Meeqqanut inuusuttuaqqanullu siunnersorti

Qaasuitsup Kommuniani, Ilulissani Qitiusumik Isumaginninnermut Allaffeqarfik Meeqqanut Inuusuttuaqqanullu Tunngasunut Siunnersortimik pissarsiorpoq 1. December 2015 isumaqatigiissuteqarnikkulluunniit atorfinittussamik.
Qinnuteqarfissaq:
26. november 2015
Sumi:
Ilulissat
Akissarsiat:
Isumaqatigiissut malillugu

Qaasuitsup Kommunia Ilulissani meeqqanut inuusuttuaqqanullu siunnersortimik pissarsiorpoq 

Meeqqanut Inuusuttuaqqanullu Tunngasunik Siunnersorti aqutsisutut oqartussaassuseqanngilaq, kisianni nakkutilliisussalluni siunnersortaallunilu. Suleqatigineqassapput Qitiusumik Isumaginninnermut Allaffeqarfimmi sulisut, Tarnip Pissusaanik Ilisimasalik kiisalu Meeqqanut Inuusuttunut Ilaqutariinnullu Sullissisunut Aqutsisut aammalu immikkoortortaqarfinni  Meeqqanut Inuusuttunullu tunngasunut Ilaqutariinnilu Inissiisarnermi Ataqatigiissaarisut suleqatigissavatit. Meeqqanut Pinaveersaartitsinermullu Tunngasuni Fagchef qaninnertut qullersarissavat.

Suliassat akisussaaffiillu 

  • Meeqqanut inuusuttunullu kommunimi periusissiap atuutsinneqarnissaanik siunnersuisutut inissisimaneq.
  • Siusinaartumik suliniutinik siunnersuinermut akisussaasuuneq.
  • Meeqqanut inuusuttunullu sullissinermi, misissuinerni kiisalu ikiorsiissuteqarnissani tamani sullissinerup pitsaassusissaanut qulakkeerinninnissamut akisussaaneq. Meeqqanut sulianut immikkut ittumik ajornakusoortuni pisariaqartoqartillugu suliaqarnermi peqataaneq.
  • Meeqqanut inuusuttunullu sullissinermi inatsisit tunngavigalugit sullissinernut tamanut tunngatillugu aammalu meeqqanik isumaginninnermi peqqussummut naapertuutumik ikiorsiissutissanik nakkutilliineq, siunnersuineq paasissutissanillu ingerlatitseqqiineq. Pingaartumik akisussaaffigineqassaaq inunnik isumaginnitoqarfiitimi immikkoortortaqarfiini siunnersussallugit takussutissalimmik.
  • Suleqatigiinnik Aqutsisut Sullissisullu akulikitsumik pisariaqartitineq naapertorlugu, imaajagaaqatigisarnissaat. Eqqortumik sullissinissaq qulakkeerniarlugu minnerpaamik ukiumut ataasiarluni Isumaginninnermut Immikkoortortaqarfiit tamaasa nakkutilliinermut atatillugu alakkartertarnissaat.
  • Isumaginninnermut Ataatsimiititaliamut inassuteqaatit Isumaginninnermi Pisortap allattaanut imaluunniit Fagchef-imut ingerlateqqinnissaat isumagalugu. Isumaginninnermi Ataatsimiititaliap aaliangigai imaluunniit qitiusumik aaliangikkat allat piffinni immikkoortortaqarfinnut ingerlateqqinnissaat isumagalugu, aaliangersarneqarsimasunullu naapertuuttumik suliareqqinneqarnissaat isumagalugu.
  • Ikiorsiissutissatut aallartinneqarsimasut tamaasa pillugit naatsorsueqqissaarnernik ataavartumik paasissutissiisarneq nutarsaasarnerlu, ingammik ilaqutaariinnut inissiinerit, tassanngaannartumik inissiinerit kiisalu ulloq unnuarlu angerlarsimaffinnut inissiinerit eqqarsaatigalugit.
  • Inatsisit, peqqussutit, nalunaarutit, kaajallaasitat, ilitsersuutit, piumaffiginninnerit kiisalu meeqqanut inuusuttunullu tunngasunut kommunini malittarisassat nutaat, matumani kommunimi meeqqanut inuusuttunullu politikkikkut anguniakkat kiisalu meeqqat pillugit suliassani suliassaqarfiit akimorlugit malittarisassat pillugit paasissutissiineq.
  • Meeqqanut inuusuttunullu katsorsaanermi suliniutit suleqatigisat avataaneersut eqqarsaatigalugit, ingamik Namminersorlutik Oqartussanut, ulloq unnuarlu angerlarsimaffinnut allatigullu pisortani oqartussanut, suliniaqatgiiffinnut naalakkersuinikkut attumassuteqanngitsunut kiisalu piumassutsiminnut suliniartunut, kommunimut sinniisuuneq.
  • Meeqqanut inuusuttunullu sullissinermi sumiiffinni suleqatigisat atugarisaannik nakkutilliineq, matumani taakkusulinerat kiisalu suliassatigut inuttullu ineriartornerat ilanngullugit. Avataaneersunit nakkutiginninnermut atatillugu isumasioqatigiinnerni imaluunniit meeqqanut inuusuttunullu ilinniagaqarnikkut suliniutinik aaqqissuussinermi aqutsisuuneq.
  • Kommunimi meeqqanut inuusuttunullu ikiorsiissuteqartarnermut atatillugu aningaaasartuutinik tamanik takunnissinnaaneq, naatsorsueqqissaarutinik suliaqartarnermi aqutsisuuneq aammalu missingersuusiornermi siunnersueqataasarneq.


