Allagarsiuteqqitaq - Avatangiisinut Ingeniøri / Avatangiisinut Teknikeri

Nunarsuarmi kommunit annersaannut Avatangiisinut ingeniøri/ Avatangiisinut teknikeri
Qaasuitsup Kommunia Avatangiisinut ingeniørimik/Avatangiisinut teknikerimik piaartumik iml. isumaqatigiissuteqarnikkut sulisussarsiorpoq.
Qinnuteqarfissaq:
30. september 2016
Sumi:
Ilulissat
Akissarsiat:
Isumaqatigiissut malillugu

Qaasuitsup Kommunia Ilulissani Avatangiisinut Ingeniørimik imaluunniit Avatangiisinut Teknikerissarsiorpoq 

Ulapittorujussuuvungut, unammillernartunillu silap pissusaanik avatangiisinullu tunngasunik unammillingassaqarluta, illit suleqataaffigisassarnik.

Qaasuitsup Kommunia avatangiisinut tunngassuteqartunik annertuunik unammillingassaqarpoq, maannamut najugaqarfiit 39-it tamarmik nalunaarsorneqarnikuupput, annertuumik iluarsaassinerit arfineq marluk aallartisarneqarput, ikuallaaviillu aserfallannikut tulleriiaarlugit misissorneqarnikuupput nutarterneqartussanngorlutillu. Suli iluamik nakkutigineqanngitsunik eqqaavissuaqarpoq misissorneqanngitsunik, sulilu sumiiffinni arlalinni aaqqissuussaasumik anartarfilerineq ingerlanneqanngilaq, taamaattunik piaartumik atorfik inuttassarsiorparput, eqqaaveqarfimmut siunissami maannakkumullu tunngassuteqartut erseqqissaavigineqaqqullugit.

Uani atorfimmi periarfissaqassaatit Qaasuitsup Kommuniani avaatangiisinut tunngassuteqartuni suliassaqarnissamut minnerunngitsumillu ineriartortsitseqataasussamik eqqarsaatigilluakkamik, akisussaassusilimmik ineriartortsitseqataaffigissallugu, taamaalillutit ukiut tulliuttut ingerlalluarsinnaasumik politikkikkut aalajangikkat kiisalu inatsisitigut pisussaaffiit tunngavigalugit illersorsinnaasumik kiisalu imminut nammassinnaasumik aaqqiissuteqartoqaqqullugu.

Pingaarnertut suliassarissavatit:

  • Peqqissaartumik iliuusissamik periusissamik suliaqarneq, iliuusissatut pilersaarut kiisalu politikki. 

  • Suliffeqarfinnik mingutsitsisinnaasunik nakkutilliineq nakkutilliinermullu nalunaarusiorneq.

  • Inuiaqatigiit sullillugit, politikerit, suleqatit allat kiisalu avatangiisinut tunngassuteqartunik apeqqutinut attuumassutillit aamma suliassaralugit

  • Avatangiitsimut immikkoortortaqarfik, attaveqarnermut, Sanaartornermut Avatangiisinullu ingerlatsivimmiik aaqqissuussaanikkut ataaniippoq, taavalu marlunnik sulisoqarpoq, taakkualu Sanaartornermut Avatangiitsimullu immikkoortortaqarfimmi fagchef-ip ataaniipput.

Illit 

Inussiarnersoq, nammineersinnaassusilik, suleqatikkuminartoq, sullarissoq, innuttaasunut, pisortanut allanullu oqaloqatikkuminartoq ingerlatsilluartorlu. Ullormut suliassarpassuarnik ingerlatsilluarsinnaasoq Kommunerujussuatsinnilu angalangaatsiartarnissanut piareersimasoq.

Naatsorsuutigaarput  

  • Illit naleqquttumik avatangiisinut ingeniøritut, avatangiisinut teknikeritut iml. assingusunik ilinniagaqartutit.
  • Illit avatangiisinut tunngasunik sulinikkut misilittangaqartutit.
  • Illit pilitikkikkut aaqqissuussamik aqunneqartumik paasisimasaqarlutillu suliffeqarusuttutit.
  • Ingerlatitsillaqqissuusutit.
  • Sulerusussuseqartoq, isumagissaarlutit kommunimilu ineriartortumi sunniuteqaqataasinnaasutit.
  • Sivittalaamik atorfeqarnissaq piareersimaffigigit.

Aningaasarsiat atorfininnermilu atugarititaasut 

Ulluinnarni Teknikimut Avatangiisimullu ittutut attavissat fagchefi. Akissarsiaqartitsineq atorfinitsitsinerlu pissapput Naalakkersuisut kattuffiullup akissarsiaqarneq pillugu inissisimaffeqartup isumaqatigiissutaat naapertorlugu. Atorfimmut atatillugu inissaqartsitsisoqarsinnaavoq, inimut qularnaveeqqusiissut akilerneqartussaalluni, inimut akiliut il.il. pineqartumut inatsit naapertorlugu. Ilulissani najugaqassuutit.

 

Annertunerusumik paasissutissat

Fagchefi Søren Lindenhann saaffigalugu (+299) 947751, soli@qaasuitsup.gl iml. Pisortaaneq Jens Mikkelsen på (+299) 565050 jemi@qaasuitsup.gl

Qinnuteqarfissaq kingulleq 

Qinnuteqaat ”avatangiisinut ingeniøri/avatangiisinut teknikeri”-mik ilisarnaaserlugu ilinniagaqarnermut, siusinnerusukkullu sulerisimanermik allanillu paasissutissat ilaqartillugu sassiunneqassaaq, kingusinnerpaamik tallimanngorneq ulloq 30. september 2016.

Qinnuteqaat uunga nassiunneqassaaq 

Qaasuitsup Kommunia

Sulisoqarnermu immikkoortortaqarfik

Boks 1023

3952 Ilulissat.

Imaluunniit mailikkut.: hr@qaasuitsup.gl