Upernavimmi Majoriaq aamma Utoqqaat illuanni Ilulissani allaffimmiussarsiorneq

Upernavimmi Majoriami aamma utoqqaat illuanni Unganartumi allaffimmiutut atorfiit inuttassarsiuunneqarput 01. Oktober 2016-imi imaluunniit isumaqatigiissuteqarnikkut atorfinittussanik.
Qinnuteqarfissaq:
29. september 2016
Sumi:
Upernavik, Ilulissat
Akissarsiat:
Isumaqatigiissut malillugu

Qaasuitsup Kommuniani Upernavimmi Majoriaq aamma Ilulissani Utoqqaat illuat assistentissarsiorput  

Allaffimmiut qaninnertut sulisitsisorissavaat Upernavimmi immikkoortortap aqutsisua aamma Ilulissani utoqqaat illuata aqutsisorigallagaa.

Suliassat pingaarnerit: Ilulissani utoqqaat illuanni Unganartumi allaffimmiuusup 

  • Allatsitut suliassat, akissarsiat nalunaarutigineri nutserinerillu annikinnerusut

  • Konto-nut ilioraanerit

  • Missingersuummik aqutsineq

  • Akissarsianik naatsorsuineq - Naatsorsuuserineq

  • Nutserineq

  • Ataatsimiinnerni imaqarniliorneq

  • Ataatsimiinnissanut ullormut oqaluuserisassanik suliaqarneq

  • Najugaqartut aningaasaqarnerannik aqutsineq (nittartakkakkut)

  • Nioqqutissanik innuminniineq

  • Allaffissornermik suliassat tamaasa

  • Sulisut pillugit suliassat

  • Nuutsisarfimmik isumaginninneq

Upernavimmi Majoriami allaffimmiuusup 

  • Suliffissarsiortunik isumaginninneq

  • Nunanit allanit tikittut sulisinnaanermut akuersissutaannik nakkutilliineq

  • Suliffissaaleqisunik nalunaarsuineq, kisitsisinik saqqummiussuineq, innersuussineq

  • Suliffeqanngikkallarnermi ikiorsiissutinik aqutsineq

  • Suliffissaaleqisunut, pikkorissarumasunut aamma ilinniagaqaqqikkumasunut ilitsersuussineq

  • Suliffissaqartitsiniarnermi suleqatigisanut attaveqartarnermik isumaginninneq

  • Suliffissaqartitsiniarnermik suliniutinik ingerlatsineq, suliffissaaleqisunik aamma piginnaanngorsaqqittunik sulilersitsiniaaneq

  • Illoqarfimmi nunaqarfinnilu suliffissaqartitsiniarnermik aamma ilinniartunngortitsiniarnermik ingerlatanut tunngasuni naatsorsuutinik saqqummiussilluni missingersuutitut siunnersuutissanik suliaqarnermi peqataaneq, immikkoortortami aqutsisoq sulisullu allat suleqatigalugit

  • Suliassaqarfiit assigiinngitsut ataatsimiititaliaanni, suliniutini aamma suliffissarsiuussisarfiup aamma Piareersarfiup suliassaqarfiinut tunngasuni aqutsisoqatigiit sinnerlugit peqataaneq

  • Illoqarfimmi nunaqarfinnilu suliffissaqartitsiniarnermut aamma Piareersarfimmut tunngasuni aningaasat aqutsiviginerinut immikkoortortamut aqutsisoq aamma suliffissarsiuussisartut peqatigalugit akisussaaneq

  • Suliffissaaleqisut iliuusissatut pilersaarutaannik suliaqarneq

  • Sulianut tunngasunut pikkorissarnerit, pikkorissarnermi ajunngitsorsianik aamma utertoorutinik tunniussinerit

  • Illoqarfimmi nunaqarfinnilu sulilersitsiniaanermut, piginnaanngorsaqqiinermut aamma pikkorissarnermut tunngasunik suliniutinik pilersaarusiorneq

  • Suliffissarsiuussisarninni Piareersarfinnilu suliassat allat takkussuuttut isumaginerat

Naatsorsuutigaarput illit tassaasutit: Upernavimmi Majoriaq  

  • Niuernermik suliaqartutut aamma allaffimmiutut ilinniagaqarsimasoq

  • Allaffissornermut tunngasunik misilittagaqartutit, qarasaasinillu atuisinnaasutit

  • Ilitsersuussisinnaassusilik, suleqataasinnaassuseqartoq, pisussaaffimmik eqquutsitsisinnaasoq, akisussaassuseqartoq, suliassanut eqaatsumik pissusilik, suliniuteqarumassusilik

  • Kalaallit Nunaanni ilinniartitaanernut suliffissaqartitsiniarnermullu tunngasunik ilisimasalik

Ilulissani utoqqaat illuat Unganartoq  

  • Allaffimmiutut ilinniagalik

  • Naatsorsuuserisinanasoq, akissarsialerisinnaasoq

  • Marluinnik oqaaseqartoq

  • Mianerinnittoq, ammasoq, suleqatiginnikkumassusilik, aalajaatsoq, ilumoortoq

Akissarsiat aamma atorfeqarnermi atugassarititaasut:  

Naalakkersuisut aamma kattuffiup pineqartup isumaqatiginninniarsinnaatitaasup akornanni isumaqatigiissutit malillugit akissarsiat atorfeqarnermilu atugassarititaasut pissapput.

 

Atorfimmut inissaqartitsisoqarsinnaanngilaq.

 

Atorfik pillugu attaveqarfissaq:

Upernavimmi Majoriami allaffimmiutut atorfik pillugu apeqqutissaqaruit, Upernavimmi immikkoortumut aqutsisoq saaffigisinnaavat Johan Kleemann oqarasuaammut uunga: 96 48 60 imaluunniit e-mail-imut: jkle@qaasuitsup.gl

Imaluunniit Ilulissani utoqqaat illuanni Unganartumi allaffimmiutut atorfik pillugu saaffiginnittoqarsinnaavoq uunga, Ilulissani utoqqaat illuanni aqutsisuugallartoq Larsine Mikaelsen oqarasuaammut uunga: 94 76 82 imaluunniit e-mail-imut: lmik@qaasuitsup.gl

Qinnuteqarfissaq kingulleq 

Qinnuteqaat ilinniagaqarsimanermut uppernarsaammik, sulisitsisorisimasanut innersuussutinik aamma soraarummeernermi pappiaqqat nuutinnerinik ilaqartoq nassuinneqassaaq uunga Sulisoqarnermut immikkoortortaq kingusinnerpaamik 29. september 2016

Qinnuteqaat uunga nassiunneqassaaq 

Qaasuitsup Kommunia

Sulisoqarnermut immikkoortortaq

Postboks 1023

3952 Ilulissat

hr@qaasuitsup.gl