Ilinniartitsisut AMS

Qaasuitsup Kommuniani Atuarfik Mathias Storch, qiimasunik, ammasunik, patajaatsunik kiisalu allannguerusussusilinnik danskisut, tuluttut kiisalu pinngortitalerinermik alloriarfinni tamani atuartitsisinnaasunik ilinniartitsisussarsiorpoq. Aammattaaq immikkoortortaqarfitsinni immikkut ittumik atuartitsinermi atuartitsisinnaasumik amigaateqarpugut.
Qinnuteqarfissaq:
3. april 2016
Sumi:
Ilulissat
Akissarsiat:
Isumaqatigiissut malillugu

Qaasuitsup Kommuniani Ilulissani Atuarfik Mathias Storch ilinniartitsisunik pissarsiorpoq 

Atorfiit ulloq 1. august 2016 inuttalerneqarusupput. Qinnuteqartut qulaani taaneqartuni ilinniartitsissutini misilittagallit salliutinneqassapput.

 

Atuarfik Mathias Storch illoqarfimmi atuarfiuvoq pingaarneq 350-it missaannik atuartoqartoq kiisalu 62-inik ilinniartitsisoqartoq. 

Paasissutissat 

Atorfiit pillugit annertunerusumik paasissutissat kissaatigineqarpata Atuarfiup Pisortaanera Karin L. Hansen uani attavigineqarsinnaavoq: klh@qaasuitsup.gl  imaluunniit oqarasuaat 00299 94 78 60 atorlugu.

Akissarsiat atorfeqartitaanerlu 

Atorfininneq Naalakkersuisut kiisalu IMAK-ip isumaqatigiissutaat naapertorlugu pissaaq. Qinnuteqartut tjenestemanditut atorfeqareersut atorfininnerminni taamatut atorfinitsinneqariaaseq atuinnarsinnaavaat. Inimik innersuussisoqassaaq malittarisassat sukkulluunniit atuutut malillugit akiliisoqartassalluni.

Akissarsiat- atorfininnermilu atugassarititaasut, matumani atorfininnermut atatillugu angalanermut kiisalu pisattat angallanneqarnerannut akiliunneqarneq atorfininnerup nalaani Kalaallit Nunaanni Namminersorlutik Oqaartussat kiisalu IMAK-ip akornanni isumaqatigiissutaat naapertorlugu pissaaq.

 

Pillarneqarsimannginnermut kiisalu meeqqanik pinerliisimannginnermut uppernarsaat qinnuteqartup atorfininnissamut innersuunneqartup akuersineratigut sulisitsisumiit Rigspolitiinut aaneqartoq naapertorlugu pissaaq.

Qinnuteqarfissaq kingulleq 

Qinnuteqaat ilanngussanik ilaqartinneqartoq kingusinnerpaamik ulloq 3. april 2016.

Qinnuteqaat uunga nassiunneqassaaq 

Qaasuitsup Kommunia

Sulisoqarnermut Immikkoortortaqarfik

Postboks 1023

3952 Ilulissat

Imaluunniit e-mail-ikkut: hr@qaasuitsup.gl