Allagarsiuteqqitaq - Tarnit pissusiinut ilisimasalik aqutsisoq

Inuunermi misigisassarsiorluarnissamut periarfissaqalerputit, suliamut tunngassuteqartunut nutaanik misigisaqarfiusussamik!
Qinnuteqarfissaq:
29. juni 2016
Sumi:
Ilulissat
Akissarsiat:
Isumaqatigiissut malillugu

Qaasuitsup Kommuniani Ilulissani MISI Avannaa tarnip pissusaanik ilisimasalimmik aqutsisussarsiorpoq 

MISI Avannaata Qaasuitsup Kommuniani, nunarsuatsinni kommunit annersaanni avannar-pasinnertaannilu  perorsaanermut tarnillu pissusiinut tunngassuteqartut pillugit siunnersuisarneq akisussaaffigivaa. Qeqertarsuup Tunuani kangerluullu nunarsuatsinni tusaamarsarsuup eqqaani angerlarsimaffeqarpugut.

MISI Avannaata Qaasuitsup Kommuniani tamarmi atuarfeqarnermut meeqqanullu mikinernut tunngassuteqartut suliassaqarfigivai.

Ilulissat pinngortitarsuarmi alianaalluinnartumiippoq nunaannami pisuttuarnissamut, imaani angalaarnissamut, qimussernissamut, sisorarnissamut, pinialunnissamut, aalisarnissamut il.il. periarfissagissaarluinnartumiilluni, kiisalu illoqarfiuvoq nutaaliaasoq kulturikkut sunngiffimmilu sammisassatigut assigiinngitsunik periarfissaqartitsilluni.

Neqeroorutigaarput 

Atorfik unammilligassartalik, tamatigoortoq pissanganartorlu neqeroorutigaarput, inuttut suliamullu tunngassuteqartutigut ineriartornissamut periarfissagissaartoq. Tamatuma saniatigut suliamut atatillugu umiarsuarmik, timmisartumik qulimiguulimmillu kommunimi illoqarfinnut nunaqarfinnullu angalasarnissaq naatsorsuutigineqassaaq.

Ujartugarput 

Tarnip pissusaanut tunngassuteqartunut sullissinissamut ilinniagaqarsimasumik sulisussarsior-pugut cand.psyck imaluunniit cand.pæd.psyck-itut ilinniarsimasumik kiisalu aqutsisutut suliaqarnissamut sapiutinngitsumik.  Sulilernissamut qinnuteqartoq tassaasariaqarpoq, Kalaallisut oqaatsinik kalaallillu kulturiannik  tunngaveqartumik ingerlatsiffiusumi sulinissamut piareersimasoq:

  • Perorsaanermi tarnillu pissusiinut tunngassuteqartut pillugit suleriutsinik nutaanerusunik ilisimasalik
  • Aqutsinermut tunngassuteqartunik misilittagalik
  • Suleriallaqqissoq kiisalu ineriartortitsinissamut soqutigisalik
  • Perorsaarnermi tarnillu pissusiinut tunngassuteqartutigut meeqqanik inuusuttunillu sullissinissamut misilittagalik.
  • Suliassarpassuit assigiinngissitaartut eqqarsaatigalugit suliaqarnissamut makussisimanissaq kiisalu nammineersinnaassuseqarluni eqaatsumillu periuseqarluni sulisinnaassuseqarnissaq.

Akissarsiat atorfininnermilu atugassarititaasut 

Naalakkersuisut kiisalu Ilinniartitsisut Meeqqat Atuarfianneersut  Kattuffiata IMAK-ip, Kalaallit Nunaanni meeqqat atuarfianni ilinniartitsitut il. il.  akissarsiaat pillugit isumaqatigiissutit 27. August 2014-imeersut naapertorlugit atorfinititsisoqassaaq.

Qinnuteqartut tjenestemanditut atorfeqareersut taama inissisimanertik atuinnarlugu atorfinitsinneqarsinnaapput.

Danmarkimi pisortat suliffiutaanni atorfeqaruit Kalaallit Nunaanni atorfinitsinneqarnerit pissutigalugu Danmarkimi atorfigisannit sulinngiffeqarnissarnut periarfissaqarputit

Atorfininnermi ukiunut aalajangersimasunut aalajangikkanut immikkut aaqqiisarneq naapertorlugu atorfinititsisoqarsinnaavoq.

Atorfimmut tunngatillugu inissaqartitsisoqarpoq, ineqarnermullu akiliutaasartut atuuttut naapertorlugit inimut akiliisoqartassaaq, tassungalu ilaallutik depositumip il.il. akilerneqarnissaa.

Atorfik 1. August 2016 imaluunniit isumaqatigiissuteqarnikkut inuttalerusunneqarpoq.

Paasissutissat 

Atorfimmut tunngassuteqartut pillugit annertunerusumik paasisaqarusukkuit MISI Avannaanut  MISI_Avannaa@qaasuitsup.gl –imut imaluunniit fagchef Christian Jensenimut chje@qaasuitsup.gl saaffiginnissinnavutit.

Qinnuteqarfissaq kingulleq 

Qinnuteqaat kiisalu qinnuteqarnermut atatillugu allagaqartat pisariaqartinneqartut kingusinnerpaamik 21. juli 2016-imi HR-imi immikkoortortaqarfimmut hr@qaasuitsup.gl tunniunneqareersimassapput.

Qinnuteqaat uunga nassiunneqassaaq 

Qaasuitsup Kommunia

Sulisoqarnermut Immikkoortortaqarfik

Postboks 1023

3952 Ilulissat

Imaluunniit e-mail-ikkut: hr@qaasuitsup.gl