Angerlarsimaffimmi ikiorteqarnermut ningiuusumut tullersorti

Qaasuitsup Kommuniani Aasianni paaqqutarinninnermi ataatsimoorussilluni sullissivik, utoqqaat illuat aamma angerlarsimaffimmi ikiorteqarfik ningiuusumut tullersortimik pissarsiorpoq, piaartumik isumaqatigiissuteqarnikulluunniit atorfinittussamik.
Qinnuteqarfissaq:
15. december 2015
Sumi:
Aasiaat
Akissarsiat:
Isumaqatigiissut malillugu

Paaqqutarinninnermi ataatsimoorussilluni sullissivik utoqqaat illuat aamma angerlarsimaffimmi ikiorteqarfik ningiumut tullersortimik pissarsiorpoq 

Kommunemi Paaqqinniffimmi Ataatsimoorussamik Sullissivimmi – Utoqqaat Illuat – Angerlarsimaffimmi Ikiorteqarfik kiisalu Ulluinnarni Ornittagaq 6-nik inissaqartitsisuuvoq.

Tullersorti Angerlarsimaffimmi Ikiorteqarfiup Ningiuusup aqutsineranut akisussaaqataasuuvoq, Ningiuusullu akisussaaffiinut akisussaaqataasuulluni.

Aqutsisoqatigiit ukuupput: Peqqissaasoq tullersorti, allaffissornikkut tullersorti, Angerlarsimaffimmi Ikiorteqarfimmi aqutsisoq kiisalu Ningiuuneq.

Akisussaaffiit 

  • Akisussaaffigissuatit angerlarsimaffimmi ikiortakkat 80-t missaaniittut illoqarfimmiut, kiisalu nunaqarfinni (Kitsissuarsuit, Akunnaaq Ikamiullu) siunnersuisuuffigalugit.
  • Taamatuttaaq angerlarsimaffimmi ikiortinut aqunneqarnerannut akisussaaffeqaqataasuussallutit, taassumallu ataani støtteperson-it ikorfar- tortit, kiisalu imertartut solar-imik aatsisartut, nivattullu illoqarfimmi.
  • Ulluinnarni sulisunik aqutsineq kiisalu ikiortakkat sullinneqarneranni suliassanik ataqatigiissaarineq, inatsisit malittarisassallu atuuttut najoqqutaralugit, ilaatigut ikiortakkat ikiorneqarnissaanik naliliinerit, aammalu ikiortakkat sullinneqarnissaanik innersuussinerit.
  • Peqataanissaq ataatsimiinnernut assigiinngitsunut illup iluani aammalu illup avataani suleqatigiit akornanni.

Ilinnut ilimasuutigivagut 

  • Ulluinnarni suliassarnik nammineerlutit aaqqissuussisinnaaneq
    Nammineerlutit aqutsisinnaallutit, aammalu suliassarnik ujartuillaqqittuusinnaallutit malittarisassat najoqqutaralugit.
  • Ulluinnarni ulapaarfiusumi suliffik nuannarissagit, taassumallu saniatigut vagt-eqarluni suliaqarneq, sap.akun.1-ikkaarlugit
    (angerlarsimaffimmi pinartoqartillugu sillimasuuneq) aqutsisooqatit peqatigalugit.
  • Paaqqutarinninnermi/Isumassuinermi suleqatinik isummersuisinnaallutit, Kalaallit nunaanni pissutsit eqqarsaatigalugit.
  • Misilittagaqarneq/ilinniaqqissimaneq aqutsinerup tungaatigut (piumasaqaataanngilaq).
  • Peqqinnissap iluani ilinniagaqarnissaq.

Suliassat pingaarnerit 

  • ikiorteqarnermi/isumassuinermi pilersaarusiorneq/ Ineriartortitsineq/ sulianik nalileeqqinnerit, utoqqarni illoqarfimmi najugalinnik
  • paaqqutarinninnermi atortunik inniminniineq (annikittunik)
  • Sulisunik nutaanik ilisarititsineq/sungiusaaneq
  • Sulisunik Ilinniartunillu ilinniartitsineq/ ilitsersuineq ineriartortitseqataanerlu
  • Suliffimmi sungiusarfittut (praktikkerfittut) ineriartortitseqataaneq
  • Paaqqutarinninnermi/Peqqissaanermi isumassuinermilu sulinermi ataasiakkaatigut illoqarfimmi ikiuussinnaaneq

Akissarsiat atorfininnermilu atugassarititaasut 

Atorfik isumaqatigiissutit naapertorlugit akissarsiaqartinneqassaaq.

Nutsernermi angalanerit inatsisit atuuttut najoqqutaralugit atuupput.

Aammalu atorfimmi inissaqartitsisoqassalluni, illumut allanullu akiligassat atuutsillugit.

Atorfinitsitsineq pineqaatissinneqarsimanermut peqannginnissaq piumasaqaataavoq.

Atorfimmut annerusumik paasisaqarusukkuit  afdelingsleder

Judithe Petrussen attavigineqarsinnaavoq tlf.: 89 47 33.

Qinnuteqarfissaq kingulleq 

Qinnuteqaat paasissutissanik ilinniarsimanermullu allagartat il.il. siornatigullu suliffigisimasanut uppernarsaatit nassiunneqassapput kingusinnerpaamik 15. december 2015.

Qinnuteqaat uunga nassiunneqassaaq 

Qaasuitsup Kommunia

Sulisoqarnermut Immikkoortortaqarfik

Postboks 1023

3952 Ilulissat

Imaluunniit e-mail-ikkut: hr@qaasuitsup.gl