Qaammaavimmut pisortaq

Qaasuitsup kommunia, Aasiaat meeqqanut ilaqutariinnullu siunnersuisarfimmut Qaammaa-vimmut pisortassamik pissarsiorpoq 1. december 2016 imaluunniit isumaqatigiissuteqarnikkut sulilersussamik.
Qinnuteqarfissaq:
20. november 2016
Sumi:
Aasiaat
Akissarsiat:
Isumaqatigiissut malillugu

Qaasuitsup Kommuniani Aasianni Qaammaavik pisortamik pissarsiorpoq 

Atorfimmut inuttassarsiuivugut naleqquttumik ilinniagalimmik assersuutigalugu inunnik isumaginninnermi siunnersortitut imaluunniit perorsaasutut ilinniagalik, ilaqutariinnut katsorsaanermut ilinniaqqissimasuuguni iluaqutaassaaq.

Suliassat makkuussapput 

  • Katsorsaanissamut- pinaveersaartitsinissamullu ingerlatsinissamik pilersitsinissaq
  • Meeqqanut isumaginninnermut suliassat kinguartinneqarsinnaanngitsut aalajangersimasumik piareersimaffiginissaat isumannaassallugu
  • Meeqqat, inuusuttut ilaqutariillu siunnersornissaannik neqeroorfiginissaat – aamma ammasumik / matoqqasumik siunnersuineq
  • Ilaqutariittut katsorsartinnissamik neqeroorfiginninneq
  • Angerlarsimaffimmiittarnernut aaqqissukkamut tunngaviusutut ingerlanissaq
  • Innuttaasunik sullissiviup ataani sulisunut ilitsersuisarneq

Aasianni kriseberedskabeqarpoq, tassaanngaannarlu pisoqartillugu pisortap krisehjælpimi peqataasarnissani naatsorsuutigissavaa.

Meeqqanut ilaqutariinnullu siunnersuisarfik nammineq illuuteqarpoq, tassaniillutik kommunep paasisitsiniaavia pinaveersaartitsivialu.
Atorfimmut inuttassarsiuinermi inuk akisussaassusilik, eqiasuitsoq aammalu assigiinngitsunik ilinniagalinnik suleqatigiissitsisinnaalluarnissaa pingaartinneqarpoq.

Kalaallisut qallunaatullu oqalussinnaasoq piumaneqarnerussaaq.

Akissarsiat atorfeqartitaanermilu atugassarititaasut 

Akissarsiaqarneq atorfinitsitaanerlu pissaaq isumaqatigiissutit atuuttut naapertorlugit.

 

Atorfimmut atatillugu inissaqartitsisoqarpoq, ineqarnermullu akiliisoqartassaaq qularnaveqqusiisoqarluni malittarisassat atuuttuartut malillugit.

 

Pisortatigoortumik pinerlussimannginnermut uppernarsaat (Straffeattest)  meeqqanillu pinerliisimannginnermut uppersarsaat (Børneattest)  naammaginartut tunngavigalugit atorfinitsitaaneq pissaaq, taakkulu qinnuteqartup akuersineratigut Rigspolitiinut sulisitsisumiit aaneqassapput.

 

Paasissutissat erseqqinnerusut afdelingsleder Judithe Petrussen imaluunniit teamleder Ingelise Hendriksen saaffiginninnikkut piniarneqarsinnaapput.

Qinnuteqarfissaq kingulleq 

Qinnuteqaatit ilinniarsimanermut, siusinnerusukkut maannakkumullu suliffigisimasanik paasissutissartallit, soraarummeersimanermut allagartat assilinerinik aammalu oqaaseqaatinik ilallugit kingusinnerpaamik 20.11.2016 nassiunneqareersimassaaq.

Qinnuteqaat uunga nassiunneqassaaq 

Qaasuitsup Kommunia

Sulisoqarnermut Immikkoortortaqarfik

Postboks 1023

3952 Ilulissat

Imaluunniit e-mail-ikkut: hr@qaasuitsup.gl