Aningaasaqarnermi ingerlatsivimmi missingersuusiornermi suliassaqarfimmi pisortaq

Qaasuitsup Kommuniata kissaatigaa aningaasaqarnermi aqutsinerup nukittorsarneqarnissaa taamaattumillu missingersuusiornermi suliassaqarfimmi pisortamik atorfimmik nutaamik pilersitsilluni. Suliassaqarfimmi pisortaq Aningaasaqarnermi Ingerlatsiviup ataani inissisimassaaq.
Qinnuteqarfissaq:
19. marts 2016
Sumi:
Ilulissat
Akissarsiat:
Isumaqatigiissut malillugu

Qaasuitsup Kommuniani Ilulissani aningaasaqarnermi ingerlatsivimmi missingersuusiornermi suliassaqarfimmi pisortamik pissarsiorpoq 

Missingersuutinut Suliasaqarfimmi Pisortaq Nakkutilliisunut marlunnut akisussaavoq kiisalu ingerlatsivinni allani Nakkutilliisunut pingasunut akisussaalluni.

 

Kissaatigineqarpoq atorfik inuttalerneqassasoq 1. april 2016 imaluunniit isumaqatigiissuteqarnikkut.

 

Qaninnerpaamik qullersarisaq tassaassaaq Pisortaaneq.

 

Qaasuitsup Kommunia Ilulissani Aningaasaqarnermi Ingerlatsiviup ataani missingersuutinut Suliassaqarfimmi Pisortassarsiorpoq.

Akisussaaffeqarfiit ilaatigut makkuussapput 

  • Missingersuusiorneq kiisalu missingersuutitigut naatsorsuutigisanik suliaqarneq.

  • Missingersuutinik malitseqartitsineq.

  • Aningaasat tigoriaannaat pillugit missingersuusiorneq.

  • Kukkunersiuisut nalunarusiaannik malitseqartitsineq.

  • Missingersuutinik malitseqartitsinermut kiisalu naatsorsuutinik suliaqarnermut atatillugu nikingasoqartillugu nassuiaassineq.

  • Akimuilluni misissueqqissaarnerit

  • Kisitsisinik pingaarnernik suliaqarneq.

  • Illoqarfiit suliassaminnik suliaqarneranni ingammik sunniutit aamma pitsaassuseq eqqarsaattigalugit tapersersuineq, nakkutilliineq aamma malitseqartitsineq.

  • Benchmarking.

  • Nussuineq aamma ilassutitut aningaasaliissutit.

  • Naatsorsuutini allamut nuutsiterineq.

  • Oqimaaqatigiissitsinerit killiffiinik nakkutilliineq.

Suliassatigut aamma inuttut piginnaasat 

  • Aningaasaqarnikkut sivisunerusumik ilinniagaqarneq imaluunniit misilittagaqarneq.

  • Aningaasaqarnikkut aqutsinermik misilittagaqarneq.

  • Kommunit aningaasaqarnerannut ilisimasaqarneq.

  • Winformatikkimut ilisimasaqarneq.

  • Excel-imut aamma Word-imut ilisimasaqarneq.

  • Suleqatikkuminartoq aamma ataqatigiissaarisinnaasoq.

  • Takunnissinnaassusilik, suliniarluartoq aamma periusissanut ilisimasalik.

  • Suliassanut piffissalikkanut ataqqinninneq.

  • Sullisserusussusilik.

  • Isornartorsiuisinnaasoq.

  • Attaveqaqatigiinnermi piginnaasat nukittuut.

  • Pitsaassutsimik pingaartitsisoq.

Akissarsiat- aamma atorfininnermi atugassarititaasut 

Akissarsiat- aamma atorfininnermi atugassarititaasut atorfininnerup nalaani Naalakkersuisut kiisalu suliniaqatigiiffiup isumaqatigiinniartussaatitaasup akornanni isumaqatigiissut atuuttoq naapertorlugu pissaaq.

Atorfimmut atatillugu inissamik innersuussisoqarsinnaavoq.

 

Paasissutissat annertunerusut pisortaagallartumut Ane Møller Hjøllund saaffiginninnikkut uunga pissarsiarineqarsinnaapput e-mail: amh@qaasuitsup.gl imaluunniit oqarasuaat 94 79 87, imaluunniit Sulisoqarnermut aamma Isumalluuteqarnermut Suliassaqarfimmi Pisortamut Salomon Blytmann  e-mail: sabl@qaasuitsup.gl imaluunniit oqarasuaat 94 76 53.

 

Qinnuteqarfissaq kingulleq 

Qinnuteqaat ilinniagaqarsimanermut kiisalu siornatigut suliffigisimasat pillugit paasissutissanik imaqartoq, soraarummeernermi uppernarsaatinik oqaaseqaatinillu imaqartoq kakiullugu Sulisoqarnermut Isumalluuteqarnermullu Immikkoortortaqarfiup tigoreersimassavaa kingusinnerpaamik ulloq 19. marts 2016.

Qinnuteqaat uunga nassiunneqassaaq 

Qaasuitsup Kommunia

Sulisoqarnermut Immikkoortortaqarfik

Postboks 1023

3952 Ilulissat

Imaluunniit e-mail-ikkut: hr@qaasuitsup.gl