Ilaqutariinnik aqqutissiuisartut marluk Upernavimmut

Qaasuitsup Kommuniani Upernavimmi Ilaqutariit Illuanni Angerlarsimaffimmi Perorsaasutut atorfiit marluk inuttassarsiuunneqarput 1. Marts 2017 isumaqatigiissuteqarnikkulluunniit sulilertussanik.
Qinnuteqarfissaq:
19. februar 2017
Sumi:
Upernavik
Akissarsiat:
Isumaqatigiissut malillugu

Qaasuitsup kommunia Upernavik marlunnik ilaqutariinnut aqqutissiusartunik sulisussarsiorpoq 

Angerlarsimaffimmi Perorsaasutut atorfiit Upernavimmi Ilaqutariit Illuanni inissisimavoq. Ilaqutariinnut katsorsaasoq qaninnertut qullersarissavat. Ilaqutariinnik Siunnersuisartut – Angerlarsimaffimmi Perorsaasut allat Tapersersortillu aammalu Inunnik Isumaginnittoqarfimmi Meeqqanut Inuusuttunut Ilaqutariinnullu Sullissisut suleqatigissavatit.

Suliassaqarfiit akisussaaffiillu 

  • Ikiorsiissutissatut aaqqiissutissanik ilanngussineq, meeqqanut inuusuttunullu tunngasuni periusissatut pilersaarummi Sullissisumit angajoqqaat Angerlarsimaffimmilu Perorsaasup suleqatiginerasigut pilersinneqarsimasuni.
  • Meeqqanut ilaqutariinnullu tunngasuni tapersersuineq, matumani inooqatigiinnikkut perorsaanikkullu ikiuunneq aammalu ilaqutariit tarnikkut inooqatigiinnikkullu  sanngiitsunut iliuusissatut pilersaarut malillugu tapersersuineq.
  • Ilaqutariit sanngiitsut tapersersorlugit, inooqatigiinnerat ulluinnarisaallu nukittorsarniarlugu, aammalu / imaluunniit inuttut nukittuffii, angajoqqaallu angajoqqaajusinnaanerat periusissatut pilersaarut malillugu nukittorsarniarlugu tapersersuineq.
  • Meeraq angerlarsimaffiup avataani inissinneqarsimappat angajoqqaat aammalu angajoqqaarsiat meeqqamik paaqqutarinnittut perorsaanikkut ikiorlugit.
  • Inuusuttut naartusut anaanaasulluunniit perorsaanermi ikiorlugit, ilaquttaminnut attaveqartut attaveqanngitsulluunniit.
  • Ilaqutariit meerartallit tarnikkut inooqatigiinnikkullu annertuunik ajornartorsiutilinnik perorsaanikkut ikiuunneq.
  • Angajoqqaat meeqqanut immikkoortortaqarfimmi paaqqinnittarfinnut attaveqarnerannut tapersersuineq, matumani pineqarput ulluunerani paaqqinnittarfiit, atuarfik, sunngiffimmi ornittakkat, isumaginnittoqarfik peqqinnissaqarfillu.
  • Ilaqutariinnik siunnersuisup ilaqutariit sullitami tamatigut pulaarnerannut nalunaarusiortarneq killiffiallu pillugu nalunaarusiortarneq.
  • Suliassat takkussuuttut allat suliarisarlugit.

Tamakkua saniatigut innersuussutigineqarpoq atorfiup imarisaataa akisussaaffiullu allaatiginninneqarnera, Isumaginnittoqarfimmi Immikkoortortami Aqutsisumut piniarneqarsinnaasoq.

Piginnaasat kissaatigineqartut 

  • Perorsaasutut ilinniarsimaneq imaluunniit Isumaginninnermi Ikiortitut ilinniarsimaneq saniatigullu meeqqanik sullitaqarnermi pikkorissarsimaneq (imaluunniit pikkorissarnernut taamaattunut peqataanissamut piumassuseqarneq)
  • Meeqqanut immikkoortortaqarfimmi ilaqutariinnik siunnersuinermut sulinermi misilittagaqarneq.
  • Meeqqanut innarluutilinnulluunniit immikkoortortaqarfimmi tapersersortitut sulinermi misilittagaqarneq.
  • Isumaginnittoqarfimmi sulinermi misilittagaqarneq.
  • Suleqatigisanik sullitanillu suleqatiginnilluarnissamik pilersitsisinnaaneq aammalu periusissamik pilersaarut, Sullissisumit akisussaaffigineqartoq malillugu naammassinnissinnaaneq.
  • Periusissamut pilersaarut toqqammavigalugu nammineersinnaassuseqarneq aammalu suleqatiginnilluarsinnaaneq.
  • Utaqqisinnaassuseq akaarinninnerlu. Tarnikkut nukittuneq.
  • Tutsuiginarneq, tunniusimaneq akisussaassuseqarneq maligassaalluartuunerlu.
  • Sullitamut attaveqarluarsinnaaneq attaveqaqateqarluarsinnaanerlu. Akerleriissutinik aaqiillaqqinneq
  • Sungiussiasuuneq ineriartorusussuseqarnerlu.
  • Isumaginnittoqarfimmi Ilaqutariinnut Siunnersuisartutut – Angerlarsimaffimmi Perorsaasutut sulianik suleqatiginninnissamillu naammassinninnissamut maleruaqqusanik malinnissinnaaneq 

Akissarsiaqartitsineq atorfinitsitsinerlu 

Akissarsiaqartitsineq atorfinitsitsinerlu pissapput kattuffimmut isumaqatigiinninniarsinnaatitaasumut isumaqatigiissutit sukkulluunnit atuuttut naapertorlugit.

Atorfimmut atatillugu inissaqartitsisoqanngilaq.

Atorfimmut tunngatillugu annertunerusumik paasisaqartoqarsinnaavoq Immikkoortortaqarfimmi Aqutsisoq Naja Nuka Kaspersen oqarasuaat 96 48 21-mut saaffiginninnikkut imaluunnit e-mail: nnk@qaasuitsup.gl  

Qinnuteqarfissaq kingulleq 

Qinnuteqaat ilinniarsimaneq suliffigisimasallu pillugit paasissutissat, ilinniarsimanermut uppernarsaat il.il. ilanngullugit Sulisoqarnermut Immikkoortortaqarfimmut kingusinnerpaamik 19. Februar 2017  tunniunneqareersimassapput

Qinnuteqaat uunga nassiunneqassaaq 

Qaasuitsup Kommunia

Sulisoqarnermut immikkoortortaqarfik

Postboks 1023

3952 Ilulissat

Imaluunnit e-mail: hr@qaasuitsup.gl