Akiligassalerivimmut overassistent

Ilulissani Akiligassaleriviup Qitiusoqarfiani overassistent-imik inuttassarsioqqippoq 1. Juli 2016 isumaqatigiissutilluunniit naapertorlugit atorfinittussamik
Qinnuteqarfissaq:
27. juni 2016
Sumi:
Ilulissat
Akissarsiat:
Isumaqatigiissut malillugu

Qaasuitsup Kommuniani Ilulissani akiligassalerivik overassistent-imik pissarsiorpoq 

Atorfk nutaaq Akiligassalerivimmi Overassistent pilersinneqarpoq Ilulissani Akiligassaleriviup Qitiusoqarfiani.

 

Akiligassalerivik suliffeqarfiuvoq Qaasuitsup Kommunia Namminersorlutik oqartussallu akornanni akiligassanut tunngassutilinnik sulianik qitiusoqarfik.

Taamaattumik piumasarineqarluni suliat nukinginnarsinnaasut sukumiisumik suliarisinnaanissaat piffissakilliorfiusumi, aammalu aaqqissugaaneq malillugu suleqatigiissinnaaneq piumasaqaataalluni.

Suliassat pingaanerit makkuupput 

  • Namm. Oqart. Akiliisitsiniartarfianut akiittunnguuttunik nassiussuineq

  • Akiliutit Namm. Oqart. Akiliisitsiniartarfianeersut suliarineri

  • Akiligassanik aniatitsineq

  • Akiligassat allattorsimaffiannik (kontoudtog) ingerlateqqiinneq

  • E-mail-ikkut oqarasuaatitigullu sullissineq

  • Qaasuitsup Kommuniani suleqatinut attaveqarfinni suleqatigiinneq

  • Sulianut tunngatillugu ineriartortitseqataaneq

  • Akiligassaliorneq (påligninger)

Naatsorsuutigaarput 

  • Allaffissornikkut ilinniarsimaneq

  • Marlunnik oqaaseqarsinnaaneq (Kalaallisut qallunaatullu)

  • Sullissilluarsinnaaneq

  • Piffissaq eqqorlugu sulisinnaaneq aammalu suliffimmi ineriartortuartumi suleqataalluarsinnaaneq piumasarineqarpoq.

  • Suleqateqarluarsinnaaneq atorfiit qaffasissusaanni assigiinngitsuni.

  • Winformatik-imut aammalu aningaasaqarnermut tunngassutilinnut misilittagaqarsimaneq

Aningaasarsiaqartitaanermi atorfeqarnermilu atugassarititaasut 

Atorfininnermi atugassarititaasut Naalakkersuisut peqatigiiffiullu isumaqatigiinniarsinnaatitaasup akornanni isumaqatigiissut atuuttoq naapertorlugu atorfinitsitaaneq pissaaq.

 

Sulinermut atatillugu inissaqartitsisoqanngilaq.

Pisortanit pinerlussimannginnermut uppernarsaat naammaginartut tunngavigalugit atorfinitsitaaneq pissaaq, taakkulu qinnuteqartup akuersineratigut Rigspolitiinit sulisitsisumiit aaneqassapput.

Attaveqarfissaq 

Apeqqutissaqassaguit attavigisinnaavat Akiligassalerivimmi siunnersorti Kirsten Jeremiassen tlf.: 94 79 94

Qinnuteqarfissaq kingulleq 

Qinnuteqaat ilinniarsimanermut allagartat, siorngatigut atorfigisimasamut uppernarsaatit, kiisalu soraarummeersimanermut uppernarsaatit assilineqarneri ilanngullugit tunniunneqarsimassaaq sulisoqarnermut immikkoortortaqarfimmut kingusinnerpaamik 27. Juni 2016.

Qinnuteqaat uunga nassiunneqassaaq 

Qaasuitsup Kommunia

Sulisoqarnermut Immikkoortortaqarfik

Postboks 1023

3952 Ilulissat

Imaluunniit e-mail-ikkut: hr@qaasuitsup.gl