Qaanaami Utoqqaat Illuannut pisortamut tullersortissarsiorneq

Qaanaaq-mi utoqqaat angerlarsimaffiat pimoorussisumik ningiumut tullersortaasussamik pissarsiorpoq. Utoqqaat angerlarsimaffiat najugaqartunut 14-nut inissaqarpoq, saniatigullu aamma hjemmehjælperinik aqutsineq aammalu utoqqarnut ornittagaq aqutaralugu. Tassani utoqqaat ulluunerani sammisaqartinneqartarput soorlu eqaarsaanermik, suliassanik assigiinngitsunik suliaqarnermik utoqqaqatiminnillu naapitaqarnermik sukisaarsaartinneqartarlutik
Qinnuteqarfissaq:
15. maj 2016
Sumi:
Qaanaaq
Akissarsiat:
Isumaqatigiissut malillugu

Qaasuitsup Kommunia Qaanaami Utoqqaat Illuanni pisortamut tullersortissarsiorpoq 

Piaartumik isumaqatigiissuteqarnikkulluunniit sulilersussamik, tullersortip qaninnertut suleqatigissavaa Utoqqaat Illuanni aqutsisoq

Tullersortitut ilaatigut makku suliassarissavatit 

  • Aningaasaqarnermut missingersuutillu malinneqarneranut akisussaaqataaneq pisortaasoq peqatigalugu.
  • Angerlarsimaffimmi ikiorteqartartut pulaarneri
  • Sapaatip akunneri marlukkaarlugit weekend-imi sulisarnissat naatsorsuutigissavat, angerlarsimaffinnilu vagteqartarnissaq vagtplani malillugu.
  • Sulisunik ilinniarsimanngitsunik ilinniartitsineq

Naatsorsuutigaarput 

  • Atorfimmut tulluuttumik ilinniagaqartutit, soorlu sundhedshjælperitut.
  • Marluinnik oqaaseqartutut kalaallisut qallunaatullu.
  • Kalaallit Nunaanni inuiaqatigiinni pissutsinut aammalu pisortat suliffeqarfiinut ilisimasaqartut

Inuttut piginnaasat 

  • Attaveqatigiinnermut piginnaasaqarluarputit
  • Anguniagassaq angutserlugu peqqissaartumik suleriaaseqarputit
  • Tatiginartuuvutit
  • Pingaartilluinnarpat najugartut, atuisut kiisalu sulisut akornanni avatangiisinik pitsaasunik pilersitsinissaq.
  • Inuit assigiinngitsut suleqatigillaqqippatit

Akissarsiaqartitsineq atorfinitsitinerlu 

Akissarsiaqartitsineq atorfinitsitinerlu pissapput atorfinitsinneqarnerup nalaani Naalakkersuisut kattuffiullu isumaqatigiinninniarsinnaatitaasup akornanni isumaqatigiissutit naapertorlugit. Atorfimmut atatillugu inissaqartitsisoqanngilaq.

 

Atorfinititsineq aatsaat pissaaq ”pisortatigoortumik pillagaasimannginnermut uppernarsaat” naammaginartoq pigineqarpat. Atorfik pillugu paasissutissat amerlanerusut utoqqaat angerlarsimaffiata ningiuanut Bebiane Petersen-imut saaffiginninnikkut paasiniarneqarsinnaapput e-mailikkut bepe@qaasuitsup.gl – imut imaluunniit oqarasuaat 97 28 24

 

Qinnuteqarfissaq kingulleq  

Qinnuteqaat ilinniarsimanermut suliffigisimasallu pillugit paasissutissat pappialallu allat pisariaqarsorisat ilanngullugit kingusinnerpaamik Sulisoqarnermut Immikkoortortamut ulloq 15.maj 2016

Qinnuteqaat uunga nassiunneqassaaq 

Qaasuitsup Kommunia,

Sulisoqarnermut Immikkoortortaq,

Boks 1023,

3952 Ilulissat,

imaluunniit mailikkut uunga: hr@qaasuitsup.gl