Sulisoqarnermut inatsisileritooq

Qaasuitsup Kommunia kommunip HR-afdelingiani inatsisilerituussarsiorpoq. HR-afdelingi kommuni tamakkerlugu qitiusumik immikkoortortaqarfiuvoq suli ineriartortoq, taamaattumik arlaatigut ineriartortitseqataanissarnut piumassuseqaruit, sulisussarsiornermut allagarsiut una atuarutk.
Qinnuteqarfissaq:
12. oktober 2016
Sumi:
Ilulissat
Akissarsiat:
Isumaqatigiissut malillugu

Qaasuitsup Kommuniani Ilulissani sulisoqarnermut inatsisilerituumik pissarsiorpoq 

Sulisoqarnermut pisortaanermut toqqaannartumik nalunaartussaassuseqarlutit immikkoortortap ataavartumik sulisunut tunngassuteqartunut sullissinerani suleqataassaatit. Aammattaaq pisortat sulisuminnut ingerlatsivimminnilu sulineranni suleqatigissavatit. Immikkoortortaqarfik ullumikkut sulisoqarnikkut ima aaqqissuussaavoq Pisortaaneq, Sulisoqarnermut siunnersortit marluk, HRD-siunnersorti ataaseq kiisalu fuldmægtigit marluk ilinniartorlu ataaseq.

Naatsorsuutigissavat immikkoortortaqarfiup sulinerminut toqqamavigisai aaqqissuussaaneralu ataavartumik ineriartortinneqarlutillu pitsanngorsaavigineqartarnissaat, ataavartumik kommunimi pisortaqatigiit taakkualu sulisui pitsaanerpaamik sullinneqarnissaat qulakkeerumallugu.

Suliassat akisussaaffeqarfiillu ilaatigut makkuusinnaapput 

  • Sulisoqarniarnikkut inatsisitigut tunngassutilinni immikkoortortami paasissutissat nutartertuarnerata qulakkeerneqarnissaanut peqataassaatit.
  • Paasissutissiisarneq kiisalu nalunaarusiortarneq pissutsini sulisoqarnermut tunngassuteqartuni kiisalu suliani ingerlasuni suliassanut attuumassuteqaruni.
  • Sulisoqarnermut immikkoortortaqarfimmi suleriutsinut pitsanngorsaaqataanissamut siunnersuuteqartarlutillu akisussaaqataassaatit.
  • Sulisoqarnermut tunngassutilinni allaffissornikkut suliassat kommunip sulisoqarnermut politikkia, akissarsiat pillugit isumaqatigiissutit kiisalu tamatumunnga inatsisit naapertorlugit ingerlanneqarnissaat qulakkiissavat.
  • Sulisoqarnermut tunngasunilinni suliassanilu oqimaatsuni isumaqatigiinniartarneq.
  • Sulisoqarnermut tunngassutilinni allaffissornikkut suliassanik nukinginnartunik suliaqartarneq.

Naatsorsuutigaarput 

  • Cand.jur. imaluunniit cand.merc.jur. ilinniagaqarsimasuussasutit.
  • Oqaatsit tungaasigut allanniarnikkut oqalunniarnikkullu nukittuujussasutit.
  • HR-imut tunngassutilinnik ilisimasaqassasutit (sulisoqarnermut tunngassutilinni inatsisilerinermut/atorfinititsisarnermut- kiisalu sulisartoqarneq pillugu inatsisit pillugit il.il. pikkorissarsimasuussasutit.).
  • Qallunaatut oqalussinnaassuussasutit kiisalu assut pitsaassagaluarpoq kalaallisut oqalussinnaaguit.
  • Ilanngullugu kissaatigaarput atorfillit pillugit inatsisinik ilisimasaqarnissat.
  • Kalaallit Nunaanni pisortat ingerlatsisarnerat kiisalu akissarsiat pillugit isumaqatigiinniartarnermut ilisimasaqarnissat.

Inuttut piginnaasat 

  • Aalajaatsuusutit.
  • Inunnik imminullu ilisimaarinnittuusutit.
  • Isumassarsiullaqqittuullutillu nammineq sulisinnaassuseqartuusutit.
  • Inussiarnersuusutit inunnillu oqaloqateqarnissarnut pikkorissuussasutit.
  • Pisuni saqitsaaffiusuni qanoq iliuuseqarsinnaassuseqartuullutillu pisunik ilungersunartunik nammassinnaassuseqassasutit.
  • Quiasaarumatuujusutit qiimasuullutillu kiisalu imminuinnaq eqqarsaatiginani oqaloqateqarusussuseqartuussasutit piginnaasat ilisimasallu imminuinnarlu pineq pinnagit.
  • Kalaallit Nunanni pissutsinut kiisalu kulturimik inunnillu paasinnittaatsimik ilisimasaqartuusutit, tamatumani ilanngullugu inuiaqatigiinni marlussunnik oqaasilinni pissutsit immikkuullarissut atuuttut pingaartikkitit.
  • Ataatsikkut suliassanik arlariinnik ingerlatsisinnaassuseqartuusutit.

Akissarsiat- atorfininnermilu atugassarititaasut 

Akissarsiat atorfininnermilu atugassaritaasut, piffissami atorfininnermi Naalakkersuisut kiisalu kattuffiup isumaqatigiinniarnissamut piginnaatitaasup akornanni isumaqatigiissutaat naapertorlugit ingerlanneqassapput.

Atorfimmut atatillugu sulisunut inissamik innersuussisoqarsinnaavoq, soorluttaaq atorfininnermut atorfimmillu tunuarnermut atatillugu angalanissaq kiisalu nuunnermi pisattat assartorneqarnerat inatsisit atuuttut naapertorlugit ingerlanneqassasut. Atorfimmut atatillugu inissaqalernissap tungaanut kommunip utaqqiisaagallartumik pisatsersoriikkamik inissaqartitsivoq.

1. december 2016 imaluunniit isumaqatigiissuteqarneq naapertorlugu.

Atorfik pillugu paasissutissat allat pillugit HR-Chef Salomon Blytmann-imut 94 76 53 e-mail: sabl@qaasuitsup.gl  saaffiginninnikkut paasiniarneqarsinnaapput.

Qinnuteqarfissaq kingulleq 

Qinnuteqaat ilinniagaqarsimanermut uppernarsaatinik, CV kiisalu sulisitsisorisimasanit oqaaseqaatinik imaqartoq sulisoqarnermut immikkoortortaqarfimmut kingusinnerpaamik tunniunneqarsimassaaq ulloq 12. oktober 2016.

Qinnuteqaat uunga nassiunneqassaaq 

Qaasuitsup Kommunia

Sulisoqarnermut Immikkoortortaqarfik

Postboks 1023

3952 Ilulissat

Imaluunniit e-mail-ikkut: hr@qaasuitsup.gl