Isumaginninnermut siunnersorti Inunnik Isumaginnittoqarfik

Ilulissani Isumaginninnermut immikkoortortaqarfik Meeqqanut Inuusuttunut Ilaqutariinnullu isumaginninnermi siunnersortimik pissarsiorpoq.
Piaartumik isumaqatigiissuteqarnikkulluunniit sulilertussamik.
Qinnuteqarfissaq:
6. marts 2016
Sumi:
Ilulissat
Akissarsiat:
Isumaqatigiissut malillugu

Qaasuitsup Kommuniani Ilulissani Inunnik Isumaginnittoqarfimmi isumaginninnermut siunnersortimik pissarsiorpoq 

Ilulissani isumaginninnermut ingerlatsivimmi immikkoortortami aqutsisoq qaninnerpaatut pisortarissavat qaninnerpaatullu suleqatigisallugit Meeqqanut- Inuusuttunut Ilaqutariinnullu tunngasuni sullissisut.

 

Illit akisussaaffigissavatit Isumaginninnermut immikkoortortami meeqqanut suliassaqarfiup iluani suliat ingerlasut aamma nutaat paasisallu nutartikkat pillugit ataavartumik immikkoortortami aqutsisumut ilisimatitsissutigisarnissai, tassunga ilanngullugit pingaartumik isumaginninnikkut nalunaarusiat, iliuusissatut pilersaarutit assigisaallu kiisalu inissiinissamik suliat ingerlasut tamaasa killiffiinik kisitsisitigullu nalunaarsuinermik sulianut tunngasut.

 

Meeqqanut- inuusuttunut ilaqutariinnullu tunngasuni sullissisut sulineranni aqutsineq, siunnersuisarneq ilitsersuisarnerlu akisussaaffigissavatit nakkutigalugillu, Ilulissani nunaqarfiinilu sullissinerni kalaallit nunaanni isumaginninnikkut inatsiseqartitsineq tunngavigalugu. Suliat ilungersunartut suliarineqarnerini suleqataasassaatit kiisalu isumaginninnermut ingerlatsivimmut nalunaarutiginninnerit takkuttut tamaasa suliarineqarnissaat iliuuseqarfiginissaallu qulakkeertarlugit. Immikkoortortani assigiinngitsuni sulisut ataatsimeeqatigiittarnissaat kiisalu ”ilaqutariinnut meerartaartussanut siusinaartumik iliuuseqarnerit” isumagalugit. Isumaginninnermi ataatsimiititaliamut innersuussutit isumagalugit. Ataavartumik paasissutissiisarneq. Aningaasartuutit ataavartut nakkutigalugit kiisalu meeqqanut inuusuttunullu suliassaqarfimmut missingersuusiornerni suleqataasarlutit. Aammattaaq najukkami isumaginninnermi pingaartuusartunut suleqataasassaatit.

Atorfik makkunuuna piginnaanilimmik inuttalerneqarusuppoq 

  • Isumagininnermi siunnersortitut ilinniagalik – Rådgivningsassistentitut ilinniarsimasoq – HK-mik ilinniagalik, meeqqanik sullissinermut (imaluunniit taamatut pikkorissarnissamut piumassuseqarneq). Perorsaasutut ilinniarsimaneq isumaginninnermi inatsisilerinermut allaffissornermullu pikkorissarnissamut piumassuseqarneq.  Isumaginninnermi siunnersortitut ilinniarsimasoq, meeqqanut sullissinermut pikkorissarnermik ilallugit (imaluunniit taamatut pikkorissarnissamut piumassuseqarneq)

  • Meeqqanik sullissinermik misilittakkat, ikiorsiisarnermi meeqqanut peqqussutit malillugit sullissisinnaanermut uppernarsaatit suliffeqarfiit akimorlugit sullissisinnaanermut uppernarsaatit assigisaallu

  • Isumaginninnermi sullissinermi allanik misilittagaqarneq

  • Tulleriissaarisinnaaneq

  • Tatiginassuseq, tunniusimaneq, akisussaassuseqarneq

  • Maligassiuisinnaaneq

 

Taakku saniatigut atorfik pillugu akisussaaffiit allaaserinninnerillu innersuussutigineqarput taakku Ilulissani qitiusumik allaffeqarfimmi pisortamut saaffiginnilluni pissarsiarineqarsinnaapput.

Akissaatit atorfeqartitaanermilu atugassarititaasut 

Atorfininnermi atugassarititaasut Naalakkersuisut peqatigiiffiullu isumaqatigiinniarsinnaa-titaasup akornanni isumaqatigiissut atuuttoq naapertorlugu atorfinitsitaaneq pissaaq.

 

Atorfimmut atatillugu inissaqartitsisoqarsinnaavoq.

 

Atorfik pillugu paasissutissat allat immikkoortortami Kangaatsiami Isumaginninnermut immikkoortortami immikkoortortami aqutsisumut Magga Fencker oqarasuaat 94 78 91 imaluunniit e-mail mf@qaasuitsup.gl atorlugu saaffiginninnikkut piniarneqarsinnaapput.

Qinnuteqarfissaq kingulleq 

Qinnuteqaat ilinniarsimanermut siornatigullu sulisimanermut paasissutissanik imalik, ilanngullugit soraarummeernermut il.il. allagartat Sulisoqarnermut Immikkoortortaqarfimmut apuutereersimassapput kingusinnerpaamik 6. marts 2016.

Qinnuteqaat uunga nassiunneqassaaq 

Qaasuitsup Kommunia

Sulisoqarnermut Immikkoortortaqarfik

Postboks 1023

3952 Ilulissat

Imaluunniit e-mail-ikkut: hr@qaasuitsup.gl