Qarasaasiaqarnermut immikkoortortaqarfimmi aqutsisoq

Qarasaasiaqarnermut immikkoortortami aqutsisutut atorfik piaartumik inuttalerneqassasoq kissaatigineqarpoq
Qinnuteqarfissaq:
20. marts 2016
Sumi:
Ilulissat
Akissarsiat:
Isumaqatigiissut malillugu

Qaasuitsup kommuniani Ilulissani Qarasaasiaqarnermut immikkoortortaqarfimmi aqutsisussarsiorpugut 

Ilulissani Qaasuitsup Kommuniata qitiusumik qarasaasiaqarnermut immikkoortortaani inissisimassaatit

Illit tassaavutit 

Piginnaasaqarluartutut qarasaasiaqarnermut aqutsisuusutit naatsorsuutigaarput, taamaalillutit kommunip qarasaasiaqarnerata ingerlanneranik, attaveqaatitigut atuisunut tapersersuinermik pitsaasumik ingerlatsinermik qularnaarisinnaallutit. Tamanna kommunip qarasaasianik pilersuisua aamma suleqatigineqartut allat avataaneersut qanimut suleqatigalugit pissarpoq. Taamaammat pitsaasumik suleqatiginnissinnaanermik peqarnissat, pisuni tatisimaneqarfiusuni malinnaasinnaanissat aamma marluinnik oqaaseqarfiusumi avatangiiseqarlutit sulisinnaanissat nalinginnaasumik tunngavissaatitaassaaq

Ulluinnarni suliassat tassaapput 

  • Qaasuitsup Kommuniani qarasaasiaqarnikkut ilusilersugaanerata patajaatsumik ingerlatsivigineqarneranik ineriartortinneqarneranillu qulakkeerinissaq.
  • Qarasaasiatigut sillimaniarnermut tunngasut assigiiaartunngorsarnissaat malinnaaviginissaallu – matumani aaqqissuussaanerup pisariaqartitsineranut naleqqussakkanik anguniakkanik ingerlatseriaatsinillu suliaqarneq.
  • Qarasaasiaqarnikkut suniliutini isummersuisoqataasarnissaq, taamaalilluni qarasaasiaqarnikkut tamakkiisuusumik tapersersuinissaq qulakkeerneqassammat.
  • Qarasaasiaqarnikkut aningaasaliissutinut missingersuusiorneq aqutsinerlu.
  • Kommunip qarasaasianik pilersuisuinik aqutsineq.
  • Qarasaasiat atortulersuutinut allanut atassusersornerat, tamanna pisariaqalissappat.
  • Qitiusoqarfiup aamma ingerlatsiveqarfiit kiisalu kommunalbestyrelsimut ilaasortat akornanni qarasaasiatigut attaveqartarnerit.

Illoqarfinni arfineq-pingasuni nunaqarfinnilu 31-ni kiisalu angerlarsimaffimmi suliffinni aalajangersimasumik amerlassuteqartuni atuisut.

Piginnaasaqassutsikkut kissaatit 

  • Qarasaasiat pillugit atuagarsorsimanissaq
  • Immikkut ilisimasaqartutut imaluunniit siunnersortitut aqutsisuusimasutut misilittagaqarneq.
  • Microsoft-ip atortulersuutaanut (server, AD il.il.) aamma attaveqaatinut ilisimasaqarneq
  • Periusissatut suliniutit atorsinnaalernissaannut iliuuseqarluni piviusunngortinnerinik misilittagaqarneq
  • Aqutsisunik, suleqatinik aamma pilersuisunik suleqateqarnissamut piginnaasaqarneq kajumissuseqarnerlu
  • Pitsaasumik attaveqarnissamut piginnaasarneq aamma sunniuteqarluarsinnaaneq 

Qarasaasiaqarnermut immikkoortortami aqutsisutut, atuisut kommunip pingaaruteqartunik atortulersuutaanik, internet-ikkoortunik aamma avataaniit atortorissaarutinit ingerlanneqartunit, akornuteqanngitsumik ingerlatsisoqarneranik misigisarnissaasa qulakkeernissaat akisussaaffigissavat. Suliassaqarfigisannut tunngassuteqartunut qarasaasiat programmiinut aamma atortuinut allanut nutaanut kiisalu suliassaqarfinni suliniutinut nutaanut qullersaqarfik siunnersortassavat, taakku suliassaqarfimmut atatillugu periusissatut akuersissutigineqarsimasut naapertorlugit kommunip ineriartortitsijuarnissaanut tapertaassammata.

Akissarsiat aamma atorfininnermi atugassarititaasut 

Akissarsiat aamma atorfininnermi atugassarititaasut, piffissami atorfininnermi Naalakkersuisut aamma kattuffiup isumaqatiginninniarsinnaasup akornanni isumaqatigiissutit atuuttut naapertorlugit pissapput.

 

Atorfimmut atatillugu inissaqartitsisoqarsinnaavoq, tassunga qularnaveeqqut/ineqarnermut akiliut sumiiffimmi malittarisassat sukkuulluunniit atuuttut malillugit akilerneqartassaaq.

Qinnuteqarfissaq kingulleq 

Qinnuteqaat siusinnerusukkut suliffigisimasat pillugit paasissutissanik aamma ilinniagarisamut soraarummeernermut allagartat nuutinnerinik aammalu sulisitsisorinikuusat oqaaseqaataannik ilaqartillugu kommunimut nassiunneqassaaq, kingusinnerpaamik ulloq 20. Marts 2016

 

Suliffik pillugu annertunerusumik paasisaqarumaguit, allatseqarfiup pisortaanut Karl Jørgen Geisler-imut attaveqarsinnaavutit uunga oqarasuaammut +299 94 78 10 / mobil. 535791 imaluunniit mail aqqutigalugu allagaqarsinnaavutit uunga kage@qaasuitsup.gl

Qinnuteqarfissaq uunga nassiunneqassaaq 

Qaasuitsup Kommunia

Postboks 1023

3952 Ilulissat

Imaluunniit  e-mailikkut: hr@qaasuitsup.gl