Pilersaarusiornermi- aamma nunaminertalerinermi allatsi

Qaasuitsup Kommuniani Pilersaarusiornermi Immikkoortortaqarfik Pilersaarusiornermi- aamma Nunaminertalerinermi allatsimik ataatsimik amigaateqarpoq. Atorfik Ilulissani Kommunip allaffiani inissisimavoq, tassani qaninnerpaamik qullersarisassat tassaalluni Pilersaarusiornermi Pisortaq. Atorfik inuttaqanngimmat inuttalerneqarnissaa piaartumik isumaqatigiissuteqarnikulluunniit kissaatigaarput.
Qinnuteqarfissaq:
23. november 2015
Sumi:
Ilulissat
Akissarsiat:
Isumaqatigiissut malillugu

Suliassaqarfiit- aamma akisussaaffeqarfiit 

  • Ulluinnarni allaffissorneq, nunaminertanik qinnuteqaatinik ataqatigiissaarineq.
  • Innuttaasunik, inuussutissarsiortunik, naalakkersuinikkut suliaqartunik nunaminertanik tunineqarnissamut qinnuteqartunik sullissineq, nunap assinge aamma sullissinerit allat.
  • Nunaminertalerinermi periutsip nutaap Piillikaarsuup ineriartortinneqarneranut peqataaneq, nunaminertanut atuagaq najoqqutassaq piviusunngortillugu nutarterlugu, sulianik inississuineq assigisaanilluunniit.
  • Ataatsimiititaliat ataatsimiinnerannut atatillugu oqaluuserisassanik nassiussuineq, imaqarniliorneq il.il.
  • Immikkoortortaqarfimmi ataatsimiinnernut allattaaneq.
  • Pilersaarusiornermi siunnersuutinik saqqummiussinermi peqataaneq.
  • Eqqaamiuusunut tusarniaanermi peqataaneq pilersaarusiornermi- aamma nunaminertalerinermut apeqqutinut.

Piginnaasassatut kissaatigineqartut 

Kommunip kissaatigaa qinnuteqartoq suliassamut pitsaasunik imaattunik piginnaanilik:

  • Pilersaaarusiornermut ilisimasaqarneq kiisalu ajornanngippat Kalaallit Nunaanni pilersaarusiorneq aamma nunaminertalerineq pillugu inatsisinik ilisimasaqarneq imaluunniit soqutigisaqarneq.
  • Suliffeqarfimmi naalakkersuinikkut aqunneqartumi sulinermut kajumissuseqarneq.
  • Qaraasaasiarsornermut ilisimasaqarputit, periutsimut Office-mut misilittagaqarneq kiisalu ajornanngippat GIS-imut ilisimasaqarneq.
  • Danskisut allassinnaallutillu atuarsinnaavutit kiisalu aamma kalaallisoorsinnaaguit iluaqutaassalluni.
  • Sulinermi avatangiisinut pitsaasunut ilumoorsaarfiunngitsumut suliallu tungaatigut ineriartornissamut periarfissagissaartumut, piumasaqarfiusumut ulapaarfiusinnaaasumullu ilanngutissaatit.
  • Nutaaliorsinnaavutit, peqqissaartuullutit, aaqqissuussaasumik suleriaaseqarlutit kiisalu suliassatigut tamatigoortumik takunnissinnaassuseqarlutit.
  • Qiimasuuvutit, eqaatsumik periuseqarlutit kiisalu angusaqarnissamik eqqarsaateqartuullutit.

Aallartisarneq 

  • Pilersaarusiornermut immikkoortortaqarfiup suliffissanni pitsaasumik aamma sukumiisumik aallartisarnissat isumagissavaa, taamaalillutit suliassannut isertikkiartuaarneqarniassagavit.
  • Pingaaruteqarpoq suliffeqarfik tamakkerlugu suleqatigiinnissamut piereersimassasutit, minnerunngitsumillu kulturit marluk avatangiiseralugit suleqatigiinnissamut, aamma inuttut piginnaasat annertuumik pingaartinneqarfiani.

Ukuuvugut 

Qaasuitsup Kommunia tassaavoq nunarsuarmi kommunit annersaat (Danmarkip angissusaa 15-riarlugu) kiisalu Pilersaarusiornermut immikkoortortaqarfik marlunnik oqaaseqarfiusoq inunnik qulingiluanik sulisoqartoq. Imikkoortortaqarfik marlunnik immikkoortortaqarpoq tassaasut pilersaarusiortartut aamma nunaminertalerisut. Illit Pilersaarusiornermi immikkoortortaqarfimmiissaatit.

Akissarsiat- aamma sulinermi atugassarititaasut 

Atorfinitsinneqarneq kiisalu akissaasersorneqarneq isumaqatigissut atuuttoq naapertorlugu pissaaq. Atorfimmut atatillugu inimik innersuussisoqarsinnaavoq, soorlu aamma sulilernermut- aamma soraarnermut atatillugu angalanermut kiisalu pisattat nussunneqarnerannut malittarisassat atuuttut naapertorlugit akiliunneqarneq pissasoq.

Paasissutissat annertunerusut Pilersaarusiornermi pisortamut Hanne Holm Andersen-imut oqarasuaat (+299) 947873 imaluunniit qarasaasiakkut uunga:  hha@qaasuitsup.gl saaffiginninnermi pissarsiarineqarsinnaapput aamma takuuk kommuni pillugu paasissutissat annertunerusut pissarsiarinissaannut. Aammattaaq nittartakkami uani kommunip pilersaarutaa pillugu annertunerusumik atuagaqarsinnaavutit: http://qaasuitsup.kommuneplania.gl

Qinnuteqarfissaq kingulleq 

Qinnuteqaat ilinniagaqarsimanermut kiisalu siornatigut suliffigisimasannik paasissutissanik imaqartoq, soraarummeernermi uppernarsaatinik oqaaseqaatinik assigisaannillu ilaqartoq kakkiullugu uunga qarasaasiakkut nassiunneqassaaq:  hr@qaasuitsup.gl

Qinnuteqaat ulloq ataasinngorneq 23. november 2015 nal. 12:00 nallertinnagu tigoreerneqarsimassaaq.

Qinnuteqaat uunga nassiunneqassaaq 

Qaasuitsup Kommunia

Sulisoqarnermut Immikkoortortaqarfik

Postboks 1023

3952 Ilulissat

Imaluunniit e-mail-ikkut: hr@qaasuitsup.gl