Ilulissani Isumaginninnermi allaffimmi immikkoortortami pisortaq

Qaasuitsup Kommuniani immikkoortortami pisortatut atorfik inuttassarsiorneqarpoq
1. februar 2016 atorfinittussamik imaluunnit isumaqatigiissuteqarnikkut
Qinnuteqarfissaq:
26. januar 2016
Sumi:
Ilulissat
Akissarsiat:
Isumaqatigiissut malillugu

Qaasuitsup Kommunia Ilulissani Isumaginninnermut allaffimmi Immikkoortortami pisortamik pissarsiorpugut 

Atorfik allaffissornikkut inississimavoq Ilulissani illoqarfiani tassanilu nunaqarfittai ilanngullugit isumaginninnermut attuumassuteqartunut akisussaaffeqassalluni

Suleqatinut qaninnerpaanut akisussaaffiit ilaatigut makkuussapput 

  • Immikkoortortami pisortanut aqqutissiuilluni, suliassanik agguataarilluni siunnersuillunilu, pingaartumik isumaginninnikkut / aningaasaqarnikkullu sullissinermi.
  • Pisortaasut aningaasatigullu sullissisuusut ataatsimiinneranni peqataalluni.
  • Qitiusumik isumaginnittoqarfimmiit peqqussutit, nalunaarusiat paasissutissat, aammalu imaqarniliat, akigititassat nutaat pillugit; ilitsersuutitallit, tunngavilersuutit, maleruagassat, suleriutsit kiisalu sipaarniuteqarnissami nukissanilluunniit allannguinissami pisortanut suliassarititat eqqortumik apuunneqarnissaat. Aammalu peqqussuteqaatit piaarnerpaamik ikkunneqartarnissaat isumagalugu.
  • Pisortaasut uteqqiineri oqaaseqaatai isornartorsiutai kiisalu isumassarsiaat kissaataallu isumaginninnikkut qitiusoqarfimmut ataatsimiititaliamullu utertinneqartarnissaat isumagalugu.
  • Pisortat sullissisullu ilinniarsimassutsimikkut ineriartornissaat isumagalugu.
  • Atorfimmut atatillugu akisussaaffittut pigitinneqartut allat

Qaninnerpaamut qullersarisamut akisussaaffiit 

  • Isumaginnittoqarfimmiit ataatsimiititaliamut inassutaasunik ingerlatitseqqiisarnissaq
  • Inatsisissat nutaat pillugit tusarniutitut akissutit ingerlateqqittarnissaat
  • Akiliutit naatsorsuuserinerillu qaammatikkaartumik nalunaarusiortarnissaq. Inissititerilluni allanngortiterisinnaaneq, sipaarniuteqarnikkut ingerlatsisinnaaneq, aammalu immikkut aningaasaliissuteqarfissanik qinnuteqaatinik isumaginnilluni.
  • Missingersuusiorsiornermik ataqatigiissitsisuulluni naatsorsueqqissaarutillu ilisimatitsissutigisinnaallugit
  • Assigiinngitsunik allagaqaasiorsinnaaneq
  • Naammagittaalliuutinik suliaqarsinnaaneq
  • Ataatsimiittarnernut peqataasarnissaq

Piginnaasat 

  • Isumaginninnermi siunnersortitut ilinniarsimasuunissaq, allatulluunniit tulluussinnaasumik ilinniagaqarsimanissaq, isumaginninnerullu tungaatigut ilinniagaqarnissamut piumassuseqarnissaq, aammalu aqutsisutut misilittagaqarnissaq
  • Tulleriiaareqqissaarneq misissueqqissaarnerlu
  • Nukittuumik aqutsisinnaalluarneq
  • Tatiginartuuneq maligassiuilluartuunerlu
  • Misiginneqataasinnaassuseqarluarneq
  • Attaveqarsinnaanermut piginnaasaqarneq
  • Nammineq suliniuteqarsinnaaneq
  • Ilisimasanik ingerlatitseqqiisinnaaneq
  • Eqqarsartaatsikkut nukittooq
  • Allanngortitsisinnaanermut piareersimaneq
  • Ataatsimut isigalugu paasisimasaqartuuneq
  • Sungiussiasoq
  • Eqqartuussisutigut maleruagassanit misilittagaqarneq

Akissarsiat atorfeqarnikkullu atugassarititat 

Akissaatinut atorfeqarnermullu pissutsit, Naalakkersuisut atorfinittullu ilinniagaa tunuliaqutaralugu kattuffigisaata akornanni isumaqatigiissutaa atorfinitsitsinermi tunngavigineqassapput.

Atorfimmut atatillugu inissaqartitsisoqassaaq malittarisassat atuutuut tunngavigalugit.

Atorfimmut paasissutissat annerusut piniarneqarsinnaapput Qaasuitsup Kommuniani Isumaginninnermut/suliffissaqartitsiniarnermut/Pinaveersaartitsinermullu pisortaanermut Henrik Soloy -imut saaffiginninnermi, mail heso@qaasuitsup.gl

Qinnuteqarfissaq kingulleq 

Qinnuteqaat soraarummeersimanermullu allagartat attuumassuteqartut assilineri, CV kiisalu oqaaseqaatit inassuteqaatillu kingusinnerpaamik nassiunneqassapput 26. januar 2016

Qinnuteqaat uunga nassiunneqassaaq 

Qaasuitsup Kommunia Ilulissat

Sulisoqarnermut immikkoortortaqarfik

Postboks 1023

3952 Ilulissat

imaluunniit e-mailikkut: hr@qaasuitsup.gl