Ingerlatsinermut ataqatigiissaarisoq Ilulissanut

Ingerlatsinermut avatangiisinullu immikkoortortaqarfik Ilulissani Ingerlatsinermut ataqatigiissaarisussarsiorpoq, piaartumik isumaqatigiissuteqarnikkulluunniit sulilersussamik.
Qinnuteqarfissaq:
29. august 2016
Sumi:
Ilulissat
Akissarsiat:
Isumaqatigiissut malillugu

Qaasuitsup Kommuni Ilulissani Ingerlatsinermut ataqatigiissaarisussarsiorpugut 

Ingerlatsinermut ataqatigiissaarisup, - qaninnertut pisortarissavaa Ingerlatsinermut Akisussaasoq

Illit imaattuussaatit 

Inussiarnersoq, kiffartuusserusuttoq, innuttaasunik, sanaartortitsisunik allanillu attaveqallaqqissoq. Sorpassuarnik ulluinnarni suliaqarneq iluarigit. Qarasaasiamik atuilluarsinnaasoq allaffimmilu sulineq iluarigit. Danskisut kalaallisullu allassinnaallutillu atuarsinnaasaatit kiisalu tuluttut paasisinnaassallutit.

Ulluinnarni suliassatit makkuupput 

  • Attaveqaatinut, sanaartornermut avatangiisinullu ingerlatsiviup iluani ingerlatsinerup pilersuinerullu akisussaaffigineqarneranik qulakkeerinninneq

  • Sanaartugassat minnerusut kommunalbestyrelsimit suliarineqartussatut akuerisat suliarineqarnissaannik qulakkerinninneq

  • Kommunip pigisaasa ingerlatsinermut attuumassutillit, soorlu nunaqarfinni ikuallaaviit, sanaartugassartai aamma sanaartorneqartussatut pisariaqartitsineri malillugit aningaasanut inatsimmut aamma kommunip nammineq akisussaaffigisaata ataaniittut qinnuteqaassunnerinik ukiut tamaasa qulakkeerinninnerit.

  • Kommunip biiliisa allattorsimaffiata nutarterneqartuartarnissaannik qulakkeerinninneq aamma ingerlaavartumik taarserneqartarnissaasa pilersaaruteqartuaannarnissaanik qulakkeerinninneq

  • Ingerlatsinermut akisussaasunit qaammammoortumik nalunaarutinik katersineq taakkunanngalu ataatsimiititaliamut ataavartumut ilisimatitsissutitut paasissutissiisarneq

  • Kommunip illuutaasa teknikeriinit nakkutilliinermut nalunaarusiaannik katersineq ingerlatsivimmullu suliassanik ingerlatiteqqiinerit

  • Annerusunik ingerlatsinermi sulianik suliaqarneq kiisalu suleqataasarneq

Naatsorsuutigut 

  • Niuernerup allaffissornerullu iluani ilinniagaqarsimassasutit

  • Ukuanngali aamma ilinniagaqarsimasuusinnaassaatit: tekniker, konstruktør, ingeniør imaluunniit sanaartornerup angallannerulluunniit iluani ilinniaqqissimassaatit

  • Imaluunnit taakkunannga ilinniagaqarsimassallutit.

  • Kalaallit Nunaanni pissutsinik ilisimasaqassasutit,

  • Kalaallit Nunaanni inatsisinik suliassarnut attuumassuteqartunik ilisimasaqassaatit.

  • Kommunimi assigisaanniluunniit attaveqaatinut, sanaartornermut avatangiisinullu ingerlatsivinni sulillutit misilittagaqassaatit.

  • Sulerusussuseqassasutit, qiimasoq aamma ineriartupiloornerup nalaani ingerlatsivimmi illit malunnaateqarusussallutit.

Akissarsiat aamma atorfeqarnermi atugassarititaasut 

Akissarsiat aamma atorfeqarnermi atugassat, atorfininnermi soraarnermilu angalasinnaatitaaneq kiisalu pigisanik nuussineq Naalakkersuisut kattuffiullu isumaqatigiinniussisinnaatitaasup akornanni atorfinninnerup nalaani isumaqatigiissut atuuttoq naapertorlugu pissaaq.

 

Atorfik inissaqartitsivoq.

 

Paasissutissat amerlanerit:

Ingerlatsinermut avatangiisinullu Fagchefi Søren Lindenhann oqarasuaat 94 77 51-imut imaluunniit mail-imut soli@qaasuitsup.gl –imut attaveqarfigalugu atorfik pillugu paasissutissat amerlanerit pissarsiarisinnaavatit.

Qinnuteqarfissaq kingulleq 

Qinnuteqaat “Driftskoordinator” –mik nalunaaqutserlugu aammalu soraarummeersimanermut uppernarsaatinik sulisitsisorisimasaniillu oqaaseqaatinik ilaqartoq kingusinnerpaamik 22. August 2016

Qinnuteqaat uunga nassiunneqassaaq 

Qaasuitsup Kommunia

Sulisoqarnermut Immikkoortortaqarfik

Boks 1023

3952 Ilulissat

imaluunniit mailimut uunga: hr@qaasuitsup.gl