Isumaginninnermut siunnersortissarsiorneq, Qeqertarsuaq - Qaanaaq aamma Upernavik

Qeqertarsuaq aamma Qaanaaq Inunnik Isumaginnittoqarfik Meeqqanut Inussuttuaqqanut Ilaqutaariinnullu isumaginninnermut siunnersortimik pissarsiorpoq, aamma Upernavimmi Inunnik isumaginnittoqarfimmi Inunnik isumaginninnermi siunnersortissarsiorpoq 1. December 2016 isumaqatigiissuteqarnikkulluunniit sulilertussamik
Qinnuteqarfissaq:
17. november 2016
Sumi:
Qeqertarsuaq, Qaanaaq, Upernavik
Akissarsiat:
Isumaqatigiissut malillugu

Qaasuitsup Kommunia, Qeqertarsuarmi Qaanaami aamma Upernavimmi Isumaginninnermut siunnersortissarsiorpoq 

Inunnik isumaginnittoqarfimmi meeqqanut inuusuttuaqqanut ilaqutaariinnullu sullissisut allat suleqatigissavatit. Upernavimmilu inunnik isumaginnittoqarfimmiittut suleqatigissallugit. Inunnik Isumaginnittoqarfimmi Aqutsisut illoqarfinni sumiiffinni pineqartuni qaninnertut qullersarineqassallutik. 

Suliassat akisussaaffiillu 

  • Meeqqat qanoq inuuneqarnersut kommunimi nakkutigalugit, ikiorsiinissarlu pisariaqartillugu nalunaarnissaq, (sumiginnaasoqartillugu imaluunniit innarluutilinnut) imaluunniit naartusoq ikiortariaqartillugu.
  • Annertunerusumik ilaqutariit ulorianartorsiortut pillugit annertusisamik nalunaartussaatitaaneq, tassani meeraq ikiortariaqartillugu nalunaartarnissat pineqarlutik.
  • Saaffiginnissutinik tigooraaneq meeqqat inuusuttuaqqat ilaqutariillu pillugit siunnersuisarnerit ingerlallugit.
  • Illup iluani avataanilu suliffeqarfiit akimorlugit suleqatit suleqatigalugit meeqqat pillugit immikkoortortaqarfimmi misissuinerit.
  • Sulisunut pisortaq suleqatigalugu meeqqanut inuusuttuaqqanullu ikiorsiisarnermi peqqussutit tunngavigalugit ikiorsiinissamut nalilersuineq, taassuma ataani tapersersortinik pisariaqartitsisoqarnersoq, angerlarsimaffiup avataanut inissiisoqassanersoq imaluunniit kinguneqartitsisoqassanersoq nalilersorlugu.
  • Pilersaarusiorluni, suleqatigiit ataatsimiinnerini meeqqanut iliuusissanik innersuussinerit, isumaginninnermi pisortaq suleqatigalugu suliffeqarfiit akimorlugit ataatsimiititaliamut innersuussinerit.
  • Isumaginninnermut pisortaq suleqatigalugu isumaginninnermut ataatsimiititaliamut innersuussinerit.
  • Kommunimi meeqqanik ilaqutariinnut inissinneqarsimasumik nakkutilliineq, taassuma ataani angajoqqaarsianut akulikitsumik attaveqartarneq, sapinngisamillu angajoqqaanut ilaquttanullu attaveqartarneri nakkutigalugit.
  • Meeqqanik ulloq unnuarlu paaqqinnittarfinnut imaluunniit kommunip avataani efterskolertunut inissinneqarsimasunut nakkutilliineq sullissisutullu inissisimaneq, taassuma ataani meeqqanut angajoqqaajusut ilaqutaasullu attavigalugit.
  • Angerlarsimaffiup avataanut inissiineq unitsinneqarpat suliniutinik aallartitsineq, (kinguneqartitsineq) taamaalilluni meeqqap inuusuttuaqqalluunniit siunissaa aaqqissorneqarniassammat.
  • Meeqqanut peqqussutit tunngavigalugit aalajangerneqarsimasut, ikiorsiissutitut aningaasatigut tapersersorneqarnerit isumaginnittoqarfimmi aningaasatigut nakkutilliisoq suleqatigalugu nakkutilliinerit.
  • Isumaginnittoqarfimmi aningaasatigut nakkutilliisoq suleqatigalugu angajoqqaat akiliutaat ingerlanneqarnersut nakkutigalugit aammalu akiliuteqannginnissamut innersuussinerit suliaralugit.
  • Meeqqat kinguaassiutitigut kanngutsaatsuliorfigineqannginnissaannut suliniarnermut suleqataaneq.
  • Nunaqarfinni meeqqanut sullissisunut oqaloqatiginnittartutut inissisimaneq.
  • Sumiiffimmi isumaginninnermi pingaartartunut suleqataaneq.

