Sulisoqarnikkut inatsisilerinermut siunnersorti

Qaasuitsup Kommuniata sulisoqarnermut immikkoortortaqarfia, kommuunip aqutsisuinut sulisoqarnikkut sulianik oqimaannerumaanik suliaqartoqartillugu siunnersuillunilu ilitsersuisartussamik sulisoqarnikkut inatsisilerinermut siunnersortissarsiorpoq.
Qinnuteqarfissaq:
29. maj 2016
Sumi:
Ilulissat
Akissarsiat:
Isumaqatigiissut malillugu

Qaasuitsup Kommunia Ilulissani sulisoqarnikkut inatsisilerinermut siunnersortimik pissarsiorpoq 

Sulisoqarnermut pisortaanermut toqqaannartumik nalunaartussaassuseqarlutit immikkoortortap ataavartumik sulisunut tunngassuteqartunut sullissinerani suleqataassaatit. Aammattaaq pisortat sulisuminnut ingerlatsivimminnilu sulineranni suleqatigissavatit. Immikkoortortaqarfik ullumikkut sulisoqarnikkut ima aaqqissuussaavoq Pisortaaneq, Sulisoqarnermut siunnersortit marluk, HRD-siunnersorti ataaseq kiisalu fuldmægtigit marluk ilinniartorlu ataaseq.

 

Immikkoortortaqarfimmi sulisut sulinerminnut toqqamavigisai aaqqissuussaanikkullu suleriusai ataavartumik ineriartortinneqarlutillu pitsanngorsarneqartuarput kommunimi pisortaqatigiit taakkualu sulisui pitsaanerpaamik sullinneqarnissaat qulakkeerumallugu.

Suliassat akisussaaffeqarfiillu ilaatigut makkuusinnaapput 

  • Sulisoqarniarnikkut inatsisitigut tunngassutilinni immikkoortortami paasissutissat nutartertuarnerata qulakkeerneqarnissaanut peqataassaatit.

  • Paasissutissiisarneq kiisalu nalunaarusiortarneq pissutsini sulisoqarnermut tunngassuteqartuni kiisalu suliani ingerlasuni suliassanut attuumassuteqaruni.

  • Sulisoqarnermut immikkoortortaqarfimmi suleriutsinut pitsanngorsaaqataanissamut siunnersuuteqartarlutillu akisussaaqataassaatit.

  • Sulisoqarnermut tunngassutilinni allaffissornikkut suliassat kommunip sulisoqarnermut politikkia, akissarsiat pillugit isumaqatigiissutit kiisalu tamatumunnga inatsisit naapertorlugit ingerlanneqarnissaat qulakkiissavat.

  • Sulisoqarnermut tunngasunilinni suliassanilu oqimaatsuni isumaqatigiinniartarneq

  • Sulisoqarnermut tunngassutilinni allaffissornikkut suliassanik nukinginnartunik suliaqartarneq

Naatsorsuutigaarput 

  • Cand.jur. imaluunniit cand.merc.jur. ilinniagaqarsimasuussasutit imaluunniit atorfimmut tulluuttumik allamik ilinniagaqarsimassasutit.

  • Oqaatsit tungaasigut allanniarnikkut oqalunniarnikkullu nukittuujussasutit.

  • HR-imut tunngassutilinnik ilisimasaqassasutit (sulisoqarnermut tunngassutilinni inatsisilerinermut/atorfinititsisarnermut- kiisalu sulisartoqarneq pillugu inatsisit pillugit il.il. pikkorissarsimasuussasutit.).

  • Qallunaatut oqalussinnaassuussasutit kiisalu assut pitsaassagaluarpoq kalaallisut oqalussinnaaguit.

  • Ilanngullugu kissaatigaarput atorfillit pillugit inatsisinik ilisimasaqarnissat.

  • Kalaallit Nunaanni pisortat ingerlatsisarnerat kiisalu akissarsiat pillugit isumaqatigiinniartarnermut ilisimasaqarnissat.

Inuttut 

  • Tatiginartuussaatit
  • Inunnik imminullu ilisimaarinnittuussaatit
  • Isumassarsiullaqqittuullutillu nammineq sulisinnaassuseqartuusutit.
  • Inussiarnersuusutit inunnillu oqaloqateqarnissarnut pikkorissuussasutit.
  • Pisuni saqitsaaffiusuni qanoq iliuuseqarsinnaassuseqartuullutillu pisunik ilungersunartunik nammassinnaassuseqassasutit.
  • Quiasaarumatuujusutit qiimasuullutillu kiisalu imminuinnaq eqqarsaatiginani oqaloqateqarusussuseqartuussasutit piginnaasat ilisimasallu imminuinnarlu pineq pinnagit.
  • Kalaallit Nunanni pissutsinut kiisalu kulturimik inunnillu paasinnittaatsimik ilisimasaqartuusutit, tamatumani ilanngullugu inuiaqatigiinni marlussunnik oqaasilinni pissutsit immikkuullarissut atuuttut pingaartikkitit.
  • Ataatsikkut suliassanik arlariinnik ingerlatsisinnaassuseqartuusutit.

Akissarsiat- atorfininnermilu atugassarititaasut 

Akissarsiat atorfininnermilu atugassaritaasut, piffissami atorfininnermi Naalakkersuisut kiisalu kattuffiup isumaqatigiinniarnissamut piginnaatitaasup akornanni isumaqatigiissutaat naapertorlugit ingerlanneqassapput.

 

Atorfimmut atatillugu sulisunut inissamik innersuussisoqarsinnaavoq, soorluttaaq atorfininnermut atorfimmillu tunuarnermut atatillugu angalanissaq kiisalu nuunnermi pisattat assartorneqarnerat inatsisit atuuttut naapertorlugit ingerlanneqassasut. Atorfimmut atatillugu inissaqalernissap tungaanut kommunip utaqqiisaagallartumik pisatsersoriikkamik inissaqartitsivoq.

1. juli 2016 imaluunniit isumaqatigiissuteqarneq naapertorlugu piaarneqaamik.

Atorfik pillugu paasissutissat allat pillugit HR-Chef Salomon Blytmann-imut 94 76 53 e-mail: sabl@qaasuitsup.gl  saaffiginninnikkut paasiniarneqarsinnaapput

Qinnuteqarfissaq kingulleq 

Qinnuteqaat ilinniagaqarsimanermut uppernarsaatinik, CV kiisalu sulisitsisorisimasanit oqaaseqaatinik imaqartoq silisoqarnermut immikkoortortaqarfimmut kingusinnerpaamik tunniunneqarsimassaaq ulloq 29. maj 2016.

Qinnuteqaat uunga nassiunneqassaaq 

Qaasuitsup Kommunia

Sulisoqarnermut Immikkoortortaqarfik

Postboks 1023

3952 Ilulissat

Imaluunniit e-mail-ikkut: hr@qaasuitsup.gl