Aqutsisumut tullersorti Upernavimmut

Qaasuitsup Kommuniani, Upernavimmi meeqqerivik Nuunuaqqat Illuat aqutsisumut tullersortissarsiorpoq, 1. December 2016 atorfinittussamik
Qinnuteqarfissaq:
20. november 2016
Sumi:
Upernavik
Akissarsiat:
Isumaqatigiissut malillugu

Qaasuitsup Kommunia Upernavimmi meeraaqqerivimmut aqutsisumut tullersortissarsiorpoq 

Tullersortip qaninnertut qullersarissavaa Upernavimmi meeqqerivimmi aqutsisoq

Suliassat akisussaaffiillu 

  • Paaqqinnittarfiup anguniagai suleriaatsitullu pilersaarutai malillugit sulineq.
  • Meeqqat akisussaassuseqartumik isumannaatsumillu paarineqarnissaat.
  • Init suleqatigiaallu immikkoortut akornanni suleqatigiinneq.
  • Angajoqqaanik suleqateqarneq.
  • Ulluinnarni pisartut tulleriisitaarneri sulisut akornanni paarlagiiaallugit suliassat.

Piginnaasat 

  • Perorsaasutut ilinniarsimasuunissaq.

  • Ulluunerani paaqqinnittarfimmi sulisunik allaffissornermilu aqutsinermik misilittagalik.

  • Akisussaassuseqartuuneq.

  • Takunnissinnaaneq naleqqussarsinnaanerlu.

  • Ulapipallassinnaaneq, eqaatsumik suleriuseqarneq.

  • Suleqatikkuminartoq aalaakkaasorlu.

  • Timikkut tarnikkullu peqqissuuneq, kiisalu ammasuuneq qiimasuunerlu.

  • Paaqqinnittarfiup anguniagai iliuusissatullu pilersaarutai aallaavigalugit sulisinnaaneq.

Akissaatit atorfeqartitaanermullu atugassarititaasut 

Atorfininnermi atugassarititaasut Naalakkersuisut kattuffiullu isumaqatigiinniarsinnaatitaasup akornanni isumaqatigiissut atuuttoq naapertorlugu atorfinitsitaaneq pissaaq.

 

Atorfimmut atatillugu inissaqartitsisoqarsinnaanngikkallarpoq.

 

Pinerlussimannginnermut aamma meeqqanut pinerliisimannginnermut uppernarsaatit naammaginartut tunngavigalugit atorfinitsitaaneq pissaaq, taakkulu qinnuteqartup akuersineratigut Rigspolitiinit sulisitsisumiit piumaneqassapput.

 

Attaveqarfissaq:

“Nuuuaqqat Illuat”-ni Sørine M.Grønvold telefon: 96 48 47, sori@qaasuitsup.gl

Qinnuteqarfissaq kingulleq 

Qinnuteqaat ilinniarsimanermut siornatigullu sulisimanermut paasissutissanik imalik, aammalu pinerlussimannginnermut meeqqanillu pinerliisimannginnermut uppernarsaatit ilanngullugit ilinniarfigisimasamit soraarummeernermut il.il. allagartat Sulisoqarnermut Immikkoortortaqarfimmut apuutereersimassapput kingusinnerpaamik 20. November 2016

Qinnuteqaat uunga nassiunneqassaaq 

Qaasuitsup Kommunia

Sulisoqarnermut Immikkoortortaqarfik

Postboks 1023

3952 Ilulissat

e-mail: hr@qaasuitsup.gl