Piginnaasat kissaatigineqartut 

  • Ilinniarsimanissaq Isumaginninnermi Siunnersortitut.
  • Suliamut tunngassutilinnut pikkorissarnissamut piumassuseqarneq soqutiginninnerlu aammalu ilinniaqqissinnaanerit suliamut attuumassutillit.
  • Meeqqanut tunngatillugu sullissinermik misilittagalik ilanngullugit meeqqanut inuusuttunullu ikiorsiinermut peqqussut malillugu ikiorsiisarnermik suliaqartarsimanerit takussutissallit.
  • Suleqatinik aqutsisunillu suleqatiginnilluarsinnaaneq.
  • Isumaginnittoqarfimmi sullissisutut sullissinermi aaqqissuussaanikkut aqutsinikkullu aaliangersakkanik malinnissinnaaneq suleqatinillu suleqateqarluarsinnaaneq.
  • Suleqatinik avataaneersunik pitsaasumik suleqateqarnermut misilittagaqarneq, suleqatigiit ataatsimiinnerini, suliaqarfiit akimorlugit ataatsimiinnerni imaluunniit immikkoortortaqarfiit akimorlugit sullissinermi.
  • Maligassiuisoq, sullitanut attaveqatiginninnermut pikkorissoq
  • Tarnikkut nukittooq, akerleriinnernik aqutsisinnaaneq
  • Tulleriiaarluakkamik sulisinnaaneq, tatiginartoq akisussaassuseqartorlu.
  • Aalajaatsoq peqqissaartorlu
  • Piffissaq qaninnerusoq isigalugu meeqqanik ilaqutariinnillu sullissinerup pitsaanerusunngortinnissaa, taassuma ataani misissuinerni ikiorsiissutinillu naleqquttunik meeqqat pillugit peqqussutit tunngavigalugit nassaarniarnermi pitsanngorsaanerit.

Piffissaq ungasinnerusoq isigalugu meeqqat pisariaqartitaannik pisinnaatitaaffiannillu inuiaqatigiinnit annertuunerusumik paasineqarnissaannik suliaqarneq, kiisalu angajoqqaat susassaqarfiinik pisussaaffiinillu. 

Akissarsiaqartitsineq atorfinititsinerlu 

Akissarsiaqartitsineq atorfinitsitinerlu pissapput kattuffimmut isumaqatigiinninniarsinnaatitaasumut isumaqatigiissutit sukkulluunniit atuuttut naapertorlugit.

Atorfimmut atatillugu inissaqartitsisoqarsinnaavoq, taannalu akilerneqartassaaq qularnaveeqqusiinermut akiliutissamut il. il. malittarisassat atuuttut naapertorlugit.

Pisortatigoortumik pinerlussimannginnermut uppernarsaat (Straffeattest)  meeqqanillu pinerliisimannginnermut uppersarsaat (Børneattest)  naammaginartut tunngavigalugit atorfinitsitaaneq pissaaq, taakkulu qinnuteqartup akuersineratigut Rigspolitiinut sulisitsisumiit aaneqassapput.

Atorfimmut tunngatillugu annertunerusumik paasisaqartoqarsinnaavoq immikoortoqarfinni Aqutsisut attaviginerisigut:

Qaanaamut tunngatillugu: Mika Oshima Etah, telefon 97 28 05 imaluunniit e-mail-imut: moet@qaasuitsup.gl

Upernavimmut tunngatillugu: Sejer Kleemann, telefon 96 48 04, imaluunniit e-mail-mut: sekl@qaasuitsup.gl

Qeqertarsuarmut tunngatillugu: Socialdirektør Henrik Solóy 94 76 30, imaluunniit e-mail: heso@qaasuitsup.gl

Qinnuteqarfissaq kingulleq 

Qinnuteqaat ilinniarsimaneq suliffigisimasallu pillugit paasissutissat, ilinniarsimanermut uppernarsaatit il.il. ilanngullugit Sulisoqarnermut Immikkoortortamut kingusinnerpaamik 17. November 2016

Qinnuteqaat uunga nassiunneqassaaq 

Qaasuitsup Kommunia

Sulisoqarnermut immikkoortortaqarfik

Postboks 1023

3952 Ilulissat

imaluunniit mailimut: hr@qaasuitsup.gl