Ilaqutariinnik katsorsaasoq Ilaqutariit Illuannut

Ilaqutariit ikiorneqarnissaminnik pisariaqartitsisut ikiortariaqartullu ikiornissaannik soqutiginnippit? Taamaassimappat immaqa illit tassaavutit ujartugarput.
Qinnuteqarfissaq:
26. februar 2016
Sumi:
Ilulissat
Akissarsiat:
Isumaqatigiissut malillugu

Qaasuitsup Kommunia Ilulissani Ilaqutariinnik katsorsaasumik Ilaqutariit Illuanni pissarsiorpugut 

Qaasuitsup Kommuniata immikkoortortaqarfiani Ilulissaniittumi ilaquatariinnik katsorsaasumi ilaqutariinnik sullisserusuttumik 1. marts 2016 imaluunniit isumaqatigiissuteqarnikkut sulilersinnaasumik ujaasivugut.

Kommunemi tamarmi ilaqutariinnik katsorsaasut allat, isumaginninnermik siunnersortit tarnillu pissusaanik immikkut ilisimasallit suleqatigisassavatit; taakku qitiusumik ilaqutariit pinaveersaartitsiviullu illuanni nutaami Ilulissani inissisimasumi sulliveqarput. Immikkoortortaqarfimmi pisortaq qaninnertut pisortarissavat.

Suliassat akisussaaffiillu ilaatigut makkuussapput 

  • Ilaqutariinnik katsorsaasup sullissisoq qanimut suleqatigalugulu ilaqutariinnik, ilaqutariittut katsorsartinnissaminnut innersuussanik, aqqutissiuussillunilu siunnersuisassaaq.
  • Perorsaaneq, sumiginnakkat, suliffeqarfiup iluani attaveqaqatigiinneq, suliffeqarfiup iluani inissisimaffiit agguataarneqarneri, inuusuttuaqqat ajornartorsiutai assigisaallu pillugit siunnersuineq ilitsersuussinerlu.
  • Ilaqutariit sullissisullu suleqatigalugit isumasioqatigiissusiornerni peqataaneq.
  • Ilaqutariit ulluinnarni inuunerminni suliassanik aaqqissuussineranni ikiuineq.
  • Ilaqutariit suleqatigalugit aaqqiagiinngissutinik aaqqiissutissanik suliaqarneq.
  • Ilaqutariit aallaavigalugit pisarialinnik ikiorsiisarneq.
  • Meeqqat ilaqutariillu ataatsimoorussamik ajornartorsiuteqarnerisa pilersaarusiorfigineqarnissaannik aallartitsinissamut akisussaaqataaneq.
  • Illoqarfimmi innuttaasut ammasumik sapaatip-akunneranoortumik siunnersortarlugit.
  • Pissutsit aallaavigalugit suliffeqarfiup iluani avataanilu suleqatinik suleqateqarneq.
  • Sulianik nutaanik pilersitsineq; sullitat allattorsimaffianik nalunaarsuineq aamma nutarterisarneq ilanngullugit.
  • Ilaqutariinnik katsorsaaneq naammassippat sullissisumut nalunaarusiortoqartassaaq.

Taakku saniatigut atorfiup akisussaaffii allaaserineqarneranilu allatat innersuussutigineqarput; taakku inuk attaveqaatittut ataani allataq saaffigalugu pissarsiarineqarsinnaapput.

Makku piginnaaneqarfigissagitit naatsorsuutigaarput 

  • Isumaginninnermi siunnersortitut, perorsaasutut imaluunniit perorsaasup ikiortaatut ilinniagaqarneq aamma meeqqanik ilaqutariinnillu sullissinermik misilittagaqarneq.
  • Kommunep aaqqissuussaanut attuumassutilinnik meeqqanik, inuusuttunik ilaqutariinnillu sullissinermik misilittagaqarneq.
  • Inuinnik allanik isumaginninnermillu soqutigisaqarneq.
  • Eqaatsumik pitsaasumillu isummertarneq.
  • Sulianik tamanik malinnaalluarsinnaaneq pilersaarusiorsinnaanermullu pikkoriffeqarneq.
  • Imminut allanillu paarinnissinnaaneq.
  • Nuannaartuuneq eqqarsariallaqqissuunerlu.

Akissarsiat atorfeqarnermilu atugarisat 

Akissarsiat aamma atorfeqarnermi pissutsit, atorfininnermi soraarnermilu angalasinnaatitaaneq kiisalu pigisanik nuussineq Naalakkersuisut kattuffiullu isumaqatigiinniussisinnaatitaasup akornanni atorfininnerup nalaani isumaqatigiissut atuuttoq naapertorlugu pissaaq.

Nammaginartumik pinerlitsaaliisimannginnermut uppernarsaat aamma meeqqanik pinerliisi-mannginnermik uppernarsaat atorfininnissamut piumasaqaataavoq. Taakku atorfinittussap atsiorluni akuerinerata kingorna atorfinititsisussamit Naalagaaffiup politiivinut (Rigspolitiet) pissarsiarineqassapput.

Atorfimmut atatillugu inissaqartitsisoqarpoq.

Atorfik pillugu paasissutissat itinerusut qitiusumik Ilaqutariit pinaveersaartitsiviullu illuanni immikkoortortami pisortamut, Malene Biilmann-imut, oqarasuaat 94 78 99 imaluunniit mailimut: mab@qaasuitsup.gl –mut saaffiginnilluni pissarisiarineqarsinnaapput.

Qinnuteqarfissaq kingulleq 

Qinnuteqaat ilinniarsimanermik siusinnerusukkullu suliffigisimasanik paasissutissartalik, ilinniakkamik naammassinninnermi uppernarsaatip oqaaseqaatillu assiganik ilalerlugu HR-afdelingen kingusinnerpaamik 26. februar 2016-imi tiguneqareersimassaaq.

Qinnuteqaat uunga nassiunneqassaaq 

Qaasuitsup Kommunia

Sulisoqarnermut Immikkoortortaqarfik

Postboks 1023

3952 Ilulissat

Imaluunniit e-mail-ikkut: hr@qaasuitsup.gl