Ilaqutariinnut katsorsaasoq ilaqutariit illuannut

Ilaqutariit ikiornissaminnik pisariaqartitsisut ikiortariaqartullu ikiornissaannik soqutiginnippit? Taamaassimappat immaqa illit tassaavutit ujartugarput.
Qinnuteqarfissaq:
27. marts 2016
Sumi:
Uummannaq
Akissarsiat:
Isumaqatigiissut malillugu

Qaasuitsup Kommuniani Uummannami ilaqutariit illuannut ilaqutariinnut katsorsaasumik pissarsiorpoq 

Qaasuitsup Kommuniata immikkoortortaqarfiani Uummannami ilaquatariinnik katsorsaasumi ilaqutariinnik sullisserusuttumik 1. maj 2016 pissarsiorpugut imaluunniit isumaqatigiissuteqarnikkut sulilersinnaasumik ujaasivugut.

 

Ilaqutariit Illuanni aqutsisoq qaninnertut pisortarissavat.

Suliassat akisussaaffiillu ilaatigut makkuussapput 

  • Perorsaaneq, sumiginnakkat, suliffeqarfiup iluani attaveqaqatigiinneq, suliffeqarfiup iluani inissisimaffiit agguataarneqarneri, inuusuttuaqqat ajornartorsiutai assigisaallu pillugit siunnersuineq ilitsersuussinerlu

  • Ilaqutariit sullissisullu suleqatigalugit isumasioqatigiissusiornerni peqataaneq

  • Ilaqutariit ulluinnarni inuunerminni suliassanik aaqqissuussineranni ikiuineq

  • Ilaqutariit suleqatigalugit aaqqiagiinngissutinik aaqqiissutissanik suliaqarneq

  • Ilaqutariit aallaavigalugit pisarialinnik ikiorsiisarneq

  • Meeqqat ilaqutariillu ataatsimoorussamik ajornartorsiuteqarnerisa pilersaarusiorfigineqarnissaannik aallartitsinissamut akisussaaqataaneq

  • Illoqarfimmi innuttaasut ammasumik sapaatip-akunneranoortumik siunnersortarlugit

  • Pissutsit aallaavigalugit suliffeqarfiup iluani avataanilu suleqatinik suleqateqarneq

  • Sulianik nutaanik pilersitsineq; sullitat allattorsimaffianik nalunaarsuineq aamma nutarterisarneq ilanngullugit

 

Taakku saniatigut atorfiup akisussaaffii allaaserineqarneranilu allatat innersuussutigine-qarput; taakku inuk attaveqaatittut ataani allataq saaffigalugu pissarsiarineqarsinnaapput.

Makku piginnaasaqarfigissagitit ilimagaarput  

  • Isumaginninnermi siunnersortitut, perorsaasutut imaluunniit perorsaasup ikiortaatut ilinniagaqarneq aamma meeqqanik ilaqutariinnillu sullissinermik misilittagaqarneq.

  • Kommunep aaqqissuussaanut attuumassutilinnik meeqqanik, inuusuttunik ilaqutariinnillu sullissinermik misilittagaqarneq

  • Inuinnik allanik isumaginninnermillu soqutigisaqarneq

  • Eqaatsumik pitsaasumillu isummertarneq

  • Sulianik tamanik malinnaalluarsinnaaneq pilersaarusiorsinnaanermullu pikkoriffeqarneq

  • Imminut allanillu paarinnissinnaaneq

  • Nuannaartuuneq eqqarsariallaqqissuunerlu

Akissarsiat atorfeqarnermilu atugarisat 

Akissarsiaqartitsineq atorfeqartitsinerlu pissapput atorfinittussap atorfinitsinneqarnermini ilinniakkani aallaavigalugu Naalakkersuisut kattuffiullu isumaqatiginninniarsinnaatitaasup isumaqatigiissutaat atuutsinneqartoq tunngavigalugu.  

 

Nammaginartumik pinerlitsaaliisimannginnermut uppernarsaat aamma meeqqanik pinerliisi-mannginnermik uppernarsaat atorfininnissamut piumasaqaataavoq. Taakku atorfinittussap atsiorluni akuerinerata kingorna atorfinititsisussamit Naalagaaffiup politiivinut (Rigspolitiet) pissarsiarineqassapput.

 

Atorfik inissaqartitsinngilaq.

 

Atorfik pillugu paasissutissat itinerusut qitiusumik Inunnik Isumaginnittoqarfimmi immikkoortortami pisortamut, Nielsine Grønvold Petersen-imut, oqarasuaat 95 45 06 imaluunniit mailimut: nipe@qaasuitsup.gl –mut saaffiginnilluni pissarisiarineqarsinnaapput.

Qinnuteqarfissaq kingulleq 

Qinnuteqaat ilinniarsimanermik siusinnerusukkullu suliffigisimasanik paasissutissartalik, ilinniakkamik naammassinninnermi uppernarsaatip oqaaseqaatillu assinganik ilalerlugu HR-afdelingen kingusinnerpaamik 27. marts 2016-imi tiguneqareersimassaaq.

Qinnuteqaat uunga nassiunneqassaaq 

Qaasuitsup Kommunia

Sulisoqarnermut Immikkoortortaqarfik

Postboks 1023

3952 Ilulissat

Imaluunniit e-mail-ikkut: hr@qaasuitsup.gl