Piareersarfimmi pisortaq

Qeqertarsuarmi Piareersarfimmi pisortatut atorfik 1. maj 2016 isumaqatigiissuteqarnikkulluunniit atorfinittussamik inuttassarsiuunneqarpoq.
Qinnuteqarfissaq:
13. marts 2016
Sumi:
Qeqertarsuaq
Akissarsiat:
Isumaqatgiissut malillugu

Qaasuitsup Kommuniani Qeqertarsuarmi Piareersarfimmi pisortamik pissarsiorpoq 

Piareersarfiup kommuni, ilinniarfeqarfiit Namminersorlutillu Oqartussat suliassaataat ilinniartitaanermut, aqqutissiuussinermut, paasissutissiinermut nalunaarsuinermullu ilaatigut tunngasuusut assigiinngiiaartut suliassarai, aammalu taamaalilluni ililnniartitaanikkut suliffeqarnikkullu qaffassaanermi suliniutinik nutaanik ineriartortitsilluni ingerlatsineq kiisalu innuttaasunik ingerlaannaq ilinniakkamik aallartitsinissaminnut periarfissaqanngitsunut aqqutissiuussineq.   

 

Piareersarfik kommunimi aqqutissiuussinernut, pikkorissaanernut, ilinniaqqinnernullu qitiusutut inissisimasussaavoq taamaalillunilu aamma innuttaasut ineriartornissaannut.

 

Inummik, Qaasuitsup kommunianik, suliffeqarfinnik, ilinniarfeqarfinnik Namminersorlutillu Oqartussanik suleqateqarluni, Qeqertarsuarmi Piareersarfiup ineriartorteqqinneqarneranut siuttuusussamik pissarsiorpugut.

Aalajangiiniarnermi tunngavissatsitut naatsorsuutigaarput 

  • Atuagarsornikkut ilinniagaqarsimasuunissat.
  • Marluinik oqaaseqartuusutit (kal./qall.) oqaluttariarsornikkut allattariarsornikkullu piginnaasaqarfigilluakkannik.
  • Atorfimmik assigusumik misilittagaqarsimassaatit taamaalillutillu aamma aqutsinermik misilittagaqarlutit.
  • Piumassuseqartuussaatit atuarfimmillu ineriartortitseqataasusussuseqassallutit.
  • Sulerusussuseqartuusutit, tamakkiisumik isiginnissinnaasutit aammalu suleqatikkuminartuusutit.
  • Qarasaasiamik naliginnaasumik atuisinnaassaatit.
  • Imigassamik aanngajaarniutinillu ajornartorsiuteqanngitsutit.

Neqeroorutigaagut 

  • Akissarsiat aamma atorfeqarnermi pissutsit, atorfininnermi soraarnermilu angalasinnaatitaaneq kiisalu pigisanik nuussineq Naalakkersuisut kattuffiullu isumaqatigiinniussisinnaatitaasup akornanni atorfininnerup nalaani isumaqatigiissut atuuttoq naapertorlugu pissaaq.
  • Isumaqatigiissutit malillugit atorfininnermut tunngatillugu angalaneq kiisalu pisattat angallanneqarneri pissapput. Tamatumunnga aamma ilaavoq aapparisaq meeqqallu 18-nit inorlugit ukiullit.
  • Ilaqutariit amerlassusaat naapertorlugu pisaqatanngitsumik inissaqartitsisoqassaaq, malittarisassat atuuttut naapertorlugit akilersorneqartussamik.

 

Nammaginartumik pinerlitsaaliisimannginnermut uppernarsaat aamma meeqqanik pinerliisimannginnermik uppernarsaat atorfininnissamut piumasaqaataavoq. Taakku atorfinittussap atsiorluni akuerinerata kingorna atorfinititsisussamit Naalagaaffiup politiivinut (Rigspolitiet) pissarsiarineqassapput.

Paasissutissat 

Atorfik pillugu pisortaagallartoq Bea Mølgaard Lennert oqarasuaatikkut 92 29 14 / 94 78 17 e-mailikkulluunniit  bmle@qaasuitsup.gl paasiniaavigineqarsinnaavoq.

Qinnuteqarfissaq kingulleq 

Qinnuteqaat, ilinniagaqarsimanermut uppernarsaatinik aammalu siusinnerusukkut sulisimanermut uppernarsaatinik ilalik, kingusinnerpaamik ulloq 13. marts 2016 tiguneqareersimassaaq.

Qinnuteqaat uunga nassiunneqassaaq 

Qaasuitsup Kommunia

Sulisoqarnermut Immikkoortortaqarfik

Postboks 1023

3952 Ilulissat

Imaluunniit e-mail-ikkut: hr@qaasuitsup.gl