Aasianni Majoriamut atuartitsisoq

Majoriaq Aasiaat Piukkunnarsarfimmut isumassarsiullaqqissumik atuartitsisumik 1. januar 2017 imaluunniit isumaqatigiissuteqarnikkut atorfinittussamik pissarsiorpoq.
Qinnuteqarfissaq:
18. december 2016
Sumi:
Aasiaat
Akissarsiat:
Isumaqatigiissut malillugu

Qaasuitsup Kommuniani Aasianni Majoriaq atuartitsisumik pissarsiorpoq 

Aasianni Majoriap ataani immikkoortortaq Piukkunnarsarfik 1. september 2015, inuusuttunik ilinniartitaanikkut suliffeqarnikkullu ineriartortitsinermik siunertaqartumik ingerlatsiffiusoq, 40-t tungaannut atuartuuteqartoq 18-iniit 25-nut ukiulinnut, aallartinneqarnikuuvoq, 19-t Aasianniit 21-t Qaasuitsup Kommuniani piffinnit assigiinngitsunit. Tassani atuartinneqartunut isumassarsiullaqqissumik atuartitsisumik pissarsiorpugut 1. januar 2017 isumaqatigiissuteqarnikkulluunniit atorfinittussamik.

 

Isumassarsiullaqqissumik atuartitsisutut atorfik nutaajuvoq, taamaattumik ingerlanneqassaaq ineriartortinneqassallunilu sulisut allat peqatigalugit.


Isumassarsiullaqqissumik atuartitsisoq ukunani sammisaqartitsisinnaassaaq 

  • Nipilersortitsineq.
  • Isiginnaartitsinermik sungiusaaneq.
  • Misingissusilerineq. (Ammarsaaneq, saqqummersinnaalernissamik sungiusarneq)
  • Assassorissanik suliaqartitsineq. (Qilaasiortitsineq, eqqumiitsuliorneq il.il.)
  • Nutaaliorneq.

Sammisaqartitsineq aamma atuartunik ingerlatitsineq piffimmi aqutsisoq atuarfiullu ilinniartitsisui allat qanimut suleqatigalugit ingerlanneqartassaaq, tamatumunngalu piumasaqaataavoq, uku piginnaaneqarfigissagitit:

 

  • Nipilersortitsisinnaaneq, isiginnaartitsinermik misilittagaqarneq.
  • Nutaamik eqqarsarneq isumassarsiullaqqinnerlu,
  • Inunnut immikkut pisariaqartitsisunut paasinnilluarsinnaaneq aqqutissiuusserusussuseqarnerlu.

Naatsorsuutigaarput 

  • Atuagarsornikkut isiginnaartitsinerup iluani ilinniagaqarsimasuunissat.
  • Oqaatsitigut piginnaaneqarluassasutit, oqaluttariarsornikkut allattariarsornikkullu.
  • Atorfimmik assigusumik misilittagaqassaatit. Tamannali piumasaqaataanngilaq.
  • Piumassuseqartuussaatit atuarfimmillu ineriartortitseqataarusussuseqassallutit.
  • Qarasaasiamik nalinginnaasumik atuisinnaassaatit.
  • Imigassamik aanngajaarniutinillu ajornartorsiuteqanngitsutit.
  • Pinerluuteqarsimannginnermik uppernarsaammik takutitaqarsinnaassaatit.

Neqeroorutigaagut 

  • Atorfininneq akissarsiallu Atorfillit Kattuffiata Namminersornerullutillu Oqartussat isumaqatigiissutaat atuuttut naapertorlugit ingerlanneqassaaq.

Atorfininnermut atatillugu inissaqartitsisoqarpoq.


Paasissutissat 

Atorfimmut paasissutissat erseqqinnerusut pissarsiarineqarsinnaapput uunga saaffiginninnikkut: Majoriaq Aasiaat pisortaagallartoq Mariane S. Larsen, oqarasuaat 89 4769 imaluunniit e-mailikkut mars@qaasuitsup.gl.


Qinnuteqarfissaq kingulleq 

Qinnuteqaat, ilinniagaqarsimanermut uppernarsaatinik aammalu siusinnerusukkut sulisimanermut uppernarsaatinik ilalik, kingusinnerpaamik tiguneqareersimassaaq 18. december 2016.

Qinnuteqaat uunga nassiunneqassaaq 

Qaasuitsup Kommunia

Sulisoqarnermut Immikkoortortaqarfik

Postboks 1023

3952 Ilulissat

Imaluunniit e-mail-ikkut: hr@qaasuitsup.gl