Nunaqarfinnut aqqutissiuussisoq

Majoriaq/Suliffissarsiuussisarfik Upernavik 1. december 2016 imaluunniit isumaqatigiissuteqarnikkut sulilertussamik nunaqarfinnut aqqutissiuussisussarsiorpoq, bygdevejleder.
Nunaqarfinnut aqqutissiuussisutut atorfik nutaajuvoq taamaalilluni sulineq ineriartortinneqassaq ingerlanneqassallunilu sulisut allat peqatigalugit.
Qinnuteqarfissaq:
15. november 2016
Sumi:
Upernavik
Akissarsiat:
Isumaqatigiissut malillugu

Suliassat akisussaaffiillu 

  • Nunaqarfinni innuttaasunik ilinniartitaanikkut suliffissaqarniarnikkullu ingerlariaqqikkusuttunik aqqutissiuussineq.
  • allaffimmi suliassat naliginnaasut allat.
  • suliffeqarfimmi atorfiup ineriartortinneqarnissaa.
  • sulinerullu ingerlanneqaranut nutaaliornernik aaqqiissutaasinnaasunillu siunnersuineq.

Suliamut ilinniagaqarsimanissaq kissaatigineqarpoq, sulilernermi ingerlaannartumik Upernavimmi nunaqarfiinilu innuttaasut ingerlariaqqitsinniarneqarnerannut peqataalersinnaallutit aammalu allaffimmi suliassanik tiguseriaannaassallutit.

Suliffissarsiuussisarfik Majoriallu assigiinngitsunik suliarpassuaqarmat naatsorsuutingaarput  tunniusimasuunissat, suliassallu assigiinngitsut suliakkiissutigineqartut naammassillugit suliarisinnaassangitit.

Piginnaasat 

  • Suliassamut naapertuuttumik ilinniagaqarsimasoq.
  • Inuusuttunik inersimasunillu sullisserusuttoq.
  • Sulilluartoq, imigassamik aanngajaarniutinillu ajornartorsiuteqanngitsoq.
  • Marluinik oqaaseqartoq, kalaallisut qallunaatullu.

Naatsorsuutigissavat suliamut tunngatillugu ilinniaqqissinnaangavit, pingaartumik aqqutissiuussisutut.

Akissarsiaqartitsineq atorfinitsitsinerlu 

  • Atorfinitsinneqartoq kontorfuldmægtigitut atorfinitsinneqassaaq, Naalakkersuisut SIK-llu isumaqatigiissutaat malillugit aningaasarsiaqassalluni.

  • Atorfimmut atatillugu inissaqartitsisoqarpoq.

Atorfik pillugu paasissutissat amerlanerusut pissarsiarineqarsinnaapput centerleder Johan Kleemann sianerfigisinnaavat uunga 964860 imaluunniit mailikkut; jkle@qaasuitsup.gl.

Qinnuteqarfissaq kingulleq 

Qinnuteqaat ilinniarsimanermut allagartat, siorngatigut atorfigisimasamut uppernarsaatit, kiisalu soraarummeersimanermut uppernarsaatit assilineqarneri ilanngullugit tunniunneqarsimassaaq sulisoqarnermut immikkoortortaqarfimmut kingusinnerpaamik 15. november 2016.

Qinnuteqaat uunga nassiunneqassaaq 

Qaasuitsup Kommunia

Sulisoqarnermut Immikkoortortaqarfik

Postboks 1023

3952 Ilulissat

Imaluunniit e-mail-ikkut: hr@qaasuitsup.gl