Oqalutsi

Qaasuitsup Kommuniani Pisortaqarfiup Allattoqarfia Ilulissaniittoq
Oqalutsissarsiorpoq/Nutserisussarsiorpoq. Atorfik 1. Februar 2016 imaluunniit isumaqatigiissuteqarnikkut atorfinittussamik.
Qinnuteqarfissaq:
26. januar 2016
Sumi:
Ilulissat
Akissarsiat:
Isumaqatigiissut naapertorlugu

Qaasuitsup Kommuniani Ilulissani pisortaqarfiup allattoqarfiani oqalutsissarsiorpoq/nutserisussarsiorpoq. 

Oqalutsi/nutserisup qaninnertut qullersarissaavaa Nutserisuuneq.

Atorfimmi suliassat pingaarnerit makkuupput 

  • Allattariarsornikkut oqaluttariarsornikkullu nutserinerit, kiisalu politikkerit ataatsimiinnerini torrutiinnarlugu oqaluttaaneq, illullu iluani avataanilu ataatsimiinnerni, pingaarnertut kalaallisut qallunaatullu oqaatsit atorlugit oqaluttaasarnerit.
  • Allattoqarfimmi/Attaveqarnermut immikkoortortami suliassat allat suliarineqarneranni suleqataasarneq.
  • Sulianik avitseqateqarsinnaaneq pisortaqarfiup iluani, suliassat agguataarlugit.

Illit 

  • Nutserisutut/oqalutsitut ilinniagaqarputit imaluunniit tamatumuuna piginnaasaqarnikkut uppernarsaateqarlutit.
  • Qarasaasiamik nalinginnaasumik atuisinnaasoq.
  • Allaffissornermut tunngasutigut piginnaasalik.
  • Namminersorluni sulisinnaasoq.
  • Suliakkiutigineqartunik eqinnaattumik sullissisinnaasoq.
  • Suleqatikkuminartoq.
  • Ammasoq, suleqatinut qanilaartoq qiimasorlu.

Akissarsiat atorfeqarnermilu atugassarititaasut 

Akissaatit atorfinitsitaanermilu atugassarititaasut pissapput atorfininnermi Naalakkersuisut Kattuffiullu isumaqatiginninniarsinnaatitaasup akornanni isumaqatigiissutit atuuttut aallaavigalugit.

Atorfimmut atatillugu inissaqartitsisoqarsinnaavoq, qularnaveeqqutinik/ineqarnermut akiliutinik ilaalu ilanngullugit maleruagassat atuuttut naapertorlugit akilerneqartartussamik. Suliffimmut atatillugu ineqarnermut utaqqisuniinnissaq naatsorsuutigineqassaaq. Atorfimmut atatillugu inissaqarlernissap tungaanut utaqqiisaagallartumik kommunip inissaqartitsisinnaavoq pisatsersoriikkamik. Inatsisit atuuttut naapertorlugit atorfininnermi angalanissaq pisattallu nassiunnissaat isumagineqassapput.

Atorfininneq pinerluuteqarsimannginnermut uppernarsaammik takutitsinissamik piumasaqaatitaqarpoq.

Paasissutissat 

Nutserisuuneq Edvard Geisler, telefon 94 78 12, e-mail:  edge@qaasuitsup.gl –mut saaffiginnilluni paasissutissat allat piniarneqarsinnaapput iml. Sulisoqarnermut immikkoortortaqarfimmut saaffiginninnikkut.

Qinnuteqarfissaq kingulleq 

Qinnuteqaat “Tolk“-imik nalunaaqqutserlugu, ilinniakkamut uppernarsaammik siornatigullu suliffigisimasamit oqaaseqaatinik ilalerlugu kingusinnerpaamik sulisoqarnermut immikkoortortaqarfimmit tiguneqareersimassaaq 26. Januar 2016.

Qinnuteqaat uunga nassiunneqassaaq 

Qaasuitsup Kommunia

Sulisoqarnermut Immikkoortortaqarfik

Postboks 1023

3952 Ilulissat

Imaluunniit e-mail-ikkut: hr@qaasuitsup.gl