Piffissami killilimmi nunaminertalerisussarsiorneq

Qaasuitsup Kommuniani Pilersaarusiornermut immikkoortortaqarfimmi nunaminertalerinermik suliaqartartussamik ataatsimik piffissami aalajangersimasumik sivisussusilikkamik sulisussarsiorpugut. Ulapittupilussuuvugut atorfillu ukioq ataasiutallartumik sivisussusilik neqeroorutigisinnaavarput, taamaattumillu piaartumik inuttalerusullutigu imaluunniit isumaqatigiissuteqarnikkut. Atorfik Ilulissani Kommunip allaffiani inissisimaveqarpoq
Qinnuteqarfissaq:
25. juni 2016
Sumi:
Ilulissat
Akissarsiat:
Isumaqatigiissut malillugu

Qaasuitsup Kommuni Ilulissani piffissami killilikkami atorfeqartussamik nunaminertalerisussarsiorpoq 

Nunaminertalerisup Pilersaarusiornermut pisortaq aqutsisorissallugu.

Suliassat akisussaaffiillu 

  • Nunaminertalerinermut tunngassuteqartut suugaluartulluunniit

Piginnaasatigut kissaatigisat 

  • Kommunip kissaatigaa qinnuteqartoq allattariarsukkatigut oqaatitsigullu piginnaaneqarluassasoq.

  • Qarasaasiamik atuisinnaalluartoq kiisalu Office pakke-mut, Mapinto-mut taavalu NunaGIS-mullu tunngassuteqartut ilisimasalik.

  • Danskisut kalaallisullu oqaatsinik atuisinnaasoq.

Suliassat suuneri 

  • Pilersaarusiornermut immikkoortortaqarfiup atorfimmut tunngassuteqartunut pitsaasumik sukumiisumillu nassuiaatissavaatit, taamaaliornikkut suliassatit iserfigiartuaarniassagakkit.
  • Suliffeqarfimmi suliaqarfiit assigiinngitsut ilinnit suleqatigilluarneqarsinnaaneri pingaaruteqarpoq minnerunngitsumillu marluinnik oqaaseqarfiusumi avatangiiseqarluni suleqateqarsinnaaneq piareersimaffigissavat, tamatumanilu inuppalaartumik pissuseqarluni ileqqoqarnissaq pingaartinneqarluni.
  • Suliffik pitsaasumik avatangiiseqarfiusoq piumasaqaateqarfiusorlu kiisalu ulapaarfiusoq suliffigilertussaavat, suliatigullu ineriartornissamut periarfissagissaarfiusoq suliffigilissallugu.
  • Sulerusussuseqartuussaatit, peqqissaartoq, ataqatigiissaarisinnaasoq kiisalu suliassanut tunngassuteqartunut eqqummaarittuussallutit.

  • Qiimasoq, eqaatsumik suleriusilik kiisalu naammassisaqarusuttartoq.

Uagut tassaavugut 

Qaasuitsup Kommunia nunarsuatsinni kommunit annersaraat (Danmarkip 15-riaataanik angissusilik) pilersaarusiornermulli immikkoortortaqarfik annertoorsuunngilaq 8-inik sulisulik taamatuttaarlu sulisuugallartunik 2-nik sulisulik. Pilersaarusiornermut immikkoortortaqarfik pilersaarusiornermik suliaqartunik kiisalu nunaminertalerinermik suliaqartunik sulisoqarpoq. Nunaminertalerinermik allaffimmi nunaminertalerinermut tunngassuteqartut suugaluartulluunniit suliarineqartarput taakkualu illit ilagissavaatsit.

Akissarsiaqartitsineq atorfinitsitaanermilu piumasaqaatit 

Qinnuteqartup  atorfeqarnermut isumaqatigiissutaa atuuttoq naapertorlugu atorfinititsisoqassaaq akissarsiaqartitsisoqarlunilu.

Atorfimmut tunngatillugu paasissutissanik erseqqinnerusumik perusukkuit Pilersaarusiornermut pisortaq Hanne Holm Andersen E-mailikkut hha@qaasuitsup.gl attavigalugu pissarsisinnaavutit, kommunimullu tunngassuteqartut pillugit paasissutissanik perusukkuit kommunip nittartagaa http://www.qaasuitsup.ql atorlugu paasissutissanik piniarsinnaavutit. Kommunimut pilersaarutit nittargataq http://qaasuitsup.kommuneplania.gl  atorlugu atuarsinnaavatit.

Qinnuteqarfissaq kingulleq 

Qinnuteqaat ilinniagaqarsimanermut kiisalu siornatigut suliffigisimasanit paasissutissanik ilaqartillugu, soraarummeersimanermut pappilissanik il.il. ilaqartillugu kiisalu sulisitsisut oqaaseqaataannik ilaqartillugu e-mail atorlugu uunga nassiunneqassapput. hr@qaasuitsup.gl

 

Qinnuteqaat kingusinnerpaamik tunniunneqareersimassaaq sisamanngorneq 23. juni 2016

Qinnuteqaat uunga nassiunneqassaaq 

Qaasuitsup Kommunia

Sulisoqarnermut Immikkoortortaqarfik

Postboks 1023

3952 Ilulissat.

Allallugu: "Qaasuitsup Kommuniani nunaminertalerinermik suliaqartartoq."