Illoqarfimmi pilersaarusiortoq

Qaasuitsup Kommuniata Sanaartornermut Avatangiisinullu Ingerlatsiviani pilersaarusiornermut immikkoortortaqarfimmiittoq illoqarfimmik pilersaarusiortartup atorfia ataaseq inuttaqanngilaq. Atorfiup piaarnerpaamik inuttalernissaa kissaatigaarput. Suleqaterput pikkorissoq allamik misilittagaqarusulluni toqqarsimammagu, taamaattumik atorfiup piaarnerpaamik inuttalernissaa kissaatigaarput. Atorfik Ilulissani qitiusoqarfimmiippoq. Pisortaq qaninneq tassaavoq pilersaarusiornermut pisortaq.
Qinnuteqarfissaq:
10. august 2016
Sumi:
Ilulissat
Akissarsiat:
Isumaqatigiissut malillugu

Nunarsuarmi Kommunit annersaat ataatsimik illoqarfimmi pilersaarsiortumik pissarsiorpoq  

Illoqarfimmi pilersaarusiortutut Nunarsuarmi Kommunit annersaanni imaannaanngitsumik ilisimasaqalissaatit katitikkamik aammalu kommuni assigiinngisitaartoq. Kommuni 8-nik illoqarfilik aammalu nunaqarfiit 31-t. Suliassatit annertuumik timitalimmik pilersaarusiornerup iluaniissapput.  

Suliassat aamma akisussaaffiit 

Suliassatit ilaatigut makkuupput:

  • Qaasuitsup Kommuniata kommunimut pilersaarutaata 2014-26-p qarasaasiamut ilioqqarnera.
  • Kommunimut pilersaarutip tapiinik suliaqarneq.
  • Immikkoortortat pilersaarutaannik suliaqarneq.
  • Nunaminertalerisoqarfimmi sulisut tunngaviusumik pilersaarut aamma nunaminertamik qinnuteqaatit pillugit oqaloqateqartarneq.
  • Inuussutissarsiornermut pilersaarusiornermullu inerisaanerit suleqataaffigalugit.

Piginnaasassatit 

Ilinniarsimasumik pitsaasumik piginnaasalimmik qinnuteqartoqarnissaa kommunip kissaatigaa:

  • Illussamik titartaasartutut, illoqarfimmi pilersaarusiortartutut, nunamik uuttortaasartutut assigusumilluunniit ilinniagaqarsimassaatit.
  • Kommunimi pilersaarusiortaatsimik misilittagaqassaatit aamma naalakkersuinermik suleriaatsinik ilisimannittuussaatit.
  • Suliffeqarfiup iluani avataanilu suleqatigiinneq oqaloqatigiinnerlu aqqutigalugit sulinissarnut kajungilersinneqassaatit aamma siammasissumik attaveqarfigisartakkatit attavigiuaannarsinnaassavatit atortarlugillu.
  • Eqimattat sullitat assigiinngitsut ilinniakkat aallaavigalugu paasissutissiivigisarnissaanut pikkorissuussaatit.
  • Atortorissaarutit assigiinngitsut, soorlu Office pakken, MapInfo, Adobe CS6 pakken ilisimaarilluassavatit.
  • Kommunimut pilersaarutip qarasaasiakkut pilersaarusiarineqarnerani tunngavigisarput Odeum e-plan-i aamma ilisimasaqarfigisinnaavat.
  • GIS atorlugu tunngaviusumik pilersaarusiortarneq aamma ilisimasaqarfigisinnaavat.
  • Ammasuussaatit, qiimasoq sulianik tunniussivissat ullui aalajangersimaqqinnaartut ulluinnarni angummaffiginiarlugit ulapaarfiusumi sulisinnaassaatit.
  • Eqqarsallaqqissuussaatit, peqqissaartoq, aaqqissuussillaqqissoq aamma sulianik tamaginnik malinnaasinnaasoq.
  • Sivisunerusumik atorfeqarusussuseqartutit.

Ilitsersuussineq 

  • Ingerlatsiviup pitsaasumik peqqissaartumillu suliassatit ilitsersuussutigissavai, taamaalillutit suliassatit nammineerutigiartuaassavatit.
  • Suliffeqarfimmi suliaqarfiit akimorlugit suleqataanissanut piareersimanissat pingaaruteqarpoq minnerunngitsumik kulturit marluiit tunuliaqutaralugit suliffiusumi suleqataanissat piareersimaffigissavat; inuttut piginnaasat ilinniarsimanerup pingaartinneqarneratuulli pingaartinneqarmata.

Ukuuvugut 

Qaasuitsup Kommunia nunarsumi kommuninit annersaavoq (Danmarkip angissusaata 15-eriaataata missaanik angissuseqarpoq). Pilersaarusiornermut immikkoortortaqarfik ima aggulunneqarpoq: pilersaarusiortarfimmi illoqarfimmut pilersaarusiortartut pingasut atorfeqarput nunaminertalerisoqarfimmi nunaminertalersisut sisamat atorfeqarput aamma nunaminertalerisut allattaat ataaseq kiisalu pilersaarusiornermut pisortaq tassani atorfeqarput. Pilersaarusiornermut immikkoortortaqarfik Sanaartornermut Avatangiisinullu ingerlatsiviup ataani inissisimavoq.

Akissarsiat aamma atorfeqarnermi atugassarititaasut 

Atorfinitsinneqarneq akissarsiallu, kattuffinnut isumaqatigiissutit atuuttut malillugit pissapput. Atorfimmut atatillugu inissaqartitsisoqarsinnaavoq, soorluttaaq atorfininnermi soraarnermilu angalasoqartitsisinnaasoq aammalu pequtit nuunneri maleruagassat atuuttut malillugit pisinnaasut.

Atorfik sukkanerpaamik inuttalerneqassasoq kissatigineqarpoq.

 

Atorfik pillugu paasissutissat amerlanerit pilersaarusiornermut pisortamut Hanne Holm Anderseniimut, oqarasuaat +299 94 78 73/ maili hha@qaasuitsup.gl -mut saaffiginnilluni pissarsiarineqarsinnaapput.

 

Kommunip nittartagaa www.qaasuitsup.gl aamma kommunimut pilersaarutip nittartagaa http://qaasuitsup.kommuneplania.gl takukkit kommuni pillugu paasissutissanik amerlanerusunik pissarsiffigisinnaavatit.

Qinnuteqarfissaq kingulleq 

Qinnuteqaat imminut ilisaritinnermik ilaqartoq aammalu soraarummeersimanermut uppernarsaatinik sulisitsisorisimasaniillu oqaaseqaatinik ilaqartoq nassiunneqassaaq uunga; sulisoqarnermut immikkoortortamut kingusinnerpaamik pingasunngorneq 10. august 2016 nassiunneqareersimassaaq.

Qinnuteqaat uunga nassiunneqassaaq 

Qaasuitsup Kommunia

Sulisoqarnermut Immikkoortortaqarfik

Postboks 1023

3952 Ilulissat

Imaluunniit e-mail-ikkut: hr@qaasuitsup.gl