Allagarsiuteqqitaq - Peqqissaasutut atorfik pisortamut paarlattaasartoq

Utoqqaat illuat paaqqinnittarfialu pisortamut peqqissaasumik tullersortimik pissarsiorpoq piaartumik imaluunniit isumaqatigiissuteqarnikkut atorfinittussamik.
Qinnuteqarfissaq:
30. december 2016
Sumi:
Aasiaat
Akissarsiat:
Isumaqatigiissut malillugu

Qaasuitsup Kommunia Aasianni Utoqqaat Illuat paaqqinnittarfialu pisortamut tullersortimik peqqissaasumik pissarsiorpoq 

“Den integrerede Kommunale Plejeordning” Kommunimi Paaqqinninnikkut Ataatsimoorussami Sullissiviuvoq, Utoqqaat illuat, angerlarsimaffimmi ikiortit kiisalu ulluinnakkut inissisimasarfik, inunnut 6-inut inissalik.

Sygeplejerske Utoqqaat Illuani ulluinnarni peqqissaanikkut akisussaasuuvoq, taavalu utoqqaat illuani pisortamut tullersortaalluni.

Akisussaaffigisassatit ineqartut 35, gruppenut 3-nut agguataarlutik, kiisalu paaqqutarinninnermik ikiortit katillugit 22-usut, ilinniarsimanngitsut ilinniarsimasullu.

Aqutsisoqatigiit ukuupput: Sygeplejefaglig stedfortræder, adm. Stedfortræder, angerlarsimaffimmi ikiortit pisortaat kiisalu utoqqaat illuata pisortaa.

Akisussaaffik 

Ulluinnarni sulisunik aqutsineq kiisalu najugallit ataasiakkaat peqqinnissaat paarineqarnissaannullu ulluinnarni akisussaaneq, tamatuma ataaniilluni napparsimasut isumaginissaat.

Utoqqaat illuata pisortaata peqannginnerani taartaasassalluni peqqinnissaq pillugu paaqqinninnermi akisussaaffigalugit.

Naatsorsuutigaarput illit 

  • Suliassatit nammineq aqussinnaassagitit, aqutsinikkut, suliassanik ujaasinikkut, anguniagaqarluni peqqissaanikkut suliassat tungaatigut ujartuisuussasutit
  • Ulapillutit nuannarissavat, tilkaldevagt-eqarneq (angerlarsimaffimmi ulloq unnuarlu pigaartutut piareersimaneq)
  • Ineriartortitsinermut, suleriutsillu paaqqutarinninnikkut peqqissaanikkullu ilusilernissaannut maligassiuisuussallutit, Kalaallit Nunaanni pissutsinut naleqquttunik.

Suliassat pingaarnerit / piumasaqaatit 

  • Pingaarnertut paaqqutarinninnikkut peqqissaanikkullu pilersaarusiorneq, ineriartortitsineq naliliisarnerlu
  • Ineqartunut peqqissaanikkut paaqqutarinninnikkullu suliarisat nakkutigalugit malittaralugillu
  • Ineqartunik naasaanissamut piareersarneq isumannaarinissarlu. Nakorsaatinut akisussaaneq
  • Nakorsaatinik aammalu peqqissaanikkut atortunik inniminniineq nakkutiginninnerlu
  • Napparsimavimmut unitsitassanik imaluunniit suliarisassanik ingerlatsineq
  • Tagiartuinermi sammisassaqartitsiniarnermilu pisariaqartitanik ingerlatsineq
  • Sulisunik nutaanik ilitsersuussineq
  • Sulisunik kiisalu ilinniartunik atuartitsineq / ilitsersuineq / ineriartortitsineq
  • Utoqqaat illuani paaqqinnittarfianilu ilinniartut ilinniagaannik ineriartortitsineq
  • Najugaqartuni ataasiakkaani  paaqqinninnissamik isumaginninnissamillu pisariaqartitsisunut peqataasarneq

Akissarsiat atorfininnermullu pissutsit 

Atorfik Kalaallit Nunaanni peqqissaasunut radiografinullu isumaqatigiissut malillugu akissaateqartinneqarpoq.

Atorfininnermi angalaneq, pisattanik assartuineq aammalu sulinngiffeqarnermi akiliutsilluni angalasarneq isumaqatigiissutit atuuttut malillugit pisassaaq.

 

Atorfimmut atatillugu inissaqartitsisoqarpoq, ineqarnermut akiliutit depositumillu akilerneqartassallutik malittarisassat atuuttut malillugit.

Qinnuteqarfissaq kingulleq 

Qinnuteqaatit paasissutissanik aammalu ilinniarsimanermut allagartat, autorisation uppernarsaat aammalu suliffigisimasanut uppernarsaatit kingusinnerpaamik 30. december 2016 nassiunneqassapput.

Qinnuteqaat uunga nassiunneqassaaq 

Qaasuitsup Kommunia

Sulisoqarnermut Immikkoortortaqarfik

Postboks 1023

3952 Ilulissat

Imaluunniit e-mail-ikkut: hr@qaasuitsup.gl