Katersugaasivimmut assistent

Qeqertarsuarmi katersugaavisimmi assistentitut atorfik piaartumik imaluunniit isumaqatigiissuteqarnikkut inuttalerneqarusuppoq.
Qinnuteqarfissaq:
20. december 2016
Sumi:
Qeqertarsuaq
Akissarsiat:
Isumaqatigiissut malillugu

Qaasuitsup Kommunia Qeqertarsuarmi katersugaasivik assistentissarsiorpoq 

Katersugaasivimmi assistentip qaninnertut pisortarissavaa katersugaasivimmi pisortaq.

Qeqertarsuup Katersugaasivia  najukkami kulturikkut oqaluttuarisaaneq  inatsisartut inatsisaat nr. 8. 03 juni 2015 –meersoq toqqammavigalugu ingerlatsivoq.

Katersugaasivimmi sulisuuvoq  pisortaq ataaseq ,  aasaaneranili takornariaqarfiunerani qaammatini pingasuni nakkutilliisumik  ataatsimik sulisut ilaneqartarput. Piffissap ilaani sapaatip akunnerisa naaneranni imaluunniit suliffiup naliginnaasup avataani katersugaasivimmi assitentip sulisarnissani naatsorsuutigissavaa. Sapaatip akunneranut naliginnaasumik 40 tiimit sulisoqartassaaq. 

Suliat aamma akisussaaffiit 

  • Katersugaasivimmi suliassanik Katersugaasivik pillugu inatsit naapertorlugu sulianut ikiuunneq. 
  • Torersuutitsiniarnermi ilisanut aaqqissueqqissaarneq.
  • Katersugaatinik nalunaarsuineq, 
  • Pulaartunut attaveqataaneq, isertunut pisinianullu kiffartuussisoq. 
  • Katersugaasiviup aaqqissuussinerani peqataaneq. 

Naatsorsuutigaarput 

  • HK- assistentitut ilinniagaqarsimasuunissaq, assassornermik kiisalu qarasaasialerinermik piginnaasalik. 
  • Katersugaasivilerinermut attuumassutilinnik ilinniarsimaneq imaluunniit kulturi pillugu paasissutissiisarnermik suliaqarneq misilittagaqarnerlu. 
  • Oqaatsinik arlariinnik atuisinnaaneq.
  • Aalajaatsuuneq, tatiginartuuneq, torersuuneq, suleqatikkuminartuuneq aamma ilakkuminartuuneq, tunniusimasoq, eqqaatsumillu suleriarsinnaasoq

Piffissat suliffiusut  allanngorartuusinnaasarput, unnukkut aamma sapaatip akunnerata naanerani. Aasaanerani ulapinnerpaaffiusarpoq. 

 

Akissarsiat aamma atorfeqarnermi atugassarititaasut 

Isumaqatigiissutit atuuttut naapertorlugu atorfinitsitsisoqassaaq. ( HK SIK Faglært ) 

Atorfik pissanganartoq neqeroorutigaarput , nunatta ineriartorneranut kulturikkut kingornussat aammalu oqaluttuassartatsinnik pinngortitamullu paasissutissiisarnernik ingerlatitseqqiinernut atorfiup paasisimasaqarnerulersissavaatit.

Meeqqanik pinerliisimannginnermut uppernarsaat aamma pineqaatissinneqarsimannginnermut uppernarsaat piginissaannik piumasaqaateqarpoq, soorlu aamma nipangiussimasussaatitaanermik tunineqartussaassasutit.

Attaveqarfissaq

Atorfik pillugu paasissutissat amerlanerit katersugaasiviup pisortaanut Linda G Ostermann –mut oqarasuaat 92 29 35 mut imaluunniit mailimut lind@qaasuitsup.gl  aamma qeqmus@greennet.gl saaffiginnilluni pissarsiarineqarsinnaapput. 

Qinnuteqarfissaq kingulleq 

Qinnuteqaat ilinniagaqarsimanermut uppernarsaatinik, siornatigut suliffigisimasat pillugit paasissutissanik aamma oqaaseqaatasinnaasunik ilalik sulisoqarnermut immikkortortaqarfimmut , hr@qaasuitsup.gl kingusinnerpaamik ulloq 20. Dec. 2016 nassiunneqassaaq. 

Qinnuteqaat uunga nassiunneqassaaq 

Qaasuitsup Kommunia

Sulisoqarnermut immikkoortortaqarfik

Postboks 1023

3952 Ilulissat

hr@qaasuitsup.gl