Meeqqerivik Kulloq Aasiannut Souschef-issarsiorneq

Qaasuitsup kommunia, Aasiaat, meeqqerivik Kulloq tullersortimik 1. september 2016 imaluun-niit isumaqatigiissuteqarnikkut atorfinittussamik pissarsiorpoq.
Qinnuteqarfissaq:
4. august 2016
Sumi:
Aasiaat
Akissarsiat:
Isumaqatigiissut malillugu

Meeqqerivimmi pissutsit 

Meeqqerivimmi atorfik tamakkiisumik suliffiuvoq sapaatip akunneranut nalunaaquttap akunneri 40-t suliffiulluni. Meeqqerivik meeqqanut 70-inut inissaqartitsivoq.

Meeqqeriviup ammasarfigai ataasinngornermiit tallimanngornermut 06.45 – 17.00. Arfininngornikkut matoqqasarpoq.

Meeqqerivinni ingerlatsineq Meeqqanut Kultureqarnermullu Immikkoortortaqarfiup ataani inissisimavoq, perorsaanermut siunnersortillu meeqqerivimmik siunnersuineq ilitsersuinerlu isumagisarpai.

Qinnuteqarnissamut piumasaqaatit 

Perorsaasutut ilinniagaqarsimasuunissaq, akisussaassuseqarluartoq, suliumassuseqarluartoq suliffimmullu tunniusimalluartoq, suliffimmut ilisimasaqarluartoq, ulapaarfiusumi eqqissisimasumik ingerlatsisinnaasoq, suleqatigiuminartoq, akuersaartoq aalajaatsorlu, angajoqqaanullu qanilaartumik sullisserusuttoq.

Timikkut tarnikkullu peqqissuuneq, paaqqinnittarfiup anguniagai iliuuserisassatullu pilersaarutai kiisalu malittarisassat assigiinngitsut Qaasuitsup kommunianut atuuttut naapertorlugit sulinissamut piareeqqasoq.

Qinnuteqartut kalaallisut qallunaatullu oqalussinnaasut piumaneqarnerussapput

Akissarsiat atorfeqarnermilu atugassat 

Atorfinitsitsinermi akissaasersuineqassaaq nalinginnaasumik malittarisassat isumaqatigiissutillu atuuttut malillugit.

Atorfimmut atatillugu inissaqartitsisoqarpoq, malittarisassat atuuttut malillugit ineqarnermut akiliisoqartassalluni.

Atorfimmut paasissutissat erseqqinnerusut pissarsiarineqarsinnaapput ukununnga saaffiginninnikkut: perorsaanermut siunnersorti Maren A. Clasen, mail: macl@qaasuitsup.gl oqarasuaat 89 4724 imaluunniit meeqqeriviup pisortaa Arnâránguak’ Reimer, mail: arre@qaasuitsup.gl oqarasuaat 89 4786.

Pisortatigoortumik pillagaasimannginnerup allagartaa aammalu meeqqanut allagartaq naammaginartumik naammassisimagaanni atorfinitsinneqarneq pisarpoq, taakkua atorfinitsinneqartussamut neqeroorfigineqartumit akuersissummik pereernikkut sulisitsisumit rigspolitinut piniarneqartarput.

Qinnuteqarfissaq kingulleq 

Qinnuteqaatit, ilinniarsimanermut uppernarsaatit, siusinnerusukkullu sulisimanermut uppernarsaatit ilanngullugit kingusinnerpaamik 4. august 2016

Qinnuteqaat uunga nassiunneqassaaq 

Qaasuitsup Kommunia

Sulisoqarnermut immikkoortortaqarfik

Postboks 1023

3952 Ilulissat

imaluunniit e-mail: hr@qaasuitsup.gl