Isumaginninnermi siunnersorti Saqqamut

Sullissivik Saqqaq isumaginninnermi siunnersortimik pissarsiorpoq 1. februar 2017 imaluunniit isumaqatigiissuteqarnikkut sulilertussamik.
Qinnuteqarfissaq:
29. januar 2017
Sumi:
Ilulissat
Akissarsiat:
Isumaqatigiissut malillugu

Qaasuitsup Kommuniani nunaqarfimmi Saqqami Isumaginninnermut siunnersortimik pissarsiorpoq 

Qaninnertut qullersarissavaa Ilulissani Innutaasunik Sullissivimmik  Aqutsisoq, suliassalli tungaasigut Inunnik Isumaginnittoqarfimmi Immikkoortortami Aqutsisoq.


Suliassat akisussaaffiillu 

  • Qinnuteqaatit inassuteqaasiornerinik suliaqarneq, illoqarfimmilu isumaginnittoqarfimmi aalajangernerit suliarisarlugit imaluunniit nunaqarfimmit najugalinnit qinnuteqaatit isumaginnittoqarfik suleqatigalugu suliarisarlugit.
  • Nunaqarfimmi isumaginninnermut akilikkat tamaasa pillugit ingerlaavartumik ilisimatitsineq; nunaqarfimmi isumaginninnermut ikiorsiissutinik assigiinngitsunik tigusisartut amerlassusai kisitsisinngorlugit suliarineri. Nunaqarfimmi isumaginninnermut missingersuusiornermut peqataaneq.
  • Nunaqarfimmi meeqqanik, siusinaartumik sulisinnaajunnaarnersiutisialinnut, innarluutilinnik sullissisut aamma pinaveersaartitsinermik suliallit suliffeqarfiit akimorlugit suleqatigiinneranni suleqataanini pillugu ingerlaavartumik ilisimatitsisarneq.
  • Nunaqarfimmi meeqqat atukkatik peqqutigalugit (persuttarneqarnerup, sumiginnagaanerup aamma kinguaassiutikkut kanngutsaattuliorfigitinnerup kingunerinik kingunerlutsitsisut ingammik) imaluunniit innarluuteqarnermik kingunerisaanik immikkut ikiorsertariaqartut tamaasa ingerlaavartumik ilisimatitsissutigineri.

Piginnaasat 

  • Isumaginninnermut siunnersortitut ilinniarsimasoq.

  • Rådgivningsassistent-itut ilinniarsimasoq.

  • HK-tut ilinniagaq aallaavigalugu pikkorissarnerit, isumaginninnermut inatsisinik ilallit (imaluunniit taamatut pikkorissarnissamut piumassuseqarneq).

  • Socialmedhjælper-itut ilinniarsimaneq ilinniagaq aallaavigalugu pikkorissarnerit isumaginninnermut inatsisinik ilallit (imaluunniit taamatut pikkorissarnissamut piumassuseqarneq).

  • Isumaginninnerup iluani sullissinermik misilittagalik, winformatik-i atorlugu kiffartuussineq ilanngullugu.

  • Isumaginninnerup iluani allatut sulinermik misilittagalik.

  • Tulleriissaarisinnaasoq.

  • Tatiginartoq.

  • Maligassiuisoq, takuuk maligassiuisussaatitaanermut piumasaqaatit.

  • Sullitanut attaveqallaqqittoq attaveqatigiillaqqittorlu.

  • Tarnikkut nukittooq.


Akissaatit atorfinitsitaanerlu 

Atorfinitsitsineq akissaateqarnerlu pissapput qinnuteqartumut isumaqatigiissut atuuttut tunngavigalugu.

 

Atorfimmut atatillugu inissaqartitsisoqanngilaq.

 

Pinerlussimannginnermut uppernarsaatit naammaginartut tunngavigalugit atorfinitsitaaneq pissaaq, taakkulu qinnuteqartup akuersineratigut Rigspolitiinit sulisitsisumiit piumaneqassapput.

 

Atorfik pillugu paasissutissat erseqqinnerusut sullissivimmi aqutsisumut Sussi Cortzen-imut oqarasuaat 94 78 11, imaluunnit e-mail-ikkut uunga; scr@qaasuitsup.gl saaffiginninnikkut pissarsiarineqarsinnaapput.


Qinnuteqarfissaq kingulleq 

Qinnuteqaat ilinniarsimanermut siornatigullu sulisimanermut paasissutissanik imalik, ilanngullugit soraarummeernermut il.il. allagartat Sulisoqarnermut Immikkoortortaqarfimmut apuutereersimassapput kingusinnerpaamik 29. januar 2017.


Qinnuteqaat uunga nassiunneqassaaq 

Qaasuitsup Kommunia

Sulisoqarnermut Immikkoortortaqarfik

Postboks 1023

3952 Ilulissat

Imaluunniit e-mail-ikkut: hr@qaasuitsup.gl