Kullorsuaq Overassistentissarsiorpoq

Sullissivik Kullorsuarmi Overassistent-itut atorfik inuttassarsiorneqarpoq 1. Juni 2016 atorfinittussamik
Qinnuteqarfissaq:
11. maj 2016
Sumi:
Upernavik - Kullorsuaq
Akissarsiat:
Isumaqatigiissut malillugu

Qaasuitsup Kommuni Kullorsuarmi Overassistentissarsiorpoq 

Overassistent-ip Sullissivik Upernavimmi Immikkoortortaqarfimmi Aqutsisumut attaveqartassaaq.

Atorfinitsinneqarnermi suliassat akisussaaffiillu 

  • Allattuineq / nalunaarsuineq

  • Kontoni assigiinngitsuni naligiissaarineq / nakkutilliineq

  • Allakkatigut oqarasuaatikkullu saaffiginnittunut akissuteqartarneq

  • Allagartaasivimmut inissiisarneq

  • Sullissivimmi saaffiginnissutinik suliaqarneq

Naatsorsuutigaarput 

  • Allaffimmiutut ilinniarsimasuusutit

  • Sullisserusuttuusutit

  • Aalajaatsuusutit suliffimmilu ineriartupiloortumi sulissallutit nuannarigit. Taamaattumik naatsorsuutigaarput atorfimmut suliassat nutaat nuunneqarumaartut.

  • Qaffasissutsini assigiinngitsuni suleqateqarnissamut piginnaaneqartutit.

  • Akissarsialerinermik suliaqarnermut ilisimasaqarlutit – Akissarsiat

  • Isumaqatigiissutinut misilittagaqartutit.

  • Peqqissaartuusutit.

Akissarsiaqartitsineq atorfinititsinerlu 

Akissarsiaqartitsineq atorfinitsitinerlu pissapput kattuffimmut isumaqatigiinninniarsinnaatitaasumut isumaqatigiissutit sukkulluunniit atuuttut naapertorlugit.

 

Atorfimmut atatillugu inissaqartitsisoqassaaq.

 

Attaveqarfissaq:

Atorfik pillugu apeqqutissaqaruit una attaveqarfigisinnaavat: Upernavimmi Sullissivimmi Immikkoortortaqarfimmi pisortaq Vittalius Løvstrøm tlf. 96 48 27, imaluunniit mail: vitl@qaasuitsup.gl

Qinnuteqarfissaq kingulleq 

Qinnuteqaat ilinniarsimaneq suliffigisimasallu pillugit paasissutissat ilanngullugit Sulisoqarnermut Immikkoortortaqarfimmut kingusinnerpaamik 11.05.2016 tunniunneqareersimassapput, uungalu nassiunneqassallutik: hr@qaasuitsup.gl

Qinnuteqaat allakkatigut nassiunneqassappat uunga nassiunneqassaaq 

Qaasuitsup Kommunia

Sulisoqarnermut Immikkoortortaqarfik

Postboks 1023

3952 Ilulissat