Illoqarfinnut arfinilinnut sullissisut

Qaasuitsup Kommuniata matumuuna Upernavimmi, Uummannami, Ilulissani, Aasianni, Kangaatsiami Qeqertarsuarmilu siusinaartumik pensionisialinnut sullissisutut atorfiit inuttassarsiulerpai piaartumik inuttalerneqartussatut imalt. Isumaqatigiissuteqarnikkut. Atorfiit piffissami ukiunut sisamanut killeqarput taamaammat piffissami 1.12.2016 aallartittumik 31.12.2020 tungaanut inuttalerneqartussaallutik.
Qinnuteqarfissaq:
18. december 2016
Sumi:
Upernavik, Uummannaq, Ilulissat, Aasiaat Kangaatsiaq aamma Qeqertarsuaq
Akissarsiat:
Isumaqatigiissut malillugu

Qaasuitsup Kommuniani illoqarfinni arfinilinni siusinaartumik sulisinnaajunnaarnersiutisialinnut sullissisunik pissarsiorpugut 

Qaasuitsup Kommuniata sullissisut atorfinitsinnerisa kingorna siusinaartumik pensionisiat iluarsaateqqinneqareerlutik siammarterneqarnissaat - atuutsinneqalernissaat isumagissavaa, kommuni 950 missaannik siusinaartumik pensionisianik pisartagalinnik sullitaqarpoq, taakkulu affaasa missaat sulisinnaassuseqarnerat kingumut naliliiffigineqaqqissalluni.

 

Taamaattumik saniatigut assannik sullissisinnaasunik pisariaqartitsivugut, siuinaartumik pensionisianik Majoriamilu sullissisunik akuusussanik. Illoqarfinni pineqartuni Isumaginninnikkut immikkoortortaqarfinni immikkoortortaqarfimmi pisortaq qaninnertut tulliusutut inissisimavoq. Atorfiit sullissinisami piffissap killiliunneqara pissutigalugu Qaanaaq nunaqarfiillu Ilulissanit, Qasigiannguillu Aasianniit sullinneqartassapput.


Suliassat akisussaaffeqarfiillu 

  • Siusinaartumik pensionisiallit iluarsaassiffigineqarnerata atuutsinneqalernissaa.

  • Suliat assigiinngitsut suleqatigiinnerini siusinaartumik pensionisiallit pillugit ataatsimiinnernut peqataasarnissaq.

  • Ataatsimiittussanut assigiinngitsunut suliat innersuunneqartarnissaat.

  • Suliat SU-mut innersuuttarlugit.

  • Siusinaartumik pensionisianut tunngasut sulinneqarneri.

  • Naammagittaalliuutinik sullissineq.

  • Siusinaartumik pensionisiallit sulisinnaanermikkut piginnaasaannik siuariartuutaasinnaasunik periutsinik nutaanik ineriartortitsineq atuilersitsinerlu.  

  • Sulisitsisumut allanullu suleqatinut attaveqarneq.

  • Siusinaartumik pensionisianik naatsorsuineq tunniussinerlu.

  • Kisitseqqisaarnermut (statistik) tunngasunik suliaqarneq.

  • Suliffimmut tunngasunik ingerlaavartumik paasisutissiisarneq.


Piginnaasassat 

  • Inunnik iumginninnikkut ilinniagaqarsimaneq.

  • Siunnersortitut ilinniagaqarsimaneq.

  • Allaffimmiutut imlt. Siusinaartumik pensionisiat pillugit sulianut tunngassuteqartunik pikkorissarsimaneq.

  • Siusinaartumik pensionisiat pillugit sullissinermik misilittagaqarneq.

  • Suleqatinik aqutsisunillu suleqatikkuminartoq.

  • Aaqqissuussaanermi aqutsisullu aaljangersagaat naapertorlugit ingerlatsivimmi sulilluartuunissaq suleqatanermillu tunniussaqarluartuunissaq.

  • Allanik pitsaasunik suleqateqalernissamik pilersitsinermik misilittagaqarneq soorlu aamma suleqatigiit ataatsimiinnerinni suliffeqarfiillu assigiinngitsut tamarmiullutik ataatsimiinnerini il.il..

  • Maligasiuisuunissaq, sullitanut attaveqarluartuuneq attaveqarnissamullu kakkaffeqarneq.

  • Eqqarsartaatsikkut nakuusariaqarputit aaqqiagiinngissutinik qaangiilluarsinnaasoq.

  • Systeminik atuilluartoq, tatiginartoq, ilumoortumik eqqortumik akisusaasuseqartumillu pissuseqartuussaaq.

  • Aalajatsoq peqqissaartorlu.


Akissarsiatigut atorfinitsitanermilu atugassarititaasut 

Akissarsianik atorfininnermilu atugassarititaasut pillugit sulianut tunngasunik kattuffik isumaqatiginninniarsinnatitaasoq peqatigalugu isumaqatigiissutit atuuttut naapertorlugit atorfinitsitsineq ingerlanneqassaaq.

 

Atorfimmut atasumik inissiamik innersuussisoqarsinnaavoq taakkunannga depositumi/illumut akiliut il.il. ullumikkumut malittarisassat atuuttut malillugit akiliisoqassaaq.

 

Atorfinitsitsineq pisinnaavoq pinerluuteqarsimannginnermik meeqqanillu sullissisinnaanermut uppernarsaat qinnuteqartup akuersineratigut sulisitsisumik Naalagaaffiup politeeqarfianit pissarsiarineqartussaq ajoqutissaasinnaasumik nassaarfigineqanngippat.

 

Sukumiinerusumik atorfiit pillugit paasissutissanik pissarsiniaruit Pilersitsiniarnermi aqutsisumut saaffiginninnikkut aaneqarsinnaapput uunga: Bea Mølgaard Lennert oqarasuaat 947927-mi imalt. e-mail: bmle@qaasuitsup.gl


Qinnuteqarfissaq kingulleq 

Qinnuteqaat siusinnerusukkut sulerisimaneq ilanngullugu, ilinniagaqarsimanermut allagartat assilineqarneri il.il. Sulisoqarnermut immikkoortortaqarfimmut nassiunneqareersimassapput kingusinnerpaamik ulloq 18. december 2016.


Qinnuteqaat uunga nassiunneqassaaaq 

Qaasuitsup Kommunia

Sulisoqarnermut Immikkoortortaqarfik

Postboks 1023

3952 Ilulissat

Imaluunniit e-mail-ikkut: hr@qaasuitsup.gl