Piginnaasat 

  • Isumaginninnermi Siunnersortitut ilinniarsimaneq – ajornanngippat meeqqanut inuusuttunullu sullissinermi pikkorissarnernik ilassuserneqarsimasunik (Diplomuddannelse i Social Arbejde) (imaluunniit pikkorissarusussuseqarneq).
  • Allatigut ingerlaqqittumik ilinniarsimaneq imaluunniit ilisimatusarnikkut ilinniarsimaneq (tarnip pissusaanik ilisimatooq, perorsaasutut, inatsisilerituutut assigisaanilluunniit) pisariaqarpallu meeqqanut inuusuttunullu sullissinermi imaluunniit isumagininnermi inatsisitigut tunngasutigut pikkorissarsimaneq (imaluunniit pikkorissarusussuseqarneq).
  • Isumaginninnernmi Ingerlatsivimmi meeqqanut inuusuttunullu immikkoortyortaqarfimmi ataqatigiissaarinermik imaluunniit aqutsinermik misilittagaqarneq.
  • Meeqqanut inuusuttunullu sammititanik sullissinermi ataqatigiissaarisutut aqutsisutulluunniit misilittagaqarneq (ass. Atuarfeqarfimmi, meeqqeriveqarfimmi assigisaannilluunniit).
  • Meeqqanut inuusuttunullu kiisalu ilaqutariinnik sullissinermi inatsisitugut malittariasassanik allaffissornikkut aqutsinermik misilittagaqarneq.
  • Tarnikkut qajannaatsuuvutit, tulleriaarillaqqillutit misisseqqissaallaqqillutillu.
  • Isumaqatigiissusiullaqqissuuvutit (ingammik akerleriniinnermut isornartorsiuinermullu atatillugu).
  • Tatiginartuuvutit, misiginneqatiginnissinnaallutit aammalu maligassiuilluartuullutit (ileqqorissaarnissamut piumasaqaatit malillugit).
  • Attaveqarluarsinnaavutit, sunniuteqarluarsinnaasuullutit inussiarnersuullutillu suliassat siumoortumik eqeersimaartumillu suliarisarlugit.
  • Ilisimasanik ingerlatitseqqiinissamut piginnaaneqarluarputit.
  • Allanngortoqarnissaanut piareersimasuuvutit, ataatsimut isiginnissinnaasoq naleqqussarsinnaallutillu.

Akissarsiat atorfeqarnikullu atugassarititat 

Atorfininnermi atugassarititaasut Naalakkersuisut peqatigiiffiullu isumaqatigiinniarsinnaatitaasup akornanni isumaqatigiissut atuuttoq naapertorlugu atorfinitsitaaneq pissaaq.

Pinerlussimannginnermut naammaginartumik uppernarsaat aamma meeqqanik pinerliisimannginnermik uppernarsaat atorfininnissamut piumasaqaataavoq. Taakku atorfinittussap atsiorluni akuerinerata kingorna atorfinititsisussamit Naalagaaffiup politiivinut (Rigspolitiet) pissarsiarineqassapput.

Atorfimmut atatillugu inissaqartitsisoqarpoq tassunga qularnaveeqqutit/inigisamut akiliutit allallu malittareqqusat atuuttut naapertorlugit akilersorneqassapput. Nuunnermut pequtillu nassiunneri akilerneqassapput.

Paasissutissat 

Paasissutissat sukumiinerusut pissarsiarineqarsinnaapput Isumaginninnermut Pinaveersaartitsinermullu Pisortaq Henrik Sóloy saaffigineratigut, oqarasuaat 94 76 30 imaluunniit mail: heso@qaasuitsup.gl saaffigineratigut.

Qinnuteqarfissaq kingulleq 

Qinnuteqaat ilinniarsimanermut siornatigullu sulisimanermut paasissutissanik imalik, ilanngullugit soraarummeernermut il.il. allagartat Sulisoqarnermut Immikkoortortaqarfimmut apuutereersimassapput kingusinnerpaamik 26. november 2015.

Qinnuteqaat uunga nassiunneqassaaq 

Qaasuitsup Kommunia

Sulisoqarnermut Immikkoortortaqarfik

Postboks 1023

3952 Ilulissat

Imaluunniit e-mail-ikkut: hr@qaasuitsup.gl