Aqqutissiuussisut

Piareersarfik/Suliffissarsiuussisarfik Qasigiannguit 1. maj 2016 isumaqatigiissuteqarnikkut sulilertussamik marlunnik aqqutissiuussisussarsiorpoq.
Qinnuteqarfissaq:
14. marts 2016
Sumi:
Qasigiannguit
Akissarsiat:
Isumaqatigiissut malillugu

Qaasuitsup Kommuniani Qasigiannguani Piareersarfik/Suliffissarsiuussisarfik marlunnik aqqutissiuussisussanik pissarsiorpoq 

Aqqutissiuussisutut sulineq ingerlanneqassaaq ineriartortinneqassallunilu sulisut allat peqatigalugit.

Suliassat akisussaaffiillu 

  • Allaffimmi suliassat suliarineqarnissaannut agguataarisimaneq malillugu suliaqarneq

  • Innuttaasunik ilinniartitaanikkut suliffissaqarniarnikkullu ingerlariaqqikkusuttunik aqqutissiuussineq

  • Allaffimmi suliassat naliginnaasut allat

  • Suliffeqarfimmi atorfiup ineriartortinneqarnissaa

  • Sulinerup ingerlanneqaranut nutaaliornernik aaqqiissutaasinnaasunillu siunnersuineq.

Suliamut ilinniagaqarsimanissaq kissaatigineqarpoq, sulilernermi ingerlaannartumik Qasigiannguani innuttaasut ingerlariaqqitsinniarneqarnerannut peqataalersinnaallutit aammalu allaffimmi suliassanik tiguseriaannaassallutit.

 

Suliffissarsiuussisarfik Piareersarfillu assigiinngitsunik suliarpassuaqarmat naatsorsuutingaarput  aqqutissiuussisut tunniusimasuunissaat, suliassallu assigiinngitsut suliakkiissutigineqartut naammassillugit suliarisinnaassagaat.

Piginnaasat 

  • Suliassamut naapertuuttumik ilinniagaqarsimasoq.
  • Inuusuttuaqqanik, inuusuttunik inersimasunillu sullisserusuttoq.
  • Sulilluartoq, imigassamik aanngajaarniutinillu ajornartorsiuteqanngitsoq.
  • Marluinik oqaaseqartoq, kalaallisut qallunaatullu.

Naatsorsuutigissavarsi suliamut tunngatillugu ilinniaqqissinnaangassi, pingaartumik aqqutissiuussisutut.

Akissarsiaqartitsineq atorfinitsitsinerlu 

  • Atorfeqartitaanermi akissarsiallu pillugit apeqqutit kattuffiup isumaqatiginninniarsinnaatitaasup Naalakkersuisullu akornanni isumaqatigiissutit naapertorlugit inissinneqassapput.

  • Inissaqartitsisoqassaaq aalajangersakkat naapertorlugit akilerneqartussaq. Sulilernermi angalaneq aammalu pisattat nassiunnerat suliffigisassamit akilerneqassapput.

Nammaginartumik pinerlitsaaliisimannginnermut uppernarsaat aamma meeqqanik pinerliisimannginnermik uppernarsaat atorfininnissamut piumasaqaataavoq. Taakku atorfinittussap atsiorluni akuerinerata kingorna atorfinititsisussamit Naalagaaffiup politiivinut (Rigspolitiet) pissarsiarineqassapput.

 

Atorfik pillugu paasissutissat amerlanerusut pissarsiarineqarsinnaapput centerleder Bodil Geisler attavigalugu oqarasuaat 914652 imaluunniit mailikkut; bge@qaasuitsup.gl.

Qinnuteqarfissaq kingulleq 

Qinnuteqaat ilinniarsimanermut allagartat, siorngatigut atorfigisimasamut uppernarsaatit, kiisalu soraarummeersimanermut uppernarsaatit assilineqarneri ilanngullugit tunniunneqarsimassaaq sulisoqarnermut immikkoortortaqarfimmut kingusinnerpaamik

14. marts 2016.

Qinnuteqaat uunga nassiunneqassaaq 

Qaasuitsup Kommunia

Sulisoqarnermut Immikkoortortaqarfik

Postboks 1023

3952 Ilulissat

Imaluunniit e-mail-ikkut: hr@qaasuitsup.gl