Attup Atuarfianut pisortaq

Attup Atuarfia, Attumi atuarfimmi pisortassarsiorpoq 1. januar 2016-mi atorfinittussanik.
Qinnuteqarfissaq:
29. november 2015
Sumi:
Kangaatsiaq
Akissarsiat:
Isumaqatigiissut naapertorlugu

Qaasuitsup Kommuniani Attup Atuarfiani pisortamik pissarsiorpoq 

Atuarfimmi pisortap qaninnertut qullersarissavaa Kangaatsiami atuarfiup pisortaa.

Suliassat akisussaaffiillu 

  • Allaffissorneq perorsaanermullu aqutsineq atuarfeqarfimmut tunngatillugu.
  • Meeqqat atuarfiannut tunngatillugu inatsisinik kiisalu isumaqatigiissutinik malitsitineq, matumani ingammik isumaqatigiissutinut sukkulluunniit atuuttunut naapertuuttumik sammisaqartisinermut- kiisalu tiiminut pilersaarutit eqqarsaatigalugit.
  • Atorfiniffimmi atuartitsinerup tamakkiisup meeqqat atuarfiat pillugu Inatsissartut inatsisaanut nr. 15 3. december 2012-meersumut naapertuunnersoq akisussaasutut qulakkiissallugu.
  • Atorfiniffimmi sulisorisanik atorfinitsitsinerit.

Piginnaasat kissaatigineqartut 

  • Aqutsisutut allaffisornikkullu qaffassaasumik ilinniagaqarnerit/pikkorissarnerit.
  • Atuarfeqarfimmi aqutsisutut minnerpaamik ukiut marluk misilittagaqarneq.
  • TRIO/TEA/TABULEX-imut ilisimasaqarneq.
  • Atuarfinnik aqutsinermut ingerlatsinermullu misilittagaqarneq.
  • Qarasaasianut atuisutut ilisimasaqarneq.
  • Akisussaassuseqarneq, eqinnaatsoq suliaminullu tunniusimasoq.
  • Tamanik takunnissinnaassuseqarneq, pisuni ulapaarfiusuni naammassisaqarsinnaaneq kiisalu tamatigoortuuneq.
  • Suleqatiginnikkusussusilik, naaperiaasinaasoq kiisalu patajaatsoq.
  • Timikkut tarnikkullu peqqissuuneq.
  • Ineriartortitsineq eqqarsaatigalugu takorluugalik kiisalu nutaaliiorsinnaasoq.

Akissarsiat aamma sulinermi atugassarititaasut 

Atorfinitsitsineq pisinnaavoq ukiunik killileriikkanik atorfinitsitsineq Kalaallit Nunaanni Naalakkersuisut aamma Ilinniartitsisut Meeqqat Atuarfianneersut Kattuffiat, IMAK’ip akornanni isumaqatigiissut malillugu. Qinnuteqartut tjenestemand-itut atorfiliusut, taamatut atorfeqarneq pigiinnassavaat. Inissaqartitsineqassaaq, tassungalu akiliutissaq akilerneqartassaaq malittarisassat qaqugumulluunniit atuuttut malillugit.

Akissarsiat atorfinitsitaanermilu pissutsit, taassuma iluaniillutik pisinnaatitaaneq atorfinikkiartorluni angalasinnaatitaaneq pisattallu nuunnissaannut, pissapput Kalaallit Nunaanni Naalakkersuisut aamma Ilinniartitsisut Meeqqat Atuarfianneersut Kattuffiat, IMAK’ip akornanni isumaqatigiissutit atorfinninnermi atuuttut malillugit.

Atorfik pillugu paasissutissat annertunerusut Kangaatsiami atuarfiup pisortaanut Jonathan Petersen-imut e-mail-ikkut jopt@qaasuitsup.gl kiisalu oqarasuaammut 87 21 20-mut saaffiginninnikkut pissarsiarineqarsinnaavoq.

Pinerlussimannginnermut naammaginartumik uppernarsaat aamma meeqqanik pinerliisi-mannginnermik uppernarsaat atorfininnissamut piumasaqaataavoq. Taakku atorfinittussap atsiorluni akuerinerata kingorna atorfinititsisussamit Naalagaaffiup politiivinut (Rigspolitiet) pissarsiarineqassapput.

Qinnuteqarfissaq kingulleq 

Qinnuteqaat ilinniagaqarsimanermut uppernarsaatinik siornatigullu suliffigisimasanik paasissutissanik, soraarummeersimanermilu uppernarsaatinik assigisaanillu ilaqatinneqartoq Sulisoqarnermut Immikkoortortaqarfiup kingusinnerpaamik ulloq. 29. november 2015 tigoreersimassavaa.

Qinnuteqaat uunga nassiunneqassaaq 

Qaasuitsup Kommunia

Sulisoqarnermut Immikkoortortaqarfik

Postboks 1023

3952 Ilulissat

Imaluunniit e-mail-ikkut: hr@qaasuitsup.gl