Ilulissani qullersaqarfiup allattoqarfiani siunnersorti

Ilulissani Qaasuitsup Kommuniata qitiusumik allaffeqarfiani qullersaqarfiup allattoqarfiani siunnersortimik Qaasuitsup Kommunia pissarsiorpoq, piaartumik isumaqatigiissuteqarnikkulluunniit atorfinittussamik
Qinnuteqarfissaq:
21. marts 2016
Sumi:
Ilulissat
Akissarsiat:
Isumaqatigiissut malillugu

Qaasuitsup Kommunia Ilulissani qullersaqarfiup allattoqarfiani siunnersortissarsiorpugut 

Immikkoortortaqarfimmi aaqqissuusseqqinneq ingerlanneqarpoq naqqaniillu nutaaliornermut peqataarusukkuit, saqqummiussaq una ingerlateqqillutit atuaruk.

 

Allatseqarfiup pisortaata ataani atorfeqarnikkut – ilaatigut kommunini illoqarfinni arfineq-pingasuusuni innuttaasunut sullissivinni aqutsisuusut aamma qullersaqarfiup allattoqarfiata akornanni ataqatigiissaarisutut atuutissaatit.

Suliassat aamma akisussaaffiit 

  • Innuttaasunut sullissiviit aqutsisuisa aamma qullersaqarfiup allattoqarfiata akornanni ataqatigiissaarineq.
  • Nalinginnaasumik suliassat pillugit sullissiviit suleqatiginissaat, soorlu illoqarfinnit allanit atortussat tigoorarneqartut ingerlateqqittarnerisigut.
  • Sullissivik.gl-ip atorneqartarneranik qularnaarinninneq, assersuutigalugu nutaarsiassanik takkuttoqarsimatillugu aallartitanut eqqaasitsissutinik nassiussuinikkut.
  • Aallartitat oqarasuaatikkut ataatsimmiinnerinut/ataatsimiinnernut peqataaneq.
  • Sullissivik.gl aamma sullissivimmi suliassat suuneri pillugit paasititsiniaanernik suliaqarneq/ingerlatsineq.
  • Suliassaqarfimmut tunngasunik pikkorissarnerni, suleqatigisinnaasat eqqortut katersorneri.
  • Suleriutsit nassuiarlugit allaaserinerini peqataaneq, matumani suleriutsit nassuiarlugit allaaserineqarnissaannut atortussanik inerisaaneq ilanngullugu.
  • Atortussat – oqaasertaat sulianullu tunngasortaat – pitsaassutsikkut qaffasissuullutik nassiunneqartarnissaannik qulakkeerineq.
  • Sullissivimmut suliassanik nutaanik tigooraanermut peqataaneq.
  • Suliassat allat pisariaqartut takkussuuttut. 

Tamatuma saniatigut atorfimmut atatillugu akisussaaffiusussatut aamma atorfiup allaaserineqarnerani nassuiaatigienqartut innersuussutigineqassapput, taakku allattoqarfiup pisortaanut pissarsiariniarneqarsinnaapput.

Atorfik inuttalerneqarusuppoq tulliuttunik piginnaasaqartumik 

  • Allaffissornermut tunngasumik ilinniagaqarsimasumik, ajornanngippat ilisimatusarfinni soraarummeersimasutut imallunniit bachelor-itut.
  • Qallunaatut kalaallisullu allassinnaallunilu oqalussinnaasoq.
  • Kommunimut tunngasunik tamatigoortumik ilisimasalik.
  • Innuttaasunik sullissivimmi pisariaqartumik kiffartuussinerit ingerlanneqartartut ilisimasaqarfigineri.

Akissarsiat aamma atorfininnermi atugassarititaasut 

Akissarsiat aamma atorfininnermi atugassarititaasut, piffissami atorfininnermi Naalakkersuisut aamma kattuffiup isumaqatiginninniarsinnaatitaasup akornanni isumaqatigiissutit atuuttut malillugit pissapput.

 

Atorfimmut atatillugu inissaqartitsisoqarsinnaavoq, tassunga qularnaveeqqut/ineqarnermut akiliut sumiiffimmi malittarisassat sukkuulluunniit atuuttut malillugit akilerneqartassaaq. Sulisunut inissiamut innersuunneqarnissami utaqqinissaq naatsorsuutigineqassaaq. Sulisunut inissiamut innersuunneqarnissap tungaanut, utaqqiisaasumik inissiamut pequtsersukkamut inissinneqarallarnissaq kommunip isumagissavaa. Atorfininnermut atatillugu angalaneq tunniunneqartarpoq aamma pequtit angallanneqarnerat maleruagassat atuuttut malillugit pissaaq. Piaarnerpaamik atorfimmut ivertitsinissaq isumaqatigiissuteqarnikkulluunniit pissaaq.

Qinnuteqarfissaq kingulleq 

Allattoqarfimmi pisortaq Karl Jørgen Geisler, oqarasuaammut uunga +299 94 78 10  imaluunniit e-mail-imut uunga kage@qaasuitsup.gl  aamma atorfimmut uunga paasissutissat annertunerusut pissarsiariniaraanni attavigineqarsinnaavoq.

 

Qinnuteqaat ilinniarsimanermut paarsissutissanik aamma siusinnerusukkut suliffigisimasat pillugit paasissutissanik aamma oqaaseqaatinik ilaqartoq nassiunneqassaaq, kingusinnerpaamillu kommunimit tiguneqareersimassalluni ulloq 21. Marts 2016

Qinnuteqaat uunga nassiunneqassaaq 

Qaasuitsup Kommunia

Sulisoqarnermut immikkoortortaq

Boks 1023, 3952 Ilulissat,

e-mail-ikkut aamma nassiunneqarsinnaavoq uunga: hr@qaasuitsup.gl