersersortitut inissisimanissaq, aammalu uppernarsaatit naammagittaalliuuteqartitsivimmut nassiunneqartarnissaat akisussaaffigalugit.
  • Innarluutilinnut suliaqarfimmut atasumik innarluutilinnut tapersersortitut sulilerusuttut qinnuteqaataasa suliarineri. Qinnuteqaatit nalorninartortaqarpata suleqatigiit imaluunniit suliffiup avataani suleqatit ataatsimeeqatigineranni eqqartorneqarnissaat isumagalugit pisariaqarpallu suliffeqarfiit assigiinngitsut ataatsimiittartoqatigiivinut eqqartortillugit, kiisalu aalajangiunneqartut piviusunngortinneqarnissaat isumagalugu.
  • Innarluutilinnut  tapersersortinit nalunaarutit nutaat ataavartumik ilisimatitsissutigisarlugit tamakkualu innarluutilinnut tapersersortinut peqatigalugit oqaluuseritillugit, innarluutillit ikiorserneqarnissaat naleqqussaavigalugit kiisalu iliuusissamut pilersaarutit pisunut naleqqussarneqarnissaat isumagisarlugu.
  • Innarluutilinnut tapersersortitut atorneqartut pillugit naammagittaalliuutaasut innarluutilinnut  suliaqarfiup  immikkoortortaqarfianut ataavartumik ilisimatitsissutigisarlugit, taakkualu piaarnerpaamik immikkoortortaqarfimmi aqutsisoq suleqatigalugu aaqqiivigipallattarlugit, HR-imi sulisut peqatigalugit aaqqiineq ingerlattarlugu.

Taakku saniatigut atorfik pillugu akisussaaffiit allaaserinninnerillu innersuussutigineqarput; taakku Qaanaami Inunnik Isumaginnittoqarfimmi aqutsisumut saaffiginnilluni pissarsiarineqarsinnaapput.

Piginnaaffigisassatit 

  • Isumaginninnermi siunnersortitut ilinniagaqarsimaneq - ajornanngippat innarluutilinnut immikkoortunut pikkorissartarsimaneq
  • Siunnersuinermi assistentitut ilinniarsimaneq - ajornanngippat innarluutilinnut immikkoortunut pikkorissartarsimaneq.
  • HK-mut ilinniarsimaneq - ajornanngippat innarluutilinnut immikkoortunut pikkorissartarsimaneq.
  • Perorsaasutut ilinniarsimaneq - ajornanngippat innarluutilinnut immikkoortunut pikkorissartarsimaneq.
  • Isumaginninnermi ikiortitut ilinniarsimasuuneq, innarluutillillu pillugit ilinniarsimassutsikkut pikkorissarsimanermik ilalerlugu

Akissaatit atorfeqartitaanermilu atugassarititaasut 

Atorfininnermi atugassarititaasut Naalakkersuisut peqatigiiffiullu isumaqatigiinniarsinnaa-titaasup akornanni isumaqatigiissut atuuttoq naapertorlugu atorfinitsitaaneq pissaaq.

Atorfimmut inissaqartitsisoqarsinnaavoq malittarisassat qaqugukkulluunniit atuuttut naapertorlugit.

Atorfimmut paasissutissat sukumiinerusut pineqarsinnaapput Inunnik Isumaginnittoqarfimmi aqutsisumut Mika Oshima Etah oq. 97 28 05 e-mail: moet@qaasuitsup.gl  

Qinnuteqarfissaq kingulleq 

Qinnuteqaat ilinniarsimanermut siornatigullu sulisimanermut paasissutissanik imalik, ilanngullugit soraarummeernermut il.il. allagartat Sulisoqarnermut Immikkoortortaqarfimmut apuutereersimassapput kingusinnerpaamik 2. Februar 2017

Qinnuteqaat uunga nassiunneqassaaq 

Qaasuitsup Kommunia

Sulisoqarnermut immikkoortortaqarfik

Postboks 1023

3952 Ilulissat

e-mailikkut: hr@qaasuitsup.gl