Inunnik Isumaginnittoqarfimmut ilaqutariinnik paaqqutarininnermi siunnersorti

Qaasuitsup Kommuniani immikkoortortaqarfimmi Ilulissani isumaginnittoqarfimmi ilaqutariinnut paaqqutarinninnermut siunnersortimut atorfik inuttassarsiuunneqarpoq 1. August 2016 isumaqatigiissuteqarnikkulluunniit sulilersussamik.
Qinnuteqarfissaq:
24. juli 2016
Sumi:
Ilulissat
Akissarsiat:
Isumaqatigiissut malillugu

Qaasuitsup Kommunia Ilulissani ilaqutariinnik paaqqutarinninermi siunnersortimik pissarsiorpoq 

Ilaqutariinnut paaqqutarinninnermut siunnersortitut atorfik Ilulissani isumaginnittoqarfimmi  inissisimavoq. Inunnik isumaginnittoqarfimmi immikkoortortami pisortaq qaninnertut qullersarissavat.

Suliassaqarfiit akisussaaffiillu 

  • Meeqqamik paaqqutaqarnissaanut qinnuteqaatit imaluunniit meeqqat angerlarsimaffiup avataanut inissinneqarsimasut eqqarsaatigalugit ajornartorsiutit suleqatigiit ataatsimiinnissaannut imaluunniit suliassaqarfiit akimorlgit ataatsimiititaliamut innersuussisarnermut peqataaneq kiisalu taakku ataatsimiititaliap inassuteqaatai naapertorlugit suliareqqinneqarnissaat aamma suleqatigiit ataatsimiinneranni aalajangerneqarsimasut eqqarsaatigalugit.

  • Kommunimi angajoqqaarsianik suleqateqarneq kiisalu meeqqat angerlarsimaffiup avataanut inissinneqarsimasut eqqarsaatigalugit suliassat ataasiakkaat eqqarsaatigalugit suleqatigisanik avataaneersunik ataavartumik ilisimatsitsisarneq

  • Isumaginnittoqarfimmut meeqqat angerlarsimaffiup avataanut inissinneqarsimasut pillugit nalunaarutit takkussimasut tamaasa ataavartumik ilisimatitsissutigalugit

  • Kommunimi meeqqanik angerlarsimaffiup avataanut inissinneqarsimasunik meerarsiartaanissamut qinnuteqaatinut atatillugu pulaarnermi nalunaarusianik aamma isumaginninnermi nalunaarusianik suliaqarnermi killiffik pillugu ataavartumik ilisimatitsisarneq

Qulaani suliat pineqartut saniatigut Isumaginninnermi Immikkoortortami Aqutsisup suliakkiisutai, isumaginninnerup iluani suliassat isumagisassanut ilaapput.

Piginnaasat kissaatigineqartut 

  • Perorsaasutut imaluunnit isumaginninnerup iluani ilinniarsimaneq – ajornanngippat piginnaassuseqarluarnermik kinguneqartumik ilinniagaqaqqissimaneq

  • Meeqqanut immikkoortortaqarfimmi ilaqutariinnik siunnersuinermut sulinermi misilittagaqarneq.

  • Isumaginnittoqarfimmi sulinermi misilittagaqarneq.

  • Anguniagalimmik sulisinnaassuseqarneq kiisalu suleqatigiinni suliassaqarfiit suleqatigiissinnaanerisigut suliassaqarfimminni ineriartortitsinissamut piginnaasaqarneq

  • Suliassani aamma periutsini aaqqissuussaasumik sulisinnaassuseqarneq

  • Angajoqqaanut ilaqutariinnut inissiigallarfiusunut meeqqanik sullissinermi sullissisunut kiisalu suleqatigiinni suleqatigiittut eqaatsumik akuersaartumik kiisalu akuutitsinermik periuseqarneq

Akissarsiaqartitsineq atorfinitsitsinerlu 

Akissarsiaqartitsineq atorfinitsitsinerlu pissapput kattuffimmut isumaqatigiinninniarsinnaa-titaasumut isumaqatigiissutit sukkulluunnit atuuttut naapertorlugit.

 

Atorfininnermut atasumik inissaqartitsisoqanngilaq.

 

Naammaginartumik pinerlussimannginnermut uppernarsaat aamma meeqqanik pinerliisi-mannginnermik uppernarsaat atorfininnissamut piumasaqaataavoq. Taakku atorfinittussap atsiorluni akuersinerata kingorna atorfinititsisussamit Naalagaaffiup politiivinut (Rigspolitiet) pissarsiarineqas-sapput.

 

Atorfimmut tunngatillugu annertunerusumik paasisaqartoqarsinnaavoq Isumaginninnermi aqutsisuugallartumut Enniki Thorning oqarasuaat 94 75 58-mut saaffiginninnikkut imaluunnit e-mail: eth@qaasuitsup.gl saaffiginnilluni pissarisiarineqarsinnaapput.

Qinnuteqarfissaq kingulleq 

Qinnuteqaat ilinniarsimaneq suliffigisimasallu pillugit paasissutissat, ilinniarsimanermut up-pernarsaat il.il. ilanngullugit Sulisoqarnermut Immikkoortortaqarfimmut kingusinnerpaamik 24. juli 2016  tunniunneqareersimassapput.

Qinnuteqaat uunga nassiunneqassaaq 

Qaasuitsup Kommunia

Sulisoqarnermut Immikkoortortaqarfik

Postboks 1023

3952 Ilulissat

Imaluunniit e-mail-ikkut: hr@qaasuitsup.gl