Allagarsiuteqqitaq - Ilaqutariinnut siunnersuisartoq Ilaqutariit Illuanni

Qaasuitsup Kommuneani immikkoortortaqarfimmi Qasigiannguani ilaqutariinnik siunnersuisartumik / angerlarsimaffimmi perorsaasutut atorfik inuttassarsiuunneqarpoq ulloq 1. december 2016-imiit imaluunniit isumaqatigiissuteqarnikkut sulilersussamik.
Qinnuteqarfissaq:
13. november 2016
Sumi:
Qasigiannguit
Akissarsiat:
Isumaqatigiissut malillugu

Qaasuitsup Kommuniani Qasigiannguani Ilaqutariit Illuanni Ilaqutariinnut siunnersuisartumik pissarsiorpoq 

Ilaqutariinnut Siunnersuisartutut atorfik Ilaqutariit Illuanni inissisimavoq. Inunnik Isumaginnittoqarfimmi aqutsisoq qaninnertut qullersarissavat.

Suliassaqarfiit akisussaaffiillu 

  • Inunnik Isumaginnittoqarfik suleqatigalugu suliniutinik pilersaarusiukkanik suleqataaneq.
  • Meeqqanut ilaqutariinnullu tunngasuni tapersersuineq, matumani inooqatigiinnikkut perorsaanikkullu ikiuunneq aammalu ilaqutariit tarnikkut inooqatigiinnikkullu  sanngiitsunut iliuusissatut pilersaarut malillugu tapersersuineq.
  • Ilaqutariit sanngiitsut tapersersorlugit, inooqatigiinnerat ulluinnarisaallu nukittorsarniarlugu, aammalu / imaluunniit inuttut nukittuffii, angajoqqaallu angajoqqaajusinnaanerat periusissatut pilersaarut malillugu nukittorsarniarlugu tapersersuineq.
  • Meeraq angerlarsimaffiup avataani inissinneqarsimappat angajoqqaat aammalu angajoqqaarsiat meeqqamik paaqqutarinnittut perorsaanikkut ikiorlugit.
  • Inuusuttut naartusut anaanaasulluunniit perorsaanermi ikiorlugit, ilaquttaminnut attaveqartut attaveqanngitsulluunniit.
  • Ilaqutariit meerartallit tarnikkut inooqatigiinnikkullu annertuunik ajornartorsiutilinnik perorsaanikkut ikiuunneq.
  • Angajoqqaat meeqqanut immikkoortortaqarfimmi paaqqinnittarfinnut attaveqarne-rannut tapersersuineq, matumani pineqarput ulluunerani paaqqinnittarfiit, atuarfik, sunngiffimmi ornittakkat, isumaginnittoqarfik peqqinnissaqarfillu.
  • Ilaqutariinnik siunnersuisup ilaqutariit sullitami tamatigut pulaarnerannut nalunaarusiortarneq killiffiallu pillugu nalunaarusiortarneq.
  • Ilaqutariit Illuanni naatsorsuutit nakkutigalugi
  • Ilaqutariinnik katsorsartitsineq/Ilaqutariinnik højskolertitsineq.

Qulaani suliat pineqartut saniatigut Isuamginninnermi Immikkoortortami Aqutsisup suliakkiisutai, isumaginninnerup iluani suliassat isumagisassanut ilaapput.

Piginnaasat kissaatigineqartut 

  • Perorsaasutut ilinniarsimaneq imaluunniit Isumaginninnermi Ikiortitut ilinniarsimaneq saniatigullu meeqqanik sullitaqarnermi pikkorissarsimaneq (imaluunniit pikkorissarnernut taamaattunut peqataanissamut piumassuseqarneq)

  • Meeqqanut immikkoortortaqarfimmi ilaqutariinnik siunnersuinermut sulinermi misilittagaqarneq.

  • Meeqqanut innarluutilinnulluunniit immikkoortortaqarfimmi tapersersortitut sulinermi misilittagaqarneq.

  • Isumaginnittoqarfimmi sulinermi misilittagaqarneq.

  • Suleqatigisanik sullitanillu suleqatiginnilluarnissamik pilersitsisinnaaneq aammalu periusissamik pilersaarut, Sullissisumit akisussaaffigineqartoq malillugu naammassinnissinnaaneq.

  • Periusissamut pilersaarut toqqammavigalugu nammineersinnaassuseqarneq aammalu suleqatiginnilluarsinnaaneq.

  • Utaqqisinnaassuseq akaarinninnerlu. Tarnikkut nukittuneq.

  • Tutsuiginarneq, tunniusimaneq akisussaassuseqarneq maligassaalluartuunerlu.

  • Sullitamut attaveqarluarsinnaaneq attaveqaqateqarluarsinnaanerlu. Akerleriissutinik aaqiillaqqinneq

  • Sungiussiasuuneq ineriartorusussuseqarnerlu.

  • Isumaginnittoqarfimmi Ilaqutariinnut Siunnersuisartutut – Angerlarsimaffimmi Perorsaasutut sulianik suleqatiginninnissamillu naammassinninnissamut maleru-aqqusanik malinnissinnaaneq

Akissarsiaqartitsineq atorfinitsitsinerlu 

Akissarsiaqartitsineq atorfinitsitsinerlu pissapput kattuffimmut isumaqatigiinninniarsinnaatitaasumut isumaqatigiissutit sukkulluunnit atuuttut naapertorlugit.

 

Atorfininnermut atasumik inissaqartitsisoqarpoq maleruagassat atuuttut malillugit akilimmik depositummilimmillu. Utaqqiisaasumik ineqarallarnissaq ilimagineqarsinnaavoq.

 

Nammaginartumik pinerlussimannginnermut uppernarsaat aamma meeqqanik pinerliisimannginnermik uppernarsaat atorfininnissamut piumasaqaataavoq. Taakku atorfinittussap atsiorluni akuerinerata kingorna atorfinititsisussamit Naalagaaffiup politiivinut (Rigspolitiet) pissarsiarineqassapput.

 

Atorfimmut tunngatillugu annertunerusumik paasisaqartoqarsinnaavoq Isumaginninnermi pisortaq Rakel G. Grønvold oqarasuaat 91 46 14-mut saaffiginninnikkut imaluunnit e-mail: ragg@qaasuitsup.gl saaffiginnilluni pissarisiarineqarsinnaapput.

Qinnuteqarfissaq kingulleq 

Qinnuteqaat ilinniarsimaneq suliffigisimasallu pillugit paasissutissat, ilinniarsimanermut uppernarsaat il.il. ilanngullugit Sulisoqarnermut Immikkoortortaqarfimmut kingusinnerpaamik 13. november 2016  tunniunneqareersimassapput.

Qinnuteqaat uunga nassiunneqassaaq 

Qaasuitsup Kommunia

Sulisoqarnermut Immikkoortortaqarfik

Postboks 1023

3952 Ilulissat

Imaluunniit e-mail-ikkut: hr@qaasuitsup.gl