Ilaqutariit illuannut ilaqutariinnut katsorsaasoq

Ilaqutariit ikiornissaminnik pisariaqartitsisut ikiortariaqartullu ikiornissaannik soqutiginnippit? Taamaassimappat immaqa illit tassaavutit ujartugarput.
Qinnuteqarfissaq:
21. december 2016
Sumi:
Uummannaq
Akissarsiat:
Isumaqatigiissut malillugu

Qaasuitsup Kommuniani Uummannami Ilaqutariit illuat ilaqutariinnut katsorsaasumik pissarsiorpoq 

Qaasuitsup Kommuniata immikkoortortaqarfiani Uummannamiittumi ilaquatariinnik katsorsaasumi ilaqutariinnik sullisserusuttumik pissarsiorpugut 1. Januar 2017 imaluunniit isumaqatigiissuteqarnikkut sulilersinnaasumik ujaasivugut.

 

Kommunemi tamarmi ilaqutariinnik katsorsaasut allat, isumaginninnermik siunnersortit suleqatigisassavatit; taakku qitiusumik ilaqutariit pinaveersaartitsiviullu illuanni nutaami Uummannami inissisimasumi sulliveqarput. Immikkoortortaqarfimmi pisortaq qaninnertut pisortarissavat.

Suliassat akisussaaffiillu ilaatigut makkuussapput 

  • Ilaqutariinnik katsorsaasup sullissisoq qanimut suleqatigalugu ilaqutariinnik katsorsaanissaminnut innersuussanik, aqqtissiuussillunilu siunnersuisassaaq.
  • Perorsaaneq, sumiginnakkat, suliffeqarfiup iluani attaveqaqatigiinneq, suliffeqarfiup iluani inissisimaffiit agguataarneqarneri, inuusuttuaqqat ajornartorsiutai assigisaallu pillugit siunnersuineq ilitsersuussinerlu
  • Ilaqutariit sullissisullu suleqatigalugit isumasioqatigiissusiornerni peqataaneq
  • Ilaqutariit ulluinnarni inuunerminni suliassanik aaqqissuussineranni ikiuineq
  • Ilaqutariit suleqatigalugit aaqqiagiinngissutinik aaqqiissutissanik suliaqarneq
  • Ilaqutariit aallaavigalugit pisarialinnik ikiorsiisarneq
  • Meeqqat ilaqutariillu ataatsimoorussamik ajornartorsiuteqarnerisa pilersaarusiorfigineqarnissaannik aallartitsinissamut akisussaaqataaneq
  • Pissutsit aallaavigalugit suliffeqarfiup iluani avataanilu suleqatinik suleqateqarneq
  • Sulianik nutaanik pilersitsineq; sullitat allattorsimaffianik nalunaarsuineq aamma nutarterisarneq ilanngullugit
  • Ilaqutariinnik katsorsaaneq naammassippat sullissisumut nalunaarusiortoqassaaq

Taakku saniatigut atorfiup akisussaaffii allaaserineqarneranilu allatat innersuussutigineqarput; taakku inuk attaveqaatittut ataani allataq saaffigalugu pissarsiarineqarsinnaapput.

Makku piginnaasaqarfigissagitit ilimagaarput 

  • Isumaginninnermi siunnersortitut, perorsaasutut imaluunniit perorsaasup ikiortaatut ilinniagaqarneq aamma meeqqanik ilaqutariinnillu sullissinermik misilittagaqarneq.

  • Kommunep aaqqissuussaanut attuumassutilinnik meeqqanik, inuusuttunik ilaqutariinnillu sullissinermik misilittagaqarneq

  • Inuinnik allanik isumaginninnermillu soqutigisaqarneq

  • Eqaatsumik pitsaasumillu isummertarneq

  • Sulianik tamanik malinnaalluarsinnaaneq pilersaarusiorsinnaanermullu pikkoriffeqarneq

  • Imminut allanillu paarinnissinnaaneq

  • Nuannaartuuneq eqqarsariallaqqissuunerlu

Akissarsiat atorfeqarnermilu atugarisat 

Akissarsiat aamma atorfeqarnermi pissutsit, atorfininnermi soraarnermilu angalasinnaatitaa-neq kiisalu pigisanik nuussineq Naalakkersuisut kattuffiullu isumaqatigiinniussisinnaatitaasup akornanni atorfininnerup nalaani isumaqatigiissut atuuttoq naapertorlugu pissaaq.

 

Nammaginartumik pinerlitsaaliisimannginnermut uppernarsaat aamma meeqqanik pinerliisi-mannginnermik uppernarsaat atorfininnissamut piumasaqaataavoq. Taakku atorfinittussap atsiorluni akuerinerata kingorna atorfinititsisussamit Naalagaaffiup politiivinut (Rigspolitiet) pissarsiarineqassapput.

 

Atorfimmut atatillugu inissaqartitsoqarsinnaavoq.

 

Atorfik pillugu paasissutissat itinerusut Inunnik Isumaginnittoqarfimmi immikkoortortami aqutsisumut, Nielsine Grønvold Petersen-imut, oqarasuaat 95 45 06 imaluunniit mailimut: nipe@qaasuitsup.gl –mut saaffiginnilluni pissarisiarineqarsinnaapput.

Qinnuteqarfissaq kingulleq 

Qinnuteqaat ilinniarsimanermik siusinnerusukkullu suliffigisimasanik paasissutissartalik, ilinniakkamik naammassinninnermi uppernarsaatip oqaaseqaatillu assinganik ilalerlugu HR-afdelingen kingusinnerpaamik 21. December 2016 tiguneqareersimassaaq.

Qinnuteqaat uunga nassiunneqassaaq 

Qaasuitsup Kommunia

Sulisoqarnermut Immikkoortortaqarfik

Postboks 1023

3952 Ilulissat

Imaluunniit e-mail-ikkut: hr@qaasuitsup.gl