HR-konsulent Qaasuitsup Kommunianut

Qaasuitsup Kommunia sulisoqarnermut immikkoortortaqarfimmut sulisoqarnikkut sulianik misilittagalimmik HR-konsulent-issarsiorpoq. Sulisoqarnermut immikkoortortaqarfik qitiusoqarfimmi immikkoortortaqarfiuvoq kommunimi tamanut sullissiviusoq sulilu ineriartortinneqartoq. Taamaammat ineriartortitseqataanissat soqutigigukku, atuarnerit nangiinnariuk.
Qinnuteqarfissaq:
8. november 2015
Sumi:
Ilulissat
Ulloq aallartiffik:
1. december 2015
Akissarsiat:
Isumaqatigiissut malillugu

Sulisoqarnermi siunnersorti 

Sulisoqarnermut pisortaq toqqaannartumik qullersaralugu immikkoortortaqarfiup sulisoqarnernikkut suliassaannik takkussuuttunik suliaqaqataassuutit. Taamatullu aqutsisut sulisoqarnikkut sulisuminnik immikkoortortaqarfinnilu allani akisussaaffigisaanni suliaqartillugit ikiortassallugit. Sulisoqarnermut immikkoortortaqarfimmi atorfiit ullumikkut piusut tassaapput Sulisoqarnermut pisortaq, HR-konsulentit marluk, HRD-konsulent ataaseq, taavalu fuldmægtigit marluk.

Naatsorsuutigisariaqarpat immikkoortortaqarfiup suliassatigut najoqqutarisai ilusilersungaaneralu ataavartumik ineriartortinneqartuarnissai, immikkoortortaqarfiup kommuunimi sullissinerata pitsaanerpaamik ingerlasinnaajuaannarnissaa qulakkeerniarlugu.

Suliassat akisussaaffiillu ilaatigut ukuussapput 

  • Atorfinitsitsiniarnerni aqutsisunik ikiuineq siunnersuinerlu.
  • Aqutsisunik immikkoortortaqarfinni sulisoqarnikkut suliaqarnerini siunnersuineq, siunersiueqateqarneq tapersiinerlu.
  • Sulisoqarnikkut najoqqutassanik il.il. suliaqarneq, atulersitsineq ineriartortitseqqinnerlu.
  • Aqutsisunik sulisunillu sulisoqarnermut tunngasutigut ataavartumik siunnersortaaneq.
  • Sulisunik tusarniaasoqarniartillugu siunnersortaaneq ikiuinerlu.
  • Atugarisat pillugit misissuinerit il.il.
  • Suliassarititaasunik allanik suliaqarneq

Naatsorsuutigaarput 

  • Suliassaqarfimmut tulluuttumik piginnaaneqartitsisumik ilinniagaqarnissat, allaffissornikkut imal. aningaasaqarnermut tunngasumik. Imaluunniit suliassarfiup iluani misilittagaqartuunissat, ajornanngippat aamma naleqquttumik ilinniagaqaqqinnikuu-simassallutit sulisoqarnermut imaluunniit aqutsinermut tunngasumik.
  • Sulisoqarnermut inatsisinik/malittarisassanik ilisimasaqarnissat.
  • Tjenestemand-it inatsisaannik, isumaqatigiissutinik il.il. ilisimasaqarnissat.
  • Kissaatigivarputtaaq Kalaallit Nunaanni pissutsinik ilisimasaqarnissat, ajornanngippallu Qaasuitsup Kommunianik kommuunimi najugaqarfiusut assigiinngiiaaqisut  40-t immikkuullarissumik unammillernarsinnaasunillu suliassartaqarsinnaasarneri ilisimasaqarfiginissai pisariaqarmata.
  • Kalaallit Nunaanni inatsisinik atuuttunik ilisimasaqarnissat.
  • Kultur-inik inunnilu paasinnissinnaanissat, inuiaqatigiinni marluinnik oqaaseqarfiusumi pissutsit immikkuullarissut isiginiarneqarlutik.
  • Kalaallisut, qallunaatut ajornanngippallu tulluttut oqaaseqartuunissat.
  • Attaveqaqatigiinnermut piginnnaasaqarluartuunissat, avammut aammalu suliffiup iluani

Inuttut tassaavutit 

• Peqqissaartoq, misissueqqissaarsinnaasoq, torersumik suleriusilik, ilakkuminartoq sullissilluarusussuseqartorlu.

• Tusarnaarluarsinnaallutillu isumarnik  pitsaasumik oqaatiginnissinnaasoq, taavalu ajunngitsumik persuarsiunngitsumillu attaveqariaaseqarnerup attatiinnarnissaanut peqataallutit.

• Naligiimmik suleqatiginnissinnaasoq.

• Akuersaartuullutillu qiimasoq.

• Peqqissoq ilaatigullu sukkasuumik suleriuseqariataartarsinnaaneermik pisinnaasaqarlutit.

Akissarsiat atorfinitsitaanikkullu atugassarititaasut 

Akissarsiaqartitsineq atorfeqartitsinerlu pissapput atorfinittussap atorfinitsinneqarnermini ilinniakkani aallaavigalugu Naalakkersuisut kattuffiullu isumaqatiginninniarsinnaatitaasup isumaqatigiissutaat atuutsinneqartoq tunngavigalugu.

Atorfimmut atatillugu sulisunut inissiaqartitsisoqarsinnaavoq, taamatuttaaq sulilernermi suliunnaarnermilu angalaneq kiisalu pequtit angallanneqarnerat maleruagassat atuuttut malillugit pisinnaassalluni. Inissaqartitaalernissap tungaanut utaqqiisaasumik pequsersoriikkamik najugaqartitsoqarnissaa periarfissaavortaaq.

Atorfininneq pissaaq 1. december 2015 imaluunniit isumaqatigiissuteqarnikkut kinguninnguani.

Atorfimmut tunngatillugu paasissutissanik allanik piniartoqarsinnaavoq Sulisoqarnermut pisortaq Salomon Blytmann-imut saaffiginninnikkut oqarasuaat 94 76 53-mut sianerluni imaluunniit e-mail-ikkut uunga: sabl@qaasuitsup.gl

Qinnuteqarfissaq kingulleq 

Qinnuteqaat ilinniarsimanermut siusinnerusukkullu suliffigisimasamut tunngatillugu paasissutissanik aammalu soraarummernermi uppernarsaatinik suliffiginikuusallu oqaaseqaataasa nuutinnerannik ilaqartoq sulisoqarnermut immikkoortortaqarfimmut apuutereersimassaaq kingusinnerpaamik 8. november 2015.

Qinnuteqaat uunga nassiunneqassaaq 

Qaasuitsup Kommunia

Att: Sulisoqarnermut Immikkoortortaqarfik

Postboks 1023

3952 Ilulissat

Imaluunniit e-mail-ikkut: hr@qaasuitsup.